Oziphe 8:3 - BAYỊBURU Izii

³ Te erijekwa nkwoli l'iphu onye eze; ọphu ị pfụjekwaru l'ẹjo-iphe; kẹle ọ kwa iphe, dụ eze ree bẹ oomeje.

Oziphe 8:3 ပူးပေါင်းရင်းမြစ်များ

Mbụlembu 47:9

Jiékọpu sụ Fero: “Apha, mu nọwaru lẹ mgboko bẹ rwuakwaru ụkporo apha ishii l'apha iri. Apha, mu nọwaru hakwa nwanshịi; ọle ọo ẹpho iphe-ẹhuka bẹ mu gude ejeje; ọ nọdu eme gẹ mu ta nọ-rwu gẹ ndiche mu phẹ nọ-rwuru lẹ mgboko.”

Ẹkwo Ẹtu 14:29

Onye nweru ọta-nshi bẹ iphe, edoje iya ẹnya pakwarụ ẹka. Obenu l'onye obu-ọku egoshije g'oomebe eswe.

Ẹkwo Ẹtu 24:21

Nwa mu; tsụjekwa Chipfu ebvu; l'ịitsukwapho onye eze ebvu. Ọphu i tsokwa ndu ekwefujeru phẹ ike;

Ẹkwo Ẹtu 30:31

Ọzo bụ oke-ọku, azọ pfukangu pfukangu; mkpi; yẹe onye eze yẹe ndu ojọgu iya, nọ-pheru iya mgburugburu.

Oziphe 10:4

Ọ -bụru l'onye bụ ishi bẹ i meru; ẹhu wata eghu eghu; ta agbẹshikwa l'ẹka ị nọ sụ l'ịilawa. Jichikwaa obu oyi; noo l'odoo emeje g'a palia pazeta.

Azáya 48:4

Kẹle mu mahawarụ g'ịidabe ike; mbụ l'akwara olu ngu bụ mgbọrígwè; tẹme atatiphu ngu bụru onyirubvu.

Danẹlu 4:35

Ọ tọ dụdu iphe, ọ gụberu nemadzụ, nọ lẹ mgboko mgburugburu. Ọ bụru iphe, dụ iya ree bẹ oomejeru ụnwu imigwe mẹ ndiphe l'ophu; ọphu ọ dụdu onye alọ-phu iya ẹka azụ; ọphu ọ bụro kẹ jịa ya: ‘?Bụ gụnu meru iphe, i meru ọwa-a?’

Danẹlu 5:19

Eshinu ọ nụru iya ọkwa, ha shii ẹgube ono; bẹ ọ nụru iya ọha l'ophu; mẹ ndu alị, nọnu; tẹme ndu opfu-alị phẹ dụgbaa iche iche shi anọduje anma pyaapyaapyaa l'iphu iya; atsụ iya ebvu. Onye ọ dụ iya g'o gbua l'o gbua; onye ọ dụ iya g'o dobe ndzụ; l'o dobe iya ndzụ. Onye ọ dụ iya g'ọ palia ọkwa iya l'ọ palia ya; onye ọ dụ iya g'o mee g'ọ bụru onye ẹnya lwarụ; l'o mee ya.