Romu 3:4 - BAYỊBURU Izii

⁴ Tụswekwa! G'e goshichikwa lẹ Chileke ta adụdu teke ọ bụedupho onye ire-lanụ g'ọ bụ; o betakpọoru nemadzụ mgburugburu je a-bụeberu ndu ntuphu-ire. Noo iphe, e deru l'ẹkwo-opfu Chileke sụ: “Ọo l'opfu ngu Chileke bẹ ee-shi goshi l'ị bụ onye pfụru ọto. Ọphu ọ dụdu teke e kuru ngu ikpe g'i ti kpefu.”

Romu 3:4 ပူးပေါင်းရင်းမြစ်များ

Jiobu 36:3

Ẹka mmamiphe mu shi dụkwa ẹnya. Mu jekwa egoshi l'ikpe kalẹru onye ono, meru mu nụ ono.

Jiobu 40:8

?Ii-dụ ike mebyia ikpe, mu kperu? ?Ịi-dụ ike nma mu ikpe; k'ọphu ikpe a-kalẹru gụbedua?

Ebvu-ọma 100:5

Kẹle Chipfu bụ onye ọma; tẹme n-yemobu nkiya nọdu anọje jasụ l'ojejoje. Ọopfushije ike l'iphe, o pfuru; e -shi l'ọgbo sweru ọgbo.

Ebvu-ọma 116:11

Tẹme mu pfubulihukwaphọ sụ: “Ndiphe l'ophu bụkotakwa ndu ntuphu-ire.”

Ebvu-ọma 119:160

Opfu ngu l'ophu bụkota ọkpobe opfu; tẹme ikpe, pfụru ọto ono, iikpeje ono bụkotaru iphe, a-nọ jasụ l'ojejoje.

Ebvu-ọma 138:2

Mu a-gha iphu l'ụzo eze-ụlo ngu, dụ nsọ baarụ ngu ẹja. Mu e-tu ngu ẹpha kẹle ị bụ onye n-yemobu; bya abụru onye apfụshije ike l'iphe, i pfuru; kẹle i meru ẹpha ngu yẹe opfu ngu; ẹphe kakọta iphemiphe l'eli.

Ebvu-ọma 51:4

Ọo gụbedua gẹdegede bẹ mu mesweru; mbụ l'ọo gụbedua bẹ mu meru iphe-ẹji. Iswi dụ ngu mma l'ikpe, i kperu mu; ọphu ụta adụdu ngu iya l'ikpe, ị nmarụ mu.

Ebvu-ọma 62:9

Amadụ bụ udzu-ọnu. Ohu bụru iphe, adụdu iphe, ọ bụ. Ọ -bụru g'atụ̀a ẹrwa phẹ l'iphe, e gudeje tùa ẹrwa nemadzụ bẹ ẹphe tụko bụru iphe-iphoro.

Mayịka 7:20

L'ii-meru oshilọkpa Jiékọpu ire-lanụ; mbụ phụaru oshilọkpa Ébirihamu obu-imemini, bụ iya bụ angụ, i riru nna anyi oche phẹ teke ndiche ono.

Matiyu 11:19

Abụbu-Ndiphe byakwanụ bya anọdu eri angụ; a sụ g'e lenu l'ọ bụ ẹkpiri; bụru onye nggaga mẹe; bụru ọ̀nyà ndu ana akịriko mẹ ndu ọzo mmanụ, bụkwapho ndu aamaru ẹjo ẹka. Ọle ọo iphe, mmamiphe Chileke l'eme bẹ e gude amaru lẹ mmamiphe Chileke bụ iphe, pfụru ọto.”

Luku 20:16

Ọo-bya egbushichaa ndu-ozi-ẹgu ono bya eworu opfu-vayịnu ono ye ndu ọzo l'ẹka.” Ọha nụmaepho nno; ọ tụko bụru: “Tụswekwa! Tụswekwa!”

Jiọnu 3:33

Onye natarụ ozi iya bẹ gudewaa nno kweta lẹ Chileke bụ ọkpobe iya.

Romu 11:1

Mu byakwa ajịa ọzo sụ: ?Bụ ajịka bẹ Chileke jịkawaru ndu nkiya tọo? Tụswekwa! Mbẹdua l'onwomu bụkwa-a onye Ízurẹlu. Mu bụ oshilọkpa Ébirihamu; bya abụru onye ọkpa-ipfu Benjiaminu.

Romu 11:11

Mu byakwa ajịa ọzo sụ: ?ọkpa kabẹ tsụa ndu Ízurẹlu ntsụ k'ọphu ẹphe darwuwaru alị; ẹbe ẹphe agbalihubaẹdu tọo? Tụswekwa! Ọchikwa l'ọkpa, tsụru phẹ ntsụ ono meru g'o gude ndzọta rwube ndu ọhozo; g'eeshikwanụ ẹgube ono gẹ ndu Ízurẹlu awata phẹ ekoru okophoo.

Romu 3:31

?Ọ pfụru l'anyi gudewaa k'ekweta-a rwụtoshia ekemu tọo? Tụswekwa! Iphe, anyi emechia bụkwa g'ekemu ngụru angụru.

Romu 6:15

Sụ-a; ?ọ pfụru l'anyi anọduwaro eme iphe-ẹji; opfu l'eze-iphe-ọma kẹ Chileke tọfuwaru anyi; ẹbe ekemu ekeẹduru anyi ẹgbu tọ? Tụswekwa!

Romu 6:2

Tụswekwa! ?Dẹnu g'anyịbe ndu nwụhuwaru anwụhu l'iphe-ẹji e-shi nọdukwapho ndzụ l'ime iya ọzo?

Romu 7:13

?Ọ pfụru l'ọo iphe ono, dụ ree ono gbẹ kpatarụ mu anwụhu tọ? Tụswekwa! Ọ kwa iphe-ẹji gude iphe ono, dụ ree ono kpatarụ mu anwụhu g'ee-shi g'iphe-ẹji abụru iphe, aa-hụma l'ọ bụ iphe-ẹji. Ọo ya bụ lẹ Chileke shi l'iphe, e deru l'ekemu eme g'iphe-ẹji goshigbua gẹ yẹbe iphe-ẹji dụ-be ideyideyi.

Romu 7:7

?Bụ gụnu bẹ anyi e-pfu nta? Ekemu l'onwiya ?ọ bụ iphe-ẹji tọo? Tụswekwa! Mu tege amakwaru iphe, bụ iphe-ẹji; ọme ekemu ta adụ. Mu tege amakwaru iphe, bụ nchamẹnya ọme ekemu ta asụ: “G'iphe onye ọzo ta agụjekwa ngu.”

Romu 9:14

?Dẹnu g'anyi e-ye iya ọnu nta? ?Anyi a-sụ lẹ Chileke te emeduru iphe, pfụru ọto tọo? Tụswekwa!

1 Kọrentu 6:15

?Ọ dụ g'unu ta amadụ l'ogwẹhu unu bụ mpfụkata ẹhu Kéreshi? ?Dẹnu gẹ mu a-gbẹ wota mpfụkata ẹhu Kéreshi jeye l'ẹhu nwanyị ụkpara? Tụswekwa!

2 Kọrentu 1:18

Tụswekwa! Ọ kwa gẹ Chileke l'onwiya bụ onye gbaru g'e gude ire iya ẹka bụ g'iphe, anyi epfu gbaru g'e gude iya ẹka lẹ Ee anyi bụ Ee; Waawa anyi bụru Waawa.

Galeshiya 2:17

Eshinu anyịbe ndu Jiu emekwaphọ g'anyi shi Kéreshi l'ẹka bụru ndu pfụberekoto l'iphu Chileke; ọ n'iya bụ l'anyi kwewaru l'anyi bụhukwapho ndu eme iphe-ẹji gẹ ndu amadụ ekemu Chileke. Teke ọ bụ l'ọ dụ nno; ?ọ pfụru lẹ Kéreshi eme g'eme iphe-ẹji kabaa shii tọo? Tụswekwa!

Galeshiya 2:21

Mu taa jịkakwa eze-iphe-ọma kẹ Chileke. Ọ -bụru l'ọo eme ekemu bẹ e-me amadụ onye pfụberekoto l'iphu Chileke; ọ n'iya bụ l'anwụhu, Kéreshi nwụhuru te enwedu ishi.

Galeshiya 6:14

A bya lẹ mbẹdua; tụswekwa! Mu ta ayịkwa baa aba k'iphe ọzo gbahaa k'oswebe Nnajịuphu anyi, bụ Jizọsu Kéreshi. L'eshi ọphu ọ nwụhuru l'oswebe bẹ iphe kẹ mgboko-a ta adụekwa iphe, ọ bụ mu; tẹme mbẹdua dụakwapho g'onye nwụhuru anwụhu l'iphe kẹ mgboko-a.

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

1 Timoti 3:16

A tụkoru kwetakọta l'ọkpobe-opfu ono, Chileke shi domia edomi onoya pfụbekpooru paa ẹka mebyi apaa. Chileke goshiru iya anyi; anyi kwetakwa iya phọ. Ọkpobe-opfu ọbu bẹ pfuru sụ: Jizọsu bẹ byaru lẹ mgboko-a bya abụru nemadzụ. Unme Chileke goshi l'ọ bụ onye pfụberekoto. Ụnwu-ojozi-imigwe gudekwaphọ ẹnya phẹ hụma iya. E pfukọtaru ọhamoha, nọ lẹ mgboko opfu ẹhu iya. Ndiphe kweta nkiya; Chileke bya ekuta iya kuba l'imigwe je akwabẹ iya ùbvù, ka l'ùbvù.

Tayitọsu 1:2

noo l'anyi ele ẹnya ndzụ ojejoje. Ndzụ ojejoje ono bẹ Chileke, onye ta adzụjedu ụka pfuhawarurọ tẹme mgboko dụ; sụ lẹ ya a-nụ anyi.

Hiburu 6:18

Sụ-a; Chileke kweru anyi ukwe-iphe; tẹme ọ bya eriru angụ ye iya. Ụzo iphe labọ ono bụchaa iphe, ta agbanwedu agbanwe; tẹme ọ bụkwarupho iphe, Chileke ta ayịdu dzụru ụka ye. Ọo ya bụ g'obu eshihu anyi ike; anyịbe ndu gbapfuru iya nụ g'ọ dzọo anyi; g'anyi te eje abọ obu ẹbo k'a maru: ?ọo-nụa anyi iphe ono, anyi ele ẹnya iya ono.

1 Jiọnu 5:10

Ọo ya bụ l'onye wowarụ onwiya ye Nwa Chileke ono l'ẹka bẹ ekebe ono dụwaa l'ọkpoma. Onye te ewokwanụru onwiya ye Chileke l'ẹka bẹ meakwaru iya onye ntuphu-ire; kẹle o to kwedu l'ekebe Chileke agba lẹ k'ẹhu Nwa iya bụ eviya.

1 Jiọnu 5:20

Ọphu anyi makpọadaru bụ lẹ Nwa Chileke byaru; anyi bya amakwarụpho l'o meru g'ẹnya sahụ anyi; k'ọphu anyi byaru bya amaru onye ono, bụ iya bụ ọkpobe Chileke ono. Onye ono bụ ọkpobe Chileke ono bẹ anyi l'iya tụgbaru bụru nanụ. Ọ bụru onye o shi l'ẹka bụ Nwa iya ono, bụ Jizọsu Kéreshi. Yẹbedua, bụ Jizọsu Kéreshi bụ ọkpobe Chileke ono; bya abụru iya bụ ndzụ ojejoje ono l'onwiya.

Ọphulenya 3:7

Waa iphe, ii-de nụ ojozi-imigwe kẹ Chịochi Filadelufiya baa: “Ọwa-a bụ ozi, onye ono, dụ nsọ bya abụru onye ire-lanụ ono ezi. Onye ono, bụ iya gude ire-igodo eze ono, bụ Dévidi. Onye abụjeru: ọ -gụhaa ụzo; ọ tọ dụedu onye ọzo asụru iya agụ-chi; teke ọ gụ-chiru iya agụ-chi; ọ tọ dụedu onye ọzo sụru iya agụha.