Rutu 2:12 - BAYỊBURU Izii

¹² Gẹ Chipfu pfụkwaa ngu ụgwo iphe, i meru ono. Gẹ Chipfu, bụ Chileke kẹ ndu Ízurẹlu, bụ iya bụ onye ono, ị gbabataru l'ime iya bya ezeru ndzụ ono; pfụkwaa ngu ụgwo iya mpfụ-ngo lẹ k'ọma.”

Rutu 2:12 ပူးပေါင်းရင်းမြစ်များ

Ebvu-ọma 17:8

Jịfujeru mu ẹjo-iphe; ẹgube ono, aajịfuje iphe-ọnuka g'ọ tọ rwụpya akpụru ẹnya ono. Woru mu domia lẹ mkpula ǹkù ngu;

Ebvu-ọma 19:11

Ọonoduje alọ mụbe onye-ozi ngu ẹka lẹ nchị. Obunggo dụru iya onye anọduje eme iphe, o pfuru.

Ebvu-ọma 36:7

Lewarọ gẹ n-yemobu ngu bụ-be iphe, vu oke-aswa! Ọo iphe ono meru g'o gude ụnwu-eliphe gbaba lẹ mkpula oke ǹkù ngu je anọdu ezeru ndzụ.

Ebvu-ọma 57:1

Gụbe Chileke; meeru mu eze-iphe-ọma! Jiko meeru mu rọ eze-iphe-ọma! Kẹle ọo l'ẹka ngu bẹ mu nọ ezeru ndzụ. Mu a-nọdu lẹ mkpula oke ǹkù ngu ezeru ndzụ; jasụ teke ẹjo-iphe-ẹhuka, byaru mu nụ-a a-bvụebe.

Ebvu-ọma 58:11

Ọo ya bụ; ndiphe epfuahaa sụ: “Ndu pfụberekoto bẹ obunggo dụkwaru eviya; mbụ l'ọ kwa ire-lanụ l'o nweru Chileke, ekpeje eliphe-a ikpe!”

Ebvu-ọma 61:4

Ọogukwa mu ẹgu gẹ mu buru l'ibe ngu jasụ l'ojejoje; mbụ gẹ mu nọdujewaro lẹ mkpula eze ǹkù ngu ezeru ndzụ.

Ebvu-ọma 63:7

Mu nọ lẹ mkpula oke ǹkù ngu agụ ebvu ẹhu-ụtso. Noo kẹle ọo ngu bụ onye eyejeru mu ẹka.

Ebvu-ọma 91:4

Ọo ǹkù iya bẹ oo-gude kpuchia ngu. Ọ bụru lẹ mkpula ǹkù iya bẹ ịi-gbaba je edomia onwongu. Ọ bụru ike, ọopfushije l'iphe, o pfuru a-bụru iphe, e-gbobutajẹ ngu nụ; bya abụru iphe, i gude ezeru onwongu.

Ẹkwo Ẹtu 11:18

Iphe, ndu ẹjo-iphe setarụ l'akanya a-bụru phẹ iphe-mmanụ. Obenu l'onye akụ apfụbekoto gẹ mebyi-iphe, aakụ l'alị bẹ l'a-wọta ọkpobe iphe, ọ kụru.

Ẹkwo Ẹtu 23:18

Noo l'ị maru l'iphu a-dụru ngu lẹ ree. Ọphu iphe ono, agụ ngu nụ ono ejedu mgbabirishi.

Jieremaya 31:16

Wakwa iphe, Chipfu epfu baa: “Gberuma! Ba rahẹ ẹkwa! Huchaa ẹnya-mini, nọ ngu l'ẹnya; kẹle ee-mechaa bua ngu nggo ozi ngu; mbụ l'ẹphe e-shi l'alị ndu ọhogu lwa. Ọ kwa Chipfu epfu iya.

Matiyu 23:37

“Oowaa! Gụbe Jierúsalẹmu! Ị tụkoru ndu mpfuchiru Chileke egbushi; bya egude mkpuma atụ-gbushi ndu e ziru g'ẹphe byapfuta ngu. Tekenteke bẹ mu meru gẹ mu chịkobe ụnwu ngu l'ẹka lanụ gẹ nepfu-ọku achịkobeje ụnwu iya l'ime ǹkù iya-a; ọphu i kwedu!

Matiyu 5:12

G'ẹhu tsọje unu ụtso; unu teje ẹswa; kẹle obunggo unu parụ ẹka l'imigwe. Ọ bụkwapho g'ẹphe akpa unu ẹhu ono bụ g'ẹphe kpakwaru iya phọ ndu mpfuchiru Chileke, vu unu ụzo.”

Matiyu 6:1

“Unu kwabẹje ẹnya g'unu te emeje iphe-ọma unu sagaa k'ọphu onyemonye a-hụmakotaje iphe unu eme. Ọdumeka bẹ Nna unu ọphu bu l'imigwe ta abyakwa ebu unu nggo iya.

Luku 6:35

Ọ bụchia g'unu yee ọhogu unu obu; mejeru phẹ ree. Unu jieje ụgwo wofu iya ẹnya g'obunggo unu aha shii; tẹme g'unu abụru ụnwu Ọkalibe-kangokọtaru-nụ, bụ Chileke; kẹle ndu ta amadụ iphe-ọma yẹe ndu ẹjo-iphe bẹ Chileke dụchakwaruro odoo.

Kọlosi 2:18

Ọo ya bụ g'unu te ekwekwa g'ọ dụru onye l'abya akpọshia unu anata obunggo ono, Chileke l'e-bu unu ono. Unu b'ekwekwa gẹ ndu ono, ọonoduje atsọ ụtso l'ẹphe emeje g'a sụ l'ẹphe wozeru onwophẹ alị ono nafụ unu obunggo Chileke. Ẹphe anọduje epfu g'a bajẹru ụnwu-ojozi-imigwe ẹja; ẹphe asụ l'iphe, ẹphe gbabẹru ọkpa epfu iya bụ ọphulenya, ẹphe phụru. Ẹgube ndu ono anọdujeepho eku onwophẹ iphe, ẹphe ahadụ g'ọo ya. Ọ bụerupho egomunggo, enwedu ishi bẹ ẹphe anọduje agba.

2 Timoti 1:18

Gẹ Nnajịuphu jiko yekwarụ iya ẹka; gẹ Chileke phụaru iya obu-imemini mbọku onoya; gụbedua l'onwongu mawaru-a g'o yetaberu mu ẹka lẹ Efesọsu.

2 Timoti 4:8

Iphe, phọduru nụ nta-a bụwaa gẹ Chileke bua mu obunggo, o doberu mu; mbụ lẹ Nnajịuphu ono, l'ekpeje ikpe nhamụnha ono bẹ a-gụ mu l'onye pfụberekoto mbọku onoya. Mbụ ọ tọ bụlekwa mu-a kpụrumu bẹ oo-bu nggo ono; oo-bukọta iya iphe, bụkpoo ndu gude obu phẹ g'ọ ha kwabẹru abyabya iya.

Hiburu 11:26

Iphe, ọ kparụ ẹka bụ l'a -nọdu eme iya ewere l'opfu ẹhu Onye-Ndzọta ono, Chileke kweru ukwe iya l'ọo-bya lẹ mgboko ono bẹ ọ ka iya ree eme lẹ ya nwekọtaru ẹku, dụ l'alị Ijiputu mgburugburu. Onoo kẹle ẹnya dụ iya l'obunggo ọphu dụ l'iphu.

Hiburu 11:6

Unu maanarụ-a l'ọ tọ dụdu onye a-dụ ike eme iphe, jiru Chileke ẹpho; gbahaa l'onye ọbu kwetaadaru kẹ Chileke. Kẹle onye akpịritaru Chileke ntse vufutajẹ ụzo kweta lẹ Chileke dụ; kwetakwaphọ l'oo-buje ndu achọ iya nụ nggo.

Hiburu 6:10

Lẹ Chileke ta adụkwa onye oomeje iphe, apfụduru-ọto. Ọ tọo zọhakwa ozi, unu jeru; ọphu ọo-zọhakwa g'unu gude yehawaru ụnwunna ẹka mẹ ọphu unu eyekwaphọ nta. Iphe ono tụkoru egoshi l'unu yeru iya obu.

Rutu 1:16

Rutu sụ iya: “Ta asụhe mu gẹ mu haa ngu; ọzoo gẹ mu laphu azụ; l'ọ kwa ẹka iije bẹ mu e-je. Ọ bụru ẹka ị kwarụ bẹ mu a-kwakwaphọ. Ndibe unu a-bụru ndibe nkemu; Chileke ngu abụkwarupho Chileke nkemu.

Rutu 2:11

Bówazu sụ iya: “A kọkotaakwaru mu iphemiphe, i mekọtaru ne ji ngu ono; k'eshi teke ono, ji ngu nwụhuru; mẹkwapho g'i gude haa nna ngu; waa ne ngu; mẹ alị ẹka a nwụru ngu anwụnwu ono bya gẹ gụ lẹ ndu ị tị mahaada buru.

Rutu 2:13

Ọ sụ iya: “Nnajịuphu mu; jiko gẹ mu dụjenu ngu l'obu tekenteke gẹ mu dụ ngu iya-a; kẹle i gudewaa opfu ọma ngu dụa onye-ozi ngu nwanyị obu; l'ẹbe abụ lẹ mu dụkpoo nụ g'onye lanụ l'ụnwumgboko, ejeru ngu ozi.”

Rutu 4:15

Ọ bụ iya e-me g'i tsefu ẹpa; bya abụru iya e-le ngu nka. Noo kẹle ọo nyee nwa ngu ono, yeru ngu obu ono; mbụ onye ono, ka ngu ree eme l'ụnwu-nwa-nwoke ẹsaa ono bẹ nwụru nwata ọbu.”

1 Sámẹlu 24:19

Teke nemadzụ hụmaru ọhogu iya; ?ọohaje iya g'ọ laa kẹ mmanụ? Ọo ya bụ gẹ Chipfu pfụkwaa ngu ụgwo iphe-ọma ono, i meru mu ntanụ-a ono!

1 Sámẹlu 24:20

Ọle nta-a bẹ o dowarụ mu ẹnya l'ị bụfutaje eze; tẹmanu ọ bụru ngu bẹ alị-eze ndu Ízurẹlu l'ophu a-dụ l'ẹka.