Romu 10:3 - BAYỊBURU Izii

³ L'eshinu ẹphe amadụ k'apfụbekoto ọphu shi Chileke l'ẹka; ẹphe gbẹ achọ apfụbekoto k'ẹka phẹ; bẹ ẹphe shi nno jịka eworu onwophẹ dẹe l'apfụbekoto kẹ Chileke.

Romu 10:3 ပူးပေါင်းရင်းမြစ်များ

Nehemaya 9:33

Iphemiphe ono, dapfutakọtaru anyi ono bẹ iswi dụkotakwa ngu mma. I meru iphe, pfụru nhamụnha; obenu l'anyịbedua meru ẹjo-iphe.

Jiobu 33:27

Noo teke ọo-pfụru l'edzudzu-ọha pfua ya hoo haa sụ: “Mu meakwaru iphe-ẹji; tẹme mu mebyiwaa iphe, pfụru nhamụnha; ọphu a gwataduru mu ụgwo iphe, mu meru.

Ebvu-ọma 71:19

Apfụbekoto ngu rwuru akpaminigwe; gụbe Chileke; mbụ gụbe onye ono, meru iphe, parụ ẹka; ?Bụ onye atụru ngu; gụbe Chileke?

Azáya 51:1

“Unu ngabẹru mu nchị; unubẹ ndu eme g'unu bụru ndu pfụberekoto; mbụ unubẹ ndu achọ Chipfu. G'ẹnya unu dụkwa l'agbara-mkpuma ono, bụ ẹka a kụkpofutaru unu ono; mbụ lẹ wukirima ẹka ono, e bvutaru unu ono!

Azáya 51:6

Unu palinaa ẹnya unu lee l'imeli! Unu lenaa ẹnya l'eliphe-a! Igwe e-mechakwaa chịhu g'ẹnwuru-ọku. Eliphe-a l'ophu anwachaa anwacha g'uwe. Ndu bu iya nụ anwụshihu g'ijiji. Obenu lẹ ndzọta nkemu a-dụ ojejoje. Apfụbekoto nkemu taa dadụ adada.

Azáya 51:8

kẹle nsụ́ e-mecha sụkashia phẹ g'uwe. Ẹka-alị atakashịa phẹ g'ukpo. Obenu l'apfụbekoto nkemu a-nọ jasụ l'ojejoje. Ndzọta nkemu a-nọo shi l'ọgbo sweru ọgbo.”

Azáya 56:1

Wakwa iphe, Chipfu epfu: “Unu kpeje ikpe, pfụru nhamụnha; unu emeje iphe, pfụru ọto; kẹle teke mu a-dzọ nemadzụ dụkwaa ntse; tẹme apfụbekoto nkemu ta adụkwa g'ọo-nọ-beru l'e kpuhaa ya goshi.

Azáya 57:12

Mu e-me g'a maru g'unu bụ-be ndu pfụberekoto; yẹle iphe, unu emegbabẹ; ọphu ẹphe abyakwa abarụ unu urwu.

Azáya 64:6

G'anyi ha dụkwaa g'iphe, aasọ nsọ. Tẹme apfụbekoto anyi dụkotawa gẹ nkịrika ẹkwa, dụ ideyideyi. G'anyi ha nwewaru enwenwe dụ gẹ mkpẹekwo. Iphe-ẹji anyi nọdu apa anyi nganganga gẹ phẹrephere.

Ebvu Aphụ 3:22

L'ọo n-yemobu Chipfu ono meru g'o gude ọphu anyi atụkodu lakọta l'iswi. Noo kẹle obu-imemini iya te nwedu eberu.

Danẹlu 9:24

“Ugbo ẹsaa ẹsaa ugbo ụkporo ẹto l'iri bẹ a tọwaru ọkpa iya doberu ndibe ngu; yẹe mkpụkpu ngu ono, dụ nsọ ono g'e mee g'ẹphe tụpya-buhu ntụpya; mee iphe-ẹji meghee; g'e doshia ẹjo-iphe, ẹphe meshiru; wobata apfụbekoto ọphu a-dụ ojejoje; woru iphe-ọhubama mee l'ọphulenya yẹe mpfuchiru; woru manụ wụa l'iphe, kakọta adụ nsọ.

Ndu Uke 26:41

bụ iphe, meru; mu mee phẹ iphe, mu tege emedu phẹ; chịru phẹ jeye l'alị ndu ọhogu phẹ. Ọ -bụru l'ọkpoma phẹ ono, ẹjo-iphe jiru ejiji ono bẹ ẹphe e-woze alị; bya apfụa ụgwo ẹjo-iphe, ẹphe mekọtaru;

Luku 10:29

Nwoke ono kụchata iya bya asụ iya: “?Ọ bụkwanuru onye bụ nemadzụ ibe mu ọbu?”

Luku 16:15

Ọ sụ phẹ: “Ọo unubẹdua bụ ndu l'eme onwunu ndu pfụberekoto l'iphu ndiphe; ọle Chileke maru obu unu; kẹle iphe, amadụ rịru l'ọ bụ iphe-ọma bẹ bụ ẹjo-iphe l'iphu Chileke.

Romu 1:17

L'ọ kwa ozi-ọma ono bẹ Chileke gude egoshi apfụbekoto nkiya, bụ iya bụ ekweta nkiya, shita l'ishi jasụ l'ikpetemazụ; bụ iya bụ g'e deru iya l'ẹkwo-opfu Chileke sụ: “Onye pfụberekoto e-gude ekweta nọdu ndzụ.”

Romu 10:2

L'ọphu mu makpọoru bụ l'ọophu phẹ aphụphu l'ẹhu emeje uche Chileke; ọle ẹphe te egudedu mmamiphe eme iya.

Romu 10:20

Tẹme Azáya kabakwaa ya rọ epfushi ike sụ: “Ọ kwa ndu te eshidu achọ mu nụ bẹ hụmaru mu nụ. Ọ bụru ndu te eshidu ajị ajị mu bẹ mu goshiru onwomu.”

Romu 11:7

Sụ-a; ?bụ awe bẹ anyi a-sụbe opfu ọbu ishi nta-a? Ọ tọ bụebekwa ndu Ízurẹlu l'ophu natarụ iphe, ẹphe riru aphụ iya; ọ kwa ndu a họtaru natarụ iya. Ndu ọphuu bụkotaru ndu a kpọ-chiru ọkpoma.

Romu 3:22

Apfụbekoto kẹ Chileke-a; shi l'ekweta anyi kwetarụ kẹ Jizọsu Kéreshi rwube anyi ẹka. Ọ tọ dụdu onye ọogufuje mẹ nanụ;

Romu 3:26

Ọle nta-a bẹ oogoshije gẹ ya eshije mee ndiphe g'ẹphe bụru ndu pfụberekoto; kẹle yẹbedua bụ onye pfụberekoto bya abụkwarupho onye emeje iphe, bụ ndu kwetarụ kẹ Kéreshi g'ẹphe bụru ndu pfụberekoto.

Romu 5:19

Kẹle ọo gẹ nwoke lanụ ono meru iphe, Chileke sụru g'o to meshi; e shi ẹgube ono mee ndu dụ igwerigwe ẹphe bụru ndu iphe-ẹji; bụkwapho g'ee-gude k'onye lanụ ọphu meru iphe, Chileke sụru g'o mee; Chileke agụa ikpoto nemadzụ lẹ ndu pfụberekoto.

2 Kọrentu 5:21

Kẹle Chileke meru iya o vuta iphe-ẹji anyi l'ophu l'ẹbe abụ l'o mejeru iphe-ẹji; k'ọphu anyi e-shi iya l'ẹka tụko bya abụru ndu pfụberekoto gẹ Chileke.

Ditoronomi 6:25

L'ọ -bụru l'unu kwabẹru ẹnya; dobekọta iphe, bụkpoo ekemu-a l'atatiphu Chipfu, bụ Chileke unu, bụ iya bụ iphe, ọ sụru g'unu meje-a; bẹ unu bụakwaa ndu pfụberekoto l'iphu iya.”

Filipayi 3:9

Mẹ k'ọphu mu e-goshikwanụ lẹ mu l'iya tụgbaru bụru nanụ. Ọphu mu emeẹdu g'a sụje lẹ mu bụ onye pfụberekoto, bụ ọphu shi l'eme iphe, ekemu pfuru; ọ bụwaru ọphu shi l'ekweta kẹ Kéreshi. Ọ bụru ono bụ apfụbekoto ọphu shi Chileke l'ẹka bya eshikwaphọ l'ẹka kẹ Kéreshi.

2 Pyịta 1:1

Ẹkwo-ozi-a bẹ shi l'ẹka mbẹdua, bụ Sayịmonu Pyịta, onye ejeru Jizọsu Kéreshi ozi; bya abụkwarupho onye-ishi-ozi iya. Ndu mu ede iya anụ bụ unubẹ ndu ono shi l'apfụbekoto kẹ Chileke mẹ kẹ Onye-Ndzọta bụ Jizọsu Kéreshi nata ekweta ọphu bụ ọkpobe iya gẹ k'anyịbedua.