Romu 4:9 - BAYỊBURU Izii

⁹ ?Ọ dụ g'ọ bụepho ndu buru úbvù kpẹekpu bẹ Chileke epfu l'ẹka-a g'ẹhu tsọo ụtso? Tọo; ?ndu ebuduru úbvù yị iya-a? Eshinu anyi sụru: “Ébirihamu kwetarụ kẹ Chileke; a gụaru iya ya l'apfụbekoto.”

Romu 4:9 ပူးပေါင်းရင်းမြစ်များ

Mbụlembu 15:6

Ebiramu kweta iphe, Chipfu pfuru. Ọ gụaru iya ya l'apfụbe-ẹka-ọto.

Azáya 49:6

Ọo ya bụ; ọ sụ: “Ọ tọ bụlekwaa g'ị bụru onye ejeru mu ozi duphutaru mu ipfu ipfu ụnwu Jiékọpu azụ; wafụa g'i dulatakwaru mu phọ ndu kẹ Ízurẹlu, bụ nwa ndu ọphu mu doberu bẹ ị nọ-doru. Mu e-mekwa ngu phọ g'ị bụru ìphóró, dụru ndu abụdu ndu Jiuda; k'ọphu ii-me gẹ ndzọta mu rwua ẹka igwe beru alị beru.”

Luku 2:32

Ìphóró, e gude eme gẹ ndu ọhozo maru ngu; waa ìphóró, a-bụru ùbvù kẹ ndu nkengu, bụ Ízurẹlu.”

Romu 4:10

?Dẹnu g'eshiru gụaru iya ya? ?Bụ teke o toko budu úbvù; tọo g'o buwaru úbvù? Ọ gụadaru iya ya tẹme o bua úbvù.

Romu 4:3

Noo iphe, e deru l'ẹkwo-opfu Chileke sụ: “Ébirihamu kwetarụ kẹ Chileke; a gụaru iya ya l'apfụbekoto.”

Galeshiya 3:14

Kéreshi larụ lẹ mburọnu ono g'ee-shi g'eze-iphe-ọma, Chileke sụru lẹ ya e-meru Ébirihamu eshi l'ẹka kẹ Kéreshi Jizọsu rwua ndu abụdu ndu Jiu ẹka. Anyịbedua e-shikwanụ l'ekwekwe, anyi kweru kẹ Kéreshi nata Unme ono, Chileke kwehawaru ukwe lẹ ya a-nụ anyi ono.

Efesọsu 3:8

L'iphe, bụkpoo ndu ẹnya lwarụ lẹ ndu kẹ Chileke bụ mu bẹ ọ kachaa alwalwa; ọ bụleru mbẹdua-a bẹ Chileke gbẹ meeru eze-iphe-ọma ono kẹ gẹ mu bụru onye e-tsoru ọhamoha; pfukashiaru ndu abụdu ndu Jiu k'eze-iphe-ọma ono, shi l'ẹka Kéreshi ono parụ ẹka; k'ọphu nemadzụ ta asụdu g'ọo-rịvu g'ọ habe.

Kọlosi 3:11

Eshinu ọ dụwaa nno bẹ a ta akpahẹkwa ishi kẹ l'onye ọphuu bụ onye Jiu; onye ọphuu bụru onye abụdu onye Gurisu; onye ọphuu bụru onye buru úbvù; ọphu onye ọphuu ebuduru. Onye ọphuu bụ nlwamụlwa; onye ọphuu bụru onye ime-ọswa. Onye ọphuu bụ ohu; onye ọphuu bụru amadụ. Ọ bụwaa Kéreshi bụ mkpakọ lẹ nswikọ; tẹme o buru l'ime onyemonye.