Zefanaya 1:5 - BAYỊBURU Izii

⁵ waa ndu ono, ejeje anọdu l'ọma mkpotsu ụlo abarụ ẹnyanwu ẹja; yẹe kpokpode; waa ọnwa; waa ndu ono, abajẹru mu ẹja ndu ọphu egudeje ẹpha Chipfu eri angụ tẹme ẹphe egudekwaphọ ẹpha Molẹku eri angụ;

Zefanaya 1:5 ပူးပေါင်းရင်းမြစ်များ

1 Ndu eze 11:33

Iphe, mu e-gude mee ya nno bẹ bụ l'ẹphe harụ mbẹdua; baaharụ Ashịtoretu, bụ agwa ndu Sayịdonu ẹja; mẹ Kemọshi, bụ agwa ndu Mówabu; waa Molẹku, bụ agwa ndu Amọnu. Ọphu o to tsoduru ụzo mu; meje iphe, pfụru nhamụnha l'ẹnya mu; mee iphe, mu tọru ọkpa iya; mẹ omelalị mu; ẹgube ono, nna iya, bụ Dévidi tsoru iya.

1 Ndu eze 11:5

Sólomọnu bya etsoaha Ashịtoretu, bụ agwa ndu Sayịdonu; mẹ Molẹku, bụ ẹjo agwa ndu Amọnu.

1 Ndu eze 18:21

Elayịjia bya apfụru ndu Ízurẹlu ono l'iphu g'ẹphe ha sụ: “?Bụ jasụ teke ole bẹ unu a-nọ-bekpọru ọgazi-ẹnya-labọ ono unu nọ ono? Ọ -bụru l'ọo Chipfu bẹ bụ Chileke; unu tsoru iya. Teke ọbu l'ọo Balụ bẹ bụ Chileke; unu tsonụru iya.” O pfuchaa nno; ọphu ẹphe epfuduru opfu yeru iya.

2 Ndu eze 17:32

Ẹphe abajẹkwarupho Chipfu ẹja. Ọle iphe, ẹphe meru bụ l'ọo ndu nkephẹ bẹ ẹphe họtaru g'ẹphe gwajẹru phẹ iphe lẹ nwụlo-agwa, dụgbaa l'ẹka aagwajẹ iphe ono.

2 Ndu eze 17:33

Ẹphe nọdu abajẹru Chipfu ẹja; obenu l'ẹphe abajẹkwarupho agwa phẹ ẹja l'ụzo ndu alị ẹka ẹphe shi emeje.

2 Ndu eze 17:41

Noo ya; ọha ono nọdu abarụ Chipfu ẹja; bya abakwarụpho agwa nkephẹ ẹja. Ụnwu phẹ je akpaa lẹ nwanwa phẹ bụru gẹ nna phẹ meru bụ g'ẹphebedua eme byasụ ntanụ.

2 Ndu eze 23:12

O nwutsushia ọru-ngwẹja ono, ndu eze ndu Jiuda kpụru l'ụlo-eli Éhazu; nwutsushia ọru-ngwẹja, Manásẹ kpụru l'ọma-unuphu labọ, dụ l'eze-ụlo Chipfu. Ọ kụpyashiru phẹ l'ẹka ono; kụa ya pyaapyaa; chịta iphiriba iya je enwuru ye lẹ nsụda Kidirọnu.

Azáya 22:1

Ọwaa bụ ozi, Chileke ezi ndu bu lẹ Nsụda Ọphulenya ono. Sụ-a; ?bụ gụnu eme ngu nta-a, meru g'o gude; ndibe ngu tụko wụfu wụba l'ọma mkpotsu ụlo;

Azáya 44:5

O nweru onye asụ: Mu bụkwa kẹ Chipfu. Onye ọzo ekua onwiya ẹpha laaru Jiékọpu. Onye ọzo edee l'ẹka iya sụ: Mu bụkwa kẹ Chipfu! Ẹpha mu bụkwa Ízurẹlu!

Azáya 45:23

Mu gudewaa onwomu ria angụ. Mu gudewaa ọnu mu pfua opfu onye pfụberekoto. Ọphu mu abyadụ asụ g'ọ laa azụ. Mu pfuru sụ l'iphe, bụ ikpere ndiphe l'ophu e-mechaa rwuchaaru mu alị. Ọ bụru mbẹdua bẹ ndiphe l'ophu e-mechaa gude erije angụ.

Azáya 48:1

Unu ngabẹ nchị l'opfu-a; unubẹ ọnu-ụlo Jiékọpu; mbụ unubẹ ndu ono, eekujeru laaru Ízurẹlu ono; mbụ unubẹ eri Jiuda; mbụ unubẹ ndu egudeje ẹpha Chipfu eri nte; tẹme unu nọdu akpọ-kuje Chileke kẹ ndu Ízurẹlu; ọphu ọ dụdu ọphu unu eme ire-lanụ; ọphu ọ dụdu ọphu unu pfụberekoto eme;

Jieremaya 12:16

gude ẹpha mu riaha angụ sụ: ‘Eshinu Chipfu nọ ndzụ g'ọ nọ iya-a’; ẹgube ono, ẹphe shiwaa zia ndibe mu ẹphe shi egudeje agwa, bụ Balụ eri angụ ono; bẹ ẹphe a-ngụkwaru angụru l'echilabọ ndibe mu.

Jieremaya 19:13

Iphe, bụkpoo ụlo, nọ lẹ Jierúsalẹmu; yẹle ụlo ndu eze ndu Jiuda bẹ aa-tụrwuchaa g'a tụrwuru ẹka-a, bụ Tofẹtu-a, bụ ẹka ẹphe nọgbaa l'eli ụlo akpọ ụ̀nwù-isẹnsu ọku nụ iphe, bụ kpokpode; tẹme ẹphe nọdu agbaru agwa mẹe gude agwa phẹ.”

Jieremaya 32:29

Ndu Bábilọnu-a, l'etso mkpụkpu-a ọgu-a l'e-mechaa bata bya atụa ya ọku l'ootsua ya tsufu; mbụ tsukọta ọku l'ụlo; mẹ l'ụlo, bụ ẹka ndu nemadzụ nọ kpatsu mu iwe; ẹka ẹphe ejeje anọdu lẹ mkpotsu akpọ ụ̀nwù-isẹnsu ọku anụ Balụ; tẹme ẹphe agbaru agwa mẹe gude agwa iya.

Jieremaya 4:2

tẹme ọ -bụru l'ịi-nọduje egude ire-lanụ; waa ikpe, pfụru ọto; waa apfụbekoto ribua angụ sụ: ‘Eshinu Chipfu nọ ndzụ g'ọ nọ iya-a’ bẹ Chileke e-gude iswi ẹhu iya kebe ọhamoha l'ọma; tẹme ọhamoha ono egude iswi ẹhu iya riaha ùbvù.”

Jieremaya 49:1

A bya l'opfu ẹhu ndu Amọnu; wakwa iphe, oopfu; mbụ Chipfu: ?Bụ lẹ Ízurẹlu te enwedu ụnwegirima unwoke tọo? ?To nwedu onye e-ri iphe iya tọo? ?Dẹnu g'o gude Molẹku gbẹ nata alị ndu Gadu; ọ bụru okiphe iya? ?Dẹnu g'o gude ndibe iya bụru lẹ mkpụkpu iya bẹ ẹphe bugbaa?

Jieremaya 5:2

A makwarụ-a l'ẹphe egudeje ẹpha Chipfu ria angụ; ọle angụ ono, ẹphe eri ono bụkwa ụka bẹ ẹphe adzụ.”

Jieremaya 5:7

“?Dẹnu g'o gude mu je l'agụru unu nvụ? Ụnwu unu gbadoakwaru mu; bya egude agwa, abụdu Chileke riahaa angụ. Ọle ọ kwa mbẹdua emekọtaru phẹ iphe, bụ mkpa phẹ g'ọ ha. Ẹphe nọdu erikwaphọ ogori bya awụ gbiigbiigbi eje l'ụlo ụnwanyi-ụkpara.

Jieremaya 7:10

e mechakwa; unu abya apfụru l'iphu mu l'ụlo-a, bụ ụlo ọphu eeku ẹpha mu alaru-a; pfụru sụ: ‘A nafụtawaru anyi k'ọphu anyi a-nọdu eme ahụma ahụma-a?’

Jieremaya 7:9

?Unu a-nọdu ezi iphuru; egbu ọchi; eri ogori; eri angụ ẹregede; akpọru Balụ ụ̀nwù-isẹnsu ọku; agba etso agwa l'agwa, unu amadụ;

Jieremaya 8:2

L'a chịru phẹ bya awụshi jakpata; anwụ echi iya; ọnwa echi iya; iphe, bụkpoo kpokpode, nọ l'igwe echikọta iya; mbụ iphe ono, ẹphe shi yee obu; shi ejeru iya ozi; mbụ iphe ono, ẹphe shi etso ono; ejeru iya l'ajị; abarụ iya ẹja ono. A taa tụtukobedu phẹ; ọphu eelidu phẹ elili; ọchia iphe, e-me nụ bụ l'ẹphe a-dụ g'ẹkiriko nshị, wụshiru l'alị.

Hosiya 10:2

Ẹregede jiru ọkpoma phẹ ejiji. Ọle ọo nta-a bẹ ẹphe byaru evuta iphe-ẹji ono, ẹphe meru ono. Ọo Chipfu a-lajashị ọru-ngwẹja phẹ ono; bya emebyishia mkpuma ono, ẹphe doberu nsọ ono.

Hosiya 4:15

“Unu -nọdu agbakpọnu ụkpara; unubẹ ndu Ízurẹlu; gẹ ndu Jiuda te eyenu iya phọ ẹka! Unu te ejekwa mkpụkpu Gilugalu! Ọphu unu ejekwa mkpụkpu Bẹtu-Avẹnu je agwa iphe! Ọphu unu agụkwa ẹnwa sụ: ‘Eshinu Chipfu nọ ndzụ g'ọ nọ iya-a!’

Émọsu 5:26

Obenu lẹ nta-a bụ iphe, unu kpọru obu yeru bụ nshi onye eze unu, bụ Sakutu; yẹe iteshi ibe unu, bụ Kayịwanu; mbụ kpokpode ono, unu gwọtaru l'onwunu ono.

Matiyu 6:24

“Ọ tọ dụdu onye achịta nnajị labọ ejeru ozi lẹ mgbo lanụ g'ọ tọ kpọ onye lanụ ashị; yee onye ọphuu obu; ọzoo l'o yeru ẹhu l'ozi onye lanụ; ejeru onye ọphuu ozi mkpẹ. Ị tịi nọdudu etso ụzo Chileke bya emekwaphọ g'okpoga kwatarụ ngu.

Ndu-ishi-ozi 10:9

O rwua nchitabọhu iya gẹ ndu-ozi ono abyawaa erwu Jiọpa; Pyịta nyihu eli ụlo, dụ baswaa l'echi eswe; jeshia epfuru nụ Chileke.

Romu 14:11

Noo l'e deru l'ẹkwo-opfu Chileke sụ: “ ‘Eshinu mu dzụ ndzụ’; bẹ onyemonye e-mechakwaa gbuaru mu ikpere l'alị. Nokwa iphe, Chipfu eepfu. Onyemonye e-mechaa pfukọta l'ọo mu bụ Chileke.”

Ditoronomi 10:20

Unu tsụje Chipfu, bụ Chileke unu ebvu; ọ bụru iya bẹ unu a-nọdu ejeru ozi kpoloko; bụru iya bẹ unu a-kụkuru; bụru ẹpha iya bẹ unu e-gudeje eri angụ.

Ditoronomi 4:19

Mbụ-a; unu kwabẹkwa ẹnya; a -nọnya; unu jeshia apali ẹnya imeli bya ahụma ẹnyanwu; ọzoo ọnwa; ọzoo kpokpode; mbụkpoo iphemiphe, nọkota l'akpaminigwe; ọ gụahaa unu ẹgu k'abarụ ẹja; unu wata phẹ ejeru ozi; mbụ iphemiphe ono, Chipfu, bụ Chileke unu meru; keshigbaaru ndiphe, nọkota lẹ mkpula akpaminigwe-a l'ophu.

Jioshuwa 23:7

G'ọ tọ dụkwa iphe, unu l'ọha, ghuduru nụ, bukube unu e-megbajẹ mẹ ililekpọo. Unu te epfujekwa mabẹeru agwa phẹ; ophu unu egudejekwa phẹ ria angụ. Unu te ephozejekwaru agwa phẹ ono; ọphu unu abajẹkwaru phẹ ẹja.