Romu 2:2 - BAYỊBURU Izii

² Ọle ọphu anyi makaharụ bụ l'ikpe Chileke pfụru-ọto l'ẹhu ndu eme ẹgube iphe ono.

Romu 2:2 ပူးပေါင်းရင်းမြစ်များ

Mbụlembu 18:25

A maru-a l'ị tịi tụdu ama eme iphe, dụ nno; mbụ g'i gbua ndu pfụberu-ẹka-ọto yẹe ndu ẹjo-iphe; ọzoo mee ndu pfụberu-ẹka-ọto g'i meru ndu ẹjo-iphe. A makwarụ-a l'i tịi tụdu ama eme iphe, dụ nno; mbụ gẹ gụbedua, bụ Onye-ikpe kẹ mgboko-a l'ophu te eme iphe, pfụru nhamụnha.”

Jiobu 34:23

Ọ tọ dụdu Chileke mkpa kẹ gẹ ya bya awata enyocha nemadzụ ọzobaa; mbụ kẹ g'ẹphe bya anọdu iya l'iphu k'ikpe ọzobaa.

Ebvu-ọma 145:17

Chipfu pfụberekoto l'iphemiphe, oome; tẹme o yee iphemiphe, o meru ememe obu.

Ebvu-ọma 9:4

Noo kẹle i kpewaru ikpe, pfụru ọto bya ahaaru mu enge. Ị nọ l'aba-eze ngu kpee ikpe, pfụru nhamụnha.

Ebvu-ọma 96:13

Ẹphe a-nọdu l'iphu Chipfu gụa ebvu kẹle ọobyawaa ekpe ụnwu-eliphe ikpe. Oo-gude apfụbekoto iya kpee mgboko l'ophu ikpe; bya egude ire-lanụ kpee ndiphe ikpe.

Ebvu-ọma 98:9

G'ẹphe tụko nọdu l'iphu Chipfu gụa ebvu; kẹle ọobyawaa ekpe ụnwu-eliphe ikpe. Ndu mgboko l'ophu bẹ oo-kpe ikpe, pfụru ọto; tẹme l'ọ hakwarụpho ndiphe l'ophu enge, pfụru nhamụnha.

Azáya 45:19

Iphe, mu pfuru bẹ mu te epfukwaru lẹ mpya. Mu te ejekwaru anọdu l'ẹka lanụ l'alị, ọchii agba pfua ya. Ọphu mu asụkwaru oshilọkpa Jiékọpu phẹ g'ẹphe chọo mu kẹ mmanụ. Mụbe Chipfu epfuje ọkpobe opfu; mu epfuje iphe, dụ k'epfupfu.”

Azáya 45:21

Unu pfunaa iphe g'ọ dụ; unu byanụ edoo g'ọonwuru unu. G'ẹphe nọkobe chịaru iya idzu. ?Bụ onye bụ onye pfuhawaru iphe-a teke dụ ẹnya? ?Bụ onye meru g'a maru iya teke dụhawaa ụzenya-ụzenya? ?Tọbudu mbẹdua, bụ Chipfu? Ọzo bụ l'ọ tọ dụedu Chileke ọzo, dụ nụ, abụdu mbẹdua. Ọo mbẹdua bụ Chileke, pfụberekoto; bya abụru onye ndzọta. Ọ tọ dụedu onye ọzo, dụ nụ abụdu mbẹdua.

Jieremaya 12:1

Gụbe Chipfu; ọ tọ dụdu teke ị bụedupho onye pfụberekoto; jasụkpoo lẹ gẹ mu echi ngu opfu-a. Ọle ọ bụ; mu e-pfukwaru ngu phọ k'ikpe, pfụru ọto, iikpeje. Sụa; ?bụ gụnu kparụ iphe, ụpete agbaru ndu ẹjo-iphe l'ụzo phẹ? Mbụ-a; ?bụ gụnu kparụ iphe, ẹhu adụje ndu e gudedu ire phẹ ẹka guu?

Ezekẹlu 18:25

“Unu asụje l'iphe, mụbe Nnajịuphu eme ta pfụduru nhamụnha. Unu ngabẹkpodapho nchị unubẹ ndu Ízurẹlu! ?Unu sụru l'iphe, mu eme ta pfụduru nhamụnha? ?Tọ bụchida unubẹdua bẹ te emedu iphe, pfụru ọto?

Ezekẹlu 18:29

Ọle unubẹ ndu Ízurẹlu gbẹ epfu lẹ Nnajịuphu te emejedu iphe, pfụru ọto. Unubẹ ndu Ízurẹlu; ?bụchia mbẹdua te emejedu iphe, pfụru ọto tọo? ?Tọbudu unubẹdua bẹ gbẹ emejechia iphe, a pfụduru ọto ọbu?

Danẹlu 4:37

Nta-a bẹ mụbe Nebukadineza ekele eze k'imigwe ekele; bya akwabẹ iya ùbvù; bya ekutsekwa iya phọ. Iphemiphe, oome pfụru nhamụnha bya adụkota ree; ọzo bụ lẹ ndu eku onwophẹ bẹ ọoduje ike kuzeta alị.”

Zefanaya 3:5

Chipfu, bụ onye pfụberekoto nọkwanu l'echilabọ phẹ. Ọphu ọ dụdu iphe, apfụduru-ọto, oomeje. Mbọku-mbọku bẹ oomeje g'a maru lẹ ya ekpeje ikpe, pfụru ọto; ọphu ọ dụdu mbọku, nwụtaru anwụta, o too mejedu iya; ọphu iphere adụjekwapho ndu apfụbeduru ẹka ọto.

Ndu-ishi-ozi 17:31

Kẹle o dobeakwaru mbọku, oo-kpe ndiphe mgburugburu ikpe pfụru-ọto. Onye oo-gude kpee ikpe ono bụ nwoke ọbu, ọ họtaru l'onwiya. Iphe, o gude mee g'onyemonye maru l'iphe ono e-mekọta gẹ ya tụberu bụ l'o meru g'onye ono shi l'ọnwu teta dzụru ndzụ.

Romu 2:1

Noo g'o gude mu sụ ngu l'ị tị gọfukwapho gụbe onye ọphu ekpe onye ọzo ikpe; onye ị bụhabe. Kẹle ọo iphe ono, iikpe onye ọzo ikpe iya ono bẹ i gudekwaphọ anma onwongu ikpe. Kẹle gụbedua, l'ekpe ikpe emekwaphọ iphe ono, iikpe onye ọzo ikpe iya ono.

Romu 2:3

Gụbe nwọdumeka; ?I dobesu lẹ teke ịigbarwushije ndu eme ẹgube iphe ono; bya emekwa iya phọ l'onwongu; ?i dobesu l'ịi-nahụ ikpe kẹ Chileke?

Romu 2:5

Obenu lẹ nta-a bẹ i nweru ẹjo ọkpoma kwefu ike g'odoo, Chileke eme te eme g'izimanụ lwa ngu azụ. Ọo ya bụ l'iime g'iphe-ẹhuka nkengu ka shii mbọku ikpe ono, Chileke e-goshi oke-ẹhu-eghu iya mẹ g'ikpe nkiya dụ, bụ iya bụ ikpe pfụru-ọto ono.

Romu 9:14

?Dẹnu g'anyi e-ye iya ọnu nta? ?Anyi a-sụ lẹ Chileke te emeduru iphe, pfụru ọto tọo? Tụswekwa!

Ọphulenya 16:5

Mu nụma ẹka ojozi-imigwe, bụ iya eche iphe, bụ mini nche sụru: “Gụbe Nnajịuphu pfụbekwaru ẹka ọto; mbụ gụbe onye ono, nọ ndzụ; bya abụru onye ono, shihawaa nọduta ono. Ikpe-a, ị nmarụ ndiphe-a bẹ goshiru l'ị bụ onye ekpeje ikpe nhamụnha.

Ọphulenya 19:2

L'ikpe, o kperu bẹ bụkwa ire-lanụ; bya abụru ikpe, pfụru nhamụnha. Ọ nmarụ eze-nwanyị ovuọba phọ ikpe; mbụ nwanyị ono, gude apharwụshi onwonye mee ụnwu-eliphe l'ophu: ẹphe bụru mkpurupyata-a. Chileke bẹ gwataakwaru iya ụgwo mee ndibe yẹbe Chileke ono, o gbushiru ono. Ọchi phẹ tukoru iya l'ishi.”