Oziphe 9:1 - BAYỊBURU Izii

¹ Mu bya atụko iphemiphe ono rịa bya elechaa ya ẹnya maru l'onye pfụberekoto; mẹ onye maru iphe; mẹ iphemiphe, ẹphe eme tụkoru dụkota l'ẹka Chileke. Tẹme ọphu ọ dụdu onye amajẹ ọphu e doberu iya ?bụ n-yemobu tọo ndụmashi?

Oziphe 9:1 ပူးပေါင်းရင်းမြစ်များ

Jiobu 12:10

Ọo Chileke bẹ ndzụ iphemiphe, e meru dobe nọkota l'ẹka. Ọ bụru l'ẹka iya bẹ unme, onyemonye atụ nọ.

Jiobu 27:12

Eshinu unu hụmakotawaru iphe ono l'onwunu; ?dẹnuhunu g'o gude unu nọdu epfuhunu opfu, enwedu ishi ọwa-a?

Jiobu 5:8

Mbụ l'ọme ọo mu; mẹ mu edooru iya Chileke; mbụ mẹ mu ewoẹrupho g'ọ daru mu shi ishi lanụ dokọtaru iya.

Ebvu-ọma 10:14

Obenu l'ịitukoje iphemiphe hụmakota. Ịihumaje ndu eje iphe-ẹhuka; waa ndu agụ aphụ. Ọphu ịichijeduru ẹka ye l'iphu ụtapfu. Ndu ụkpa bụ gụbedua bẹ ẹphe woru ndzụ phẹ ye l'ẹka. Ndu nna phẹ anọedu bụru gụbedua agbajẹru phẹ mkpu.

Ebvu-ọma 119:109

A makwarụ-a lẹ mu achịjeru ndzụ mu l'ẹka tekenteke; obenu lẹ mu ta abyakwa azọha ekemu ngu.

Ebvu-ọma 31:5

Mu yeru ngu unme mu l'ẹka. Gbafụtanu mu; jiko Chipfu, bụ Chileke, apfụshije ike l'iphe, i pfuru.

Ebvu-ọma 73:3

ẹka mu watarụ ejiru ndu etu onwophẹ ẹpha ijiẹnya; kẹle mu hụmaru lẹ ndu ẹjo-iphe bẹ ẹhu dụ guu.

Ẹkwo Ẹtu 16:3

Woru iphe, bụkpoo iphe, iimekpọo ememe ye Chipfu l'ẹka; hụma l'iphe, bụkpoo iphe, ị chịru idzu ememe e-mejeẹpho g'ị chịru iya.

Oziphe 1:17

Mu bya eyemia ishi l'eme gẹ mmamiphe doo mu ẹnya; bya emekwaphọ g'eme bẹebeebee doo mu ẹnya; waa eme eswe. Obenu l'iphe, mu nwụtaru bụ l'iphemiphe onoya bụ achị phẹrephere ọso;

Oziphe 10:14

Opfu onye-eswe bẹ anọduje anwụshi anwụshi. Ọ tọ dụdu onye maru iphe, e-me l'iphu. Ẹbe ọ dụdu onye adụ ike akaru iya iphe, e-mechaa mee nụ mẹ ọ tọepho azụ.

Oziphe 7:15

Lẹ mkpọkoro ndzụ-a, mu dzụ-a bẹ mu hụmaakwaru iphe-a ẹphenebo. Mbụ lẹ mu hụmaru onye pfụberekoto ẹka ọola l'iphe, pfụru ọto; bya ahụma onye ẹjo-iphe ẹka ọoka nka eje emekwaphọ ẹjo-iphe, oome.

Oziphe 7:25

Mu bya aghaa iphu l'iphe edo ẹnya; bya egbushi ikpere meahaa gẹ mu maru: ?mu a-rwavu ẹka mmamiphe? mbụ gẹ mu maru g'iphe mgboko eje ala; mu amakwarụpho g'eme ẹjo-ememe; waa eme bẹebeebee bụ-be iphe-eswe.

Oziphe 8:14

Ọ dụkwarupho iphe ọzo, bụ iphe-mmanụ, dụ l'eliphe-a. Iphe ono bụru l'ọ dụru ndu pfụberekoto, anatajẹ ụgwo, e gege apfụ ndu ẹjo-iphe; bya adụkwarupho ndu ẹjo-iphe, anatajẹ ụgwo, e gege apfụ ndu pfụberekoto. Ono bẹ mu sụkwarupho l'ọ bụ iphe-mmanụ.

Oziphe 8:16

Teke mu shi woru egomunggo mu zia l'amarụ iphe, bụ mmamiphe yẹe ele ẹnya l'akanya, amadụ ese l'eliphe-a; mbụ l'akanya, oosekọtaje eswe l'ẹnyashi; mgbẹnya te eshitadụ iya ẹnya;

Oziphe 8:7

Eshinu ọ dụdu onye maru iphe, e-me l'iphu; ?bụkwanu onye a-sụ iya l'ọwa-a iphe, e-mechaa mee nụ baa?

Oziphe 9:6

N-yemobu onye ono; yẹe ndụmashi iya; mẹ okophoo ya g'ẹphe ha tụkowaru phukashịhu. Ọphu ọ dụedu iphemiphe, eeme lẹ mkpula ẹnyanwu-a, ẹka iya dụkwadu.

Azáya 26:12

Gụbe Chipfu; ọ bụ ngu e-me gẹ nchị dụ anyi doo. Iphe, bụkpoo iphemiphe, anyi meru bụkota ngu bẹ meru iya nụ anyi.

Jieremaya 43:6

Ẹphe dutakwaphọ iphe, bụkpoo unwoke; yẹe ụnwanyi; yẹe ụnwegirima; yẹe ụnwada eze; mẹkpoo ndu Nebuzaradanu, bụ onye-ishi ndu ojọgu, anọduje eche eze ndu Bábilọnu nche tụkoru haarụ Gedalaya, bụ nwa Ahikamu; bụru nwanwa Shafanu; chịtachaa mẹ Jieremaya, bụ onye mpfuchiru; yẹe Baruku nwa Neraya.

Ditoronomi 33:3

Sụ-a; ndiphe bẹ o yeru obu; mbụ l'iphe, bụ ndu dụ nsọ nọkota iya l'ẹka. Ẹphe nọdu adajẹ kpurumu lẹ mgboru ọkpa iya; phozeta baarụ iya ẹja. Ọ bụru iphe, o pfuru bẹ ẹphe emeje.

2 Timoti 1:12

Ọ kwa iphe ono meru g'o gude mu nọdu ejekọtakpoo iphe-ẹhuka-a, mu eje-a; ọphu ọ bụdu l'iphere iya adụje mu; noo lẹ mu maru onye mu kweru nkiya; tẹme o doo mu ẹnya ree l'ọo-dụ ike kwakọbe iphe ono, mu yeru iya l'ẹka ono jeye mbọku ono.

1 Pyịta 1:5

Ọo kẹle ọo l'unu woru onwunu ye Jizọsu l'ẹka bẹ meru g'o gude ọ nọdu egudeje ike iya akwachi unu g'ọ tọ dụ iphe l'e-me unu jeye teke oo-goshi unu lẹ ya dzọhawaruro unu. Ọ kwarọ l'ikpazụ bẹ oo-goshi iya unu.

1 Sámẹlu 2:9

Ọo-nọduje abọru ndu dụru iya nsọ ụzo; ọle ndu ẹjo-ememe bẹ oomeje g'ẹphe tabuhu ọnu l'ọchii. Ọ tọ bụkwa ọkpehu bẹ nemadzụ egudeje phafụta ishi;