Oziphe 8:14 - BAYỊBURU Izii

¹⁴ Ọ dụkwarupho iphe ọzo, bụ iphe-mmanụ, dụ l'eliphe-a. Iphe ono bụru l'ọ dụru ndu pfụberekoto, anatajẹ ụgwo, e gege apfụ ndu ẹjo-iphe; bya adụkwarupho ndu ẹjo-iphe, anatajẹ ụgwo, e gege apfụ ndu pfụberekoto. Ono bẹ mu sụkwarupho l'ọ bụ iphe-mmanụ.

Oziphe 8:14 ပူးပေါင်းရင်းမြစ်များ

Jiobu 1:22

Iphemiphe-a mekọtaru Jiobu; ọphu o mekwarụ Chileke iphe-ẹji; ọphu ọ sụkwaru lẹ Chileke meru iphe, erwubeduru iya nụ.

Jiobu 21:7

?Dẹnu g'o gude ndu ẹjo-iphe nọdu anọduje ndzụ; kaa nka; ẹphe abụru ndu ike dụ?

Jiobu 27:12

Eshinu unu hụmakotawaru iphe ono l'onwunu; ?dẹnuhunu g'o gude unu nọdu epfuhunu opfu, enwedu ishi ọwa-a?

Ebvu-ọma 73:3

ẹka mu watarụ ejiru ndu etu onwophẹ ẹpha ijiẹnya; kẹle mu hụmaru lẹ ndu ẹjo-iphe bẹ ẹhu dụ guu.

Oziphe 10:5

O nweru ẹjo-iphe ọzo, mu hụmaru lẹ mkpula ẹnyanwu-a. Iphe ono bụru emeswe, shi l'ẹka onye bụ ishi.

Oziphe 2:14

L'onye maru iphe gude ẹnya aphụ ụzo; obenu l'onye-eswe anọduje erwu ije orwu l'ishi. Mu hụmakwanu l'ẹphenebo ono a-tụko laa l'ite lanụ. L'ọo iphe, meru onye mmamiphe bụkwapho iphe, e-me onye-eswe.

Oziphe 4:4

Noo ya; mu bya ahụma l'akanya, eesekpọ esese; mẹ ọphu e setawaru eseta bụ ẹka o shikọta bụ l'ekoru nwibe onye okophoo. Onoya bụkwapho iphe-mmanụ; bya abụru achị phẹrephere ọso.

Oziphe 4:8

Ọ dụru nwoke, bụ nkịnyi, enwedu nwa nwoke; ọphu o nwedu nwune nwoke. Ọ nọdu anọduje ese akanya mkpụrumkpuru. Ọphu ẹku, ọ kpatarụ ejijedu iya ẹpho ejiji. Ọphu o teke ajị-swee onwiya sụ: “?Bụnaa onye bẹ mu eseru akanya-a? ?Bụnaa gụnu bẹ mu anashịnaa onwomu ẹhu-ụtso ẹgube-a?” Iphe, dụ nno bụkwa iphe-mmanụ; bya abụru nsegbu akanya.

Oziphe 7:15

Lẹ mkpọkoro ndzụ-a, mu dzụ-a bẹ mu hụmaakwaru iphe-a ẹphenebo. Mbụ lẹ mu hụmaru onye pfụberekoto ẹka ọola l'iphe, pfụru ọto; bya ahụma onye ẹjo-iphe ẹka ọoka nka eje emekwaphọ ẹjo-iphe, oome.

Jieremaya 12:1

Gụbe Chipfu; ọ tọ dụdu teke ị bụedupho onye pfụberekoto; jasụkpoo lẹ gẹ mu echi ngu opfu-a. Ọle ọ bụ; mu e-pfukwaru ngu phọ k'ikpe, pfụru ọto, iikpeje. Sụa; ?bụ gụnu kparụ iphe, ụpete agbaru ndu ẹjo-iphe l'ụzo phẹ? Mbụ-a; ?bụ gụnu kparụ iphe, ẹhu adụje ndu e gudedu ire phẹ ẹka guu?

Malakayi 3:15

Lẹ nta-a bụchikwanu ndu anyi kuru ndu iphe kweru bụ ndu eku onwophẹ. Mbụ l'ọ tọ bụledu-a lẹ ndu ẹjo-iphe aba yooyooyoo; obenu l'ọobujeru; ẹphe -hụchaa Chileke ama; ọ tọ dụdu iphe, oo-me phẹ.’ ”