Rutu 1:5 - BAYỊBURU Izii

⁵ Mahụlonu yẹe Kiliyọnu bya anwụshihukotakwapho. Ọo ya bụ; ẹphenebo gbado Nawomi ẹgube ono, ji iya gbadokwaru iya phọ ono.

Rutu 1:5 ပူးပေါင်းရင်းမြစ်များ

Azáya 49:21

Noo teke ii-pfu l'ọkpoma ngu sụ: ‘?Bụ onye nwụshiru mu ikpoto ụnwegirima ọwa-a? Mu shi eje iphe-ẹhuka; tẹme ọphu mu atsụdu ime. Mbụ lẹ mu shi bụru onye a jịkaru ajịka; a bya akpụa mu lẹ ndzụ laa alị ndu ọhozo. ?Bụkwanu onye hefutaru mu ụnwegirima ọwa-a? Lẹ mụbe onye e shi haa; mu nọdu nkịnyi mu. ?Igwerigwe ndu ọwa-a shihunu awe?’ ”

Jieremaya 2:19

Ẹjo-iphe, iime bụkwa iya e-mechaa hụ̀a ngu ahụ̀hù. Ọ bụru azụ ono, ịila ono a-gbọru ngu ụja. Rịnaa ya arịri maru g'ọ dụ-beru ngu ẹji waa g'ọotsu-beru ngu l'ẹhu g'ị jịkaru Chipfu, bụ Chileke ngu; ọphu ịitsudu iya ebvu ililekpọo. Nokwa iphe, Nnajịuphu epfu bụ ono; mbụ Nnajịuphu, bụ Ọkalibe-Kakọta-Ike.”

Luku 7:12

Ọ byakubeshiẹpho ọnu-abata mkpụkpu ono ntse; a nọdu apafụtawaa odzu nwoke, bụ iya bụ ne iya nwa lanụ eje elili; tẹme ne iya ono bụru nwanyị, ji iya anọedu. Igwerigwe ndu shi l'ọma mkpụkpu ono kwatakpọo awụ etso nwanyị ono.

Ditoronomi 32:39

Unu hụmakwa; ọ kwa mbẹdua kpoloko bụ Chileke! Ọ tọ dụekwa Chileke ọzo, dụ nụ; gbahaa mbẹdua. Ọ kwa mbẹdua emeje g'a nwụhu; tẹme mu nọdu emeje g'a nọdu ndzụ. Ọo mbẹdua emekajẹ iphe; ọ bụru mu emeje g'e wekọrohu; ọphu ọ dụdu onye adụ ike anafụ mu onye mu guderu.

Rutu 1:2

Ẹpha nwoke ono bụ Elimẹleku; ẹpha nyee ya bụru Nawomi. Ẹpha unwoke labọ, ọ nwụtaru bụru Mahụlonu waa Kiliyọnu. Ẹphe bụ ndu mkpụkpu Bẹtulehemu, nọ lẹ Ifurata, l'alị Jiuda. Ẹphe gweta lashịa alị Mówabu je eburu.

Rutu 1:4

Ẹphe bya alụchaa ụnwanyi Mówabu. Unyomu phẹ ono bẹ onye lanụ aza Ọpa; onye ọphuu bụru Rutu. Ẹphe buẹpho l'ẹka ono iphe, rwuru apha iri;

Rutu 1:6

A nọnyaa ọ nụma lẹ Chipfu byawarụ agbaarụ ndibe iya mkpu; mee g'ẹphe nweru nri eriri; Nawomi; yẹe unyomu ụnwu iya ẹphenebo jịkobe shi l'ẹka ono lashịa ibe phẹ.