Zefanaya 1:13 - BAYỊBURU Izii

¹³ Ndu ono bẹ aa-kwa ẹku phẹ l'ọkwata; l'e woru ụlo phẹ mee ochobu. Ẹphe a-kpụ ụlo; ọle ẹphe tee buduru iya. Ẹphe akọo opfu-vayịnu ọle ẹphe taa ngụdu mẹe, shi iya nụ.”

Zefanaya 1:13 ပူးပေါင်းရင်းမြစ်များ

Azáya 6:11

Mu bya ajịa sụ: “Jiko Chipfu; ?bụ teke ole bẹ ọo-duberu nno?” Ọ sụ: “Ọo-dụ nno jasụ mkpụkpu ono adabyiru bụru ochobu. Ọ tọ dụedu onye e-buru iya nụ; jasụ ụlo atụko bụru okorobo ụlo, adụdu onye bu iya nụ. Alị emebyishihu bụru mkpọkoro alị.

Jieremaya 15:13

“Ẹku, ị kpatarụ; yẹle iphe, i nweru enweru bẹ me e-nwuru ye g'a kwaa l'ọkwata. A taa pfụdu ụgwo iya. Ọ bụru iphe, kparụ iya nụ bụ iphe-ẹji, iimegbabẹ l'alị ngu mgburugburu.

Jieremaya 17:3

mẹ l'eze úbvú, nọgbaa l'ẹgbudu. Ẹku ẹku, unu kpatarụ; mẹkpoo iphemiphe, unu nweru; bẹ mu e-mekọta g'a kwaa l'ọkwata. Ono bụru aswa iphe-ẹji ono, dzuru ẹkameka l'alị unu ono.

Jieremaya 4:20

Ọla-l'iswi tsopyabẹ ọla-l'iswi. Alị ono l'ophu bụakwaa ikpọzu. Ibe mu g'ọ ha bẹ a tụkoerupho mebyia lẹ buregedegengu; tụko ụlo mu mebyishia lẹ ntabu-ẹnya lanụ.

Jieremaya 4:7

Oduma shiakwa l'ẹpfukala iya wafụta. Ọla-iphe-l'iswi k'ọha l'ophu bẹ gbalihuakwaru nụ. O shiakwa l'ẹka ọ nọ tụgbua eje g'o mee alị unu ono g'ọ bụru ochobu. Mkpụkpu unu a-tụko bụchaaru ikpọzu; ọphu ọ dụdu onye bya l'ebubaru l'ime iya.

Jieremaya 5:17

Ẹphe a-tụko iphe, i gege akpata l'opfu ripyaa bya eripyaa nri, i nweru enweru. Ẹphe atapyaa ụnwu ngu unwoke mẹ ụnwanyi; ẹphe atapyaa ikpoto eghu mẹ atụru ngu; mẹkpoo eswi ngu; ẹphe eripyaa opfu-vayịnu ngu; mẹkpoo oshi figu ngu; ẹphe egude ogu-echi mebyishia mkpụkpu lẹ mkpụkpu ngu, bụ ndu ọphu a kpụ-pheru igbulọ mgburugburu, bụ mkpụkpu ị kpọru obu yeru.

Jieremaya 9:11

Wakwa iphe, Chipfu epfu baa: “Jierúsalẹmu bẹ mu e-me g'ọ bụru ikpọzu; ẹka nkụta-ọswa e-buru. Mu jekwa e-mekwaphọ gẹ mkpụkpu lẹ mkpụkpu, nọgbaa l'alị ndu Jiuda bụru ochobu; k'ọphu bụ l'ọ tọ dụdu onye ebu iya ebubu.”

Jieremaya 9:19

Aanụkwa àkàkà-ẹkwa, aaka lẹ Zayọnu ẹka ẹphe ara sụ: “Waa g'e mebyishiru anyi! Waa g'iphere anyi habe shii! Anyi hafụtajekwa alị anyi-a kẹle ụlo anyi bẹ e mebyishichawaru.”

Ebvu Aphụ 5:2

Okiphe anyi bẹ lakọtawaru ndu lwarụ alwalwa l'ẹka. Ibe anyi lakọtawa ndu ọhozo l'ẹka.

Ezekẹlu 22:31

Ọo ya bụ; mu tukoshi phẹ oke ẹhu-eghu mu; gude ẹhu-eghu mu, ata pfụpfupfu kepyashịa phẹ; mbụ woru iphe ono, ẹphe mekọtaru ono byabẹ phẹ l'ishi. Nokwa iphe, Nnajịuphu, bụ Chipfu epfu bụ ono!”

Ezekẹlu 7:19

Mkpọla-ọchaa phẹ bẹ ẹphe e-tuphashịchaa lẹ gbororo ụzo; mkpọla-ododo abụru phẹ iphe, aasọ nsọ. Mkpọla-ọchaa phẹ; mẹ mkpọla-ododo phẹ bẹ taa dụdu ike adzọta phẹ lẹ mbọku, Chipfu a-tukoshi phẹ oke ẹhu-eghu iya ono. Ọ tọo dụdu ike eme g'ẹgu ta agụhe phẹ; ọphu ẹphe egudeẹdu iya azụ-ji onwophẹ ẹpho; kẹle o mewaru; ẹphe nwulahụ l'eme ẹjo-iphe.

Ezekẹlu 7:21

“Mu e-woru iya ye ndu ọhozo l'ẹka g'ọ bụru iphe, ẹphe a-kwata l'ọkwata; mbụ mee ya g'ọ bụru iphe, ndu iwashị, bu lẹ mgboko-a a-natakọta lẹ nfụ. Ọ bụru ndu ono e-woru iya merwushikọta.

Ezekẹlu 7:24

Mu e-duta ndu kachakpọo ewe iwashị l'ọhamoha l'ophu; g'ẹphe bya anatakọta phẹ unuphu ibe phẹ. Mu e-me g'ekuku, ndu nweru ọkpehu eku onwophẹ laa nlalanụ; kẹle ẹka dụru phẹ nsọ bẹ ee-merwushikọta emerwụshi.

Émọsu 5:11

Ọo ya bụ lẹ-a; eshinu unu azọje ndu ụkpa tọlitoli; tẹme unu nọdu ekebutajẹ phẹ g'ẹphe nụ unu ereshi; bẹ a makwarụ-a l'unu pyịshiru mkpuma gude kpụshia ụlo; obenu l'ọ tọ dụdu ọphu unu e-bu. A makwarụ-a l'unu kọwaru opfu-vayịnu, dụ ùbvù l'ẹnya; obenu l'unu taa ngụdu mẹe, shi iya nụ;

Mayịka 3:12

Ọo ya bụ l'ọo unu kparụ iphe, ee-mechaa kọo úbvú Zayọnu kọfu g'aakọje opfu-a. Mkpụkpu Jierúsalẹmu e-mechaa bụru ikpọzu. Eli úbvú ono, bụ ẹka eze-ụlo Chileke dụ ono; e-mechaa bụru ẹka ẹgbudu zechiru.

Mayịka 6:15

Ịi-kọebekpoo iphe l'alị; ọle ị tịi kpatadu iya. Akpụru oshi olivu bẹ ịi-zọshikwa; ọle ị tịi nyịdu manụ iya. Ịi-pyịshikwapho akpụru-vayịnu; ọle ị tịi ngụdu mẹe ya.

Zefanaya 1:9

Mbọku ono bẹ mu a-tụko ndu ono, ete ekwedu azọ ọkpa l'ọnu-abata ono; nụa aphụ; mbụ ndu ono, bụ iphe, ẹphe eyejije ụlo onye nwe phẹ nụ bụ iphe, ẹphe kpatarụ lẹ mkpawere yẹe ẹregede.”

Ditoronomi 28:30

“Ii-je lẹ nwanyị jebua; ọo-bụru onye ọzo e-mechaa jepfuaha ya. L'ị kpụa ụlo kpụ-ghe; ọle i ti buduru iya. L'ị kọo opfu-vayịnu; ị tịi ghọtadu mebyi iya.

Ditoronomi 28:39

Unu a-gba opfu-vayịnu kọo ya opfu; ọle unu ta angụdu mẹe, shi iya nụ; ọphu unu awọtadu akpụru, shi iya nụ; noo kẹle ụnwehu a-tafụ iya.

Ditoronomi 28:51

Ẹphe e-ripya ụnwu iphe-edobe unu; waa ụnwu iphe, unu meberu l'alị; jasụ e mebyishibẹbe unu. Ọ tọ dụdu ereshi unu; mẹ mẹe ọ̀phúú unu; mẹ manụ unu; ọzoo eswi unu; mẹ ụnwu atụru unu, ẹphe byaru aharu unu gbiriri jasụ unu alakọta l'iyi.