Oziphe 8:8 - BAYỊBURU Izii

⁸ Ọ tọ dụkwa onye sụru esede phẹrephere; nokwaphọ g'ọ tọ dụdu onye sụru esede ndzụ iya mẹ mbọku anwụhu iya rwuẹpho. Ọo g'ọ tọ dụdu onye aagụfuje g'o to jeshi ọgu; mẹ a -nọdu alwụ ọgu-a; bụ g'eme ẹjo-iphe ta abyadụ aha ndu eme iya nụ.

Oziphe 8:8 ပူးပေါင်းရင်းမြစ်များ

2 Sámẹlu 14:14

G'anyi ha nwụhufutaje anwụhu. Anyi dụ gẹ mini, wụshihuru l'alị, te nweẹdu g'ee-shi kukọbe iya l'iphe ọzobaa. O to nwedu onye Chileke gụfuru anwụhu l'ẹhu iya. Ọ chia iphe, oomeje bụ l'ọochoje ụzo, ee-shi g'onye a chịfuru achịfu lwaphuta azụ lwapfuta iya.

2 Ndu eze 7:15

Ẹphe chọo phẹ jasụ l'ẹnyimu Jiọ́danu; ẹphe hụma g'uwe mẹ ivu, ndu Arámu tuphashịru l'ẹka ẹphe agba ẹgwegwa agbala jiru lẹ gbororo. Ọo ya bụ; ndu ono, jeru ozi ono laphushia azụ je epfuaru iya eze.

Jiobu 14:5

Eshinu a gụwaru eswe, nemadzụ a-nọ-beru ndzụ ọgu doberu iya; tẹme ị bya atụ-buwaru iya ọnwa ole, ọo-nọ l'eliphe-a; bya egoshiwa iya g'oo-jebejeru l'eliphe-a;

Jiobu 34:14

Ọ -bụru l'ọ bụ uche iya; o seta ndzụ sephu azụ; bya erwuta unme, aatụje atụtu doberu onwiya;

Ebvu-ọma 89:48

Lẹ-a; ?dẹnu nemadzụ, a-nọdu ndzụ g'ọ tọ nwụhu anwụhu; ọzoo g'ọ dzọo onwiya g'ọ tọ la maa?

Ebvu-ọma 9:17

Ndu ẹjo-iphe bẹ aa-chịru ye l'alị-maa; mbụ l'iphe, bụkpoo ọha, zọharu Chileke bẹ a-lakọta l'alị-maa.

Ẹkwo Ẹtu 12:3

Nwoke ta abụkwa eme ẹjo-iphe bẹ oo-gude ngụru angụru. Obenu l'onye pfụberekoto ta adụdu onye e-phefu iya ephefu.

Ẹkwo Ẹtu 14:32

Iphe, l'enwutajẹ ndu ẹjo-iphe tụa kpurumu l'alị; bụ ẹjo-iphe ono, ẹphe eme ono. Obenu lẹ ndu pfụberekoto nweru ẹka ẹphe a-nọdu zeeru ndzụ m'obeta ẹphe nwụhuchakpoo anwụhu.

Oziphe 3:21

?Bụ onye maru mẹ maa nemadzụ alajẹepho l'eli eviya; k'anụ-ẹgbudu nọdu alajẹ l'alị?”

Oziphe 8:13

Kẹle ndu ẹjo-iphe bẹ ọ tọo dụkwaru lẹ ree; ọphu ndzụ phẹ etsekwa rịgorigo g'onyonyo. Noo l'ẹphe ta atsụdu Chileke ebvu.

Oziphe 9:12

Ọzokwapho bụ l'ọ tọ dụdu onye amajẹru teke ọo-byaru iya. Ọo g'eegudeje ẹjo ụgbu nmata ẹma-a; bya abụru g'aagbabẹje ọ́nyà nmata ẹnu-a bụ g'ẹjo mbọku adapfuje ndiphe; mbụ l'ọozujee phẹ phọ gburumu pfụrii teke ẹphe te eledu ẹnya iya.

Azáya 28:15

Unu anọduje epfu ọkpu-ọnu ọkpu-ọnu sụ: “Anyi l'anwụhu gbaakwaru ndzụ; mbụ l'anyi l'alị-maa yeakwaru ẹka l'ẹkwo. Teke Ochi-gbaagbaa ono, e-dzuru ẹkameka ono rwuru bẹ ọ tọ dụkwa iphe, oo-me anyi; kẹle ọo adzụ ụka bẹ anyi meru; ọ bụru iphe, anyi egudeje ezeru ndzụ; ụghoshi l'onwiya bụru ẹka anyi ejeje je edomia onwanyi.”

Azáya 28:18

Ọgbandzu unu l'anwụhu bẹ tee vuẹduru ire. Ọphu ẹ́ká, unu l'alị-maa yeru l'ẹkwo apfụeduru. Teke o-chi-gbaagbaa ono, e-dzuru ẹkameka ono rwuru; l'oochita unu tọgbo.

Azáya 47:10

Kẹle ị kpọru obu ye l'ẹjo-iphe, ịinoduje eme. I pfua sụ l'ọ tọ dụdu onye hụmaru ngu nụ. Ọ bụru mmamiphe ngu; yẹle iphe, ị nwụtaru bẹ dephuru ngu nụ; mee ngu; ị sụ onwongu l'ọwa-a ngu kpoloko dụ; l'ọ tọ dụedu onye ọzo gbahaa ngu.

1 Kọrentu 15:43

E liru iya teke ọ dụ ideyideyi; ọle o -teta bẹ ọo-dụ biribiri l'ẹnya. E liru iya teke ike adụdu iya; ọle teke oo-teta bẹ ike a-dụ iya.

2 Kọrentu 13:4

L'a makwarụ-a l'ike te eshidu dụkwadu iya teke a kpọpyaberu iya l'oswebe; obenu lẹ nta-a bụ ike kẹ Chileke bẹ o gude nọdu ndzụ. Ọ kwaphọ g'ike te eshidu dụkwadu iya ono bụ g'o to shidu dụkwadu anyịbedua; obenu lẹ nta-a bẹ ike kẹ Chileke e-me anyi adzụru ndzụ gẹ Kéreshi dzụ; ike adụ anyi g'ọ dụ iya; k'ọphu ike a-dụ anyi l'iphe, anyi emekpọo unu.

Hiburu 9:27

Iphe, dụru onyemonye bụ l'onyemonye nwụhufutaje akpọ lanụ; ọ nwụhuchaa; iphe ọzo, e-mefụanu bụ lẹ Chileke e-kpe iya ikpe.