Oziphe 8:17 - BAYỊBURU Izii

¹⁷ bẹ mu byaru ahụma iphemiphe, Chileke meru; bya amaru l'ọ tọ dụdu onye iphemiphe, eme lẹ mkpula ẹnyanwu-a byaru edo ẹnya. Nemadzụ a-tụkokwa ike iya mekọta g'o doo ya ẹnya; ọle ọ tọ dụdu onye a-dụ ike arwavu iya l'ẹka. Onye mmamiphe -sụchakponu lẹ ya maru iya bẹ o too dokwanụ iya ẹnya ọkpobe edodo.

Oziphe 8:17 ပူးပေါင်းရင်းမြစ်များ

Jiobu 5:9

Lẹ Chileke emeje iphe, dụgbaa biribiri, bụgbaa akpavu l'ishi; mbụ l'oomeje iphe, dụ ebvu igwerigwe kpọ.

Ebvu-ọma 104:24

Gụbe Chipfu; ozi, iijekọta bụkwa agụta agụta. Iphemiphe ono bụkotaru mmamiphe nkengu bẹ i gude mekọta iya; mbụ lẹ mgboko l'ophu bẹ iphe, jiru iya nụ bụkota iphe, i gude ẹka mee.

Ebvu-ọma 40:5

Gụbe Chipfu, bụ Chileke mu; iphe, dụ biribiri, i meshiru; waa iphe, dụ ree, i doberu k'emeru anyi pakwarụ igwerigwe. Ọ tọ dụdu onye sụru ngu iya agụshigburu. Mu -jeshia ya agụshi nanụ nanụ bẹ ọ bụ agụta agụta.

Ebvu-ọma 73:16

Ọobujeru; mu -jee eme g'iphe ono kabẹkpoo doo mu ẹnya ilile; ọ gbẹ kabaa mu nụ egburwashị ẹhu;

Oziphe 1:13

Mu woru ọkpoma zia l'egude mmamiphe chọo mẹkpoo nwụa iphemiphe, eemekpọo lẹ mkpula igwe-a. Ọ bụepho l'ọo akanya aphụ bẹ Chileke meru g'ụnwu-eliphe seje.

Oziphe 11:5

Ọo g'ị tị madụ ụzo, phẹrephere eshije; ọphu ị madụ gẹ nwaswa eshije kpụa l'ẹpho ne iya-a; bụkwapho g'iphe, Chileke eme tee dodu ngu ẹnya; mbụ Chileke, meru iphemiphe.

Oziphe 3:11

O deru ẹnya lẹ mini mee iphemiphe; ọ nọdu l'ògè iya. Ọ bya emee amadụ g'ọ rịje k'ojejoje. Ọle amadụ ta adụdu ike maẹberu iphe, Chileke meru e -shi l'ishi jeye l'ẹka ọ bvụru.

Oziphe 7:13

Leanarọ ẹnya l'ozi, Chileke eje. ?Bụ onye sụru eme iphe, Chileke meru o gbee nggọ g'ọ pfụru nhamụnha?

Azáya 40:28

?Unu ta mahaada? Tọo ?unu teke anụma-swee lẹ Chipfu bụ Chileke, l'a-nọ jasụ lẹ tuutuutuu lẹ mịimiimii? Ọ bụru iya meru eliphe l'ophu jasụ l'ẹka o jeberu. Ike ta abvụdu iya; ọphu nkwo atsụdu iya mẹe; ọphu ọ dụdu onye amakọtaru nkwamẹnya nkiya.

Romu 11:33

Ha-oo! nkwamẹnya yẹle mmamiphe kẹ Chileke pakwarụ omilomi. Ikpe, ookpeje ta adụkwa onye sụru iya amaẹberu; ẹbe ọ dụkwa onye sụru amakọtaru g'o meje iphe iya.