Oziphe 8:13 - BAYỊBURU Izii

¹³ Kẹle ndu ẹjo-iphe bẹ ọ tọo dụkwaru lẹ ree; ọphu ndzụ phẹ etsekwa rịgorigo g'onyonyo. Noo l'ẹphe ta atsụdu Chileke ebvu.

Oziphe 8:13 ပူးပေါင်းရင်းမြစ်များ

Jiobu 14:2

Ọojataje ẹgwegwa g'okoko; l'ọ bụhukwaru iya phọ anwụlwashihu. Ọ bụru g'onyonyo, a taa nọribejeduru-a bụ g'ọ tọ dụdu ẹka ọono-bejeru.

Jiobu 18:5

“Sụa; ìphóró, dụru ndu ẹjo-iphe bẹ aa-phụnyikwa; ọphu ọku iya enwuẹkwa enwunwu.

Jiobu 20:5

Ị maru-a l'onye ẹjo-iphe bẹ ẹhu-ụtso nkiya abụjele-a tsọkere; mbụ l'onye amadụ Chileke bẹ ta adụdu g'ootebejeru ẹswa.

Jiobu 21:30

Sụ l'oke iphe-ẹhuka byaru ọha; ọphu ọ dụdu iphe, o meru onye ẹjo-iphe. Chileke bya atụ-koshi ndiphe oke ẹhu-eghu iya; ọphu ọ dụdu iphe, o meru onye ẹjo-iphe.

Ebvu-ọma 11:5

Chipfu enyochajekwa ndu pfụberekoto; mẹ ndu ẹjo-iphe enyocha. Obenu lẹ ndu bụ iphe, adụje phẹ ree bụ eme ndu ọzo iphe kpanganga adụje iya ashị.

Ebvu-ọma 144:4

Nemadzụ dụepho g'udzu ọnu. Eswe ndzụ iya adụje g'ìbvù oshi, abụjeru; ọ -kpọo ụpfu nwanshịi l'a hụma-buhu iya.

Ebvu-ọma 37:1

G'ọnodu ndu eme ẹjo-ememe te eghujekwa ngu eghu; ọphu i kojekwaru ndu apfụbeduru ẹka ọto okophoo.

Ebvu-ọma 39:5

I meru ndzụ mu; ọ dụ tsọkere. Gẹ ndzụ mu a-nọ-beru ta adụdu iphe, ọ bụ l'iphu ngu. Nemadzụ l'ophu tụkoerupho bụru udzu ọnu.

Ebvu-ọma 55:23

Obenu l'ọo gụbedua, bụ Chileke l'e-duru ndu ẹjo-iphe duba l'ime ilu; ẹka ẹphe a-nọdu rekashịhu. Ndu egbu ọchi waa ndu ntuphu-ire bẹ i tii kwedu g'ẹphe kpọo ụpfu l'eliphe-a. Obenu lẹ mbẹdua bụ ngu bẹ mu dakoberu.

Oziphe 3:14

Iphe, mu maru bụ l'iphemiphe, Chileke eme a-nọ ojejoje. Ọ tọ dụdu iphe, ee-yekwa iya eyekwa; ọphu ọ dụdu iphe, ee-wofu iya ewofu. Iphe, o gude mee ya nno bụ g'amadụ hụmaje iya tsụa yẹbe Chileke ebvu.

Oziphe 5:7

Mbụ-a; arwọ ikpoto nrwọ; yẹe epfu ikpoto opfu tụkokwaru bụru iphe-mmanụ. Ọo ya bụ lẹ-a; tsụjeepho Chileke ebvu.

Oziphe 6:12

?Bụ onye maru iphe, dụ nemadzụ ree nta-a, ọ nọ ndzụ-a; mbụ lẹ nwujiku olemole, ọ nọ mkpọkoro ndzụ l'eliphe-a, eme pherephere g'onyonyo-a? ?Ọ dụkpooru onye a-dụ ike karụ iya iphe, e-mechaa mee lẹ mkpula ẹnyanwu-a mẹ ọ -nwụhuchaa?

Oziphe 7:15

Lẹ mkpọkoro ndzụ-a, mu dzụ-a bẹ mu hụmaakwaru iphe-a ẹphenebo. Mbụ lẹ mu hụmaru onye pfụberekoto ẹka ọola l'iphe, pfụru ọto; bya ahụma onye ẹjo-iphe ẹka ọoka nka eje emekwaphọ ẹjo-iphe, oome.

Oziphe 7:18

Iphe, ka ree bụ g'i gude ọphuu gude ọphuu; l'onye atsụ Chileke ebvu ta adụkwa iphe, o byiru ẹka te ekedụru nụ.

Oziphe 8:8

Ọ tọ dụkwa onye sụru esede phẹrephere; nokwaphọ g'ọ tọ dụdu onye sụru esede ndzụ iya mẹ mbọku anwụhu iya rwuẹpho. Ọo g'ọ tọ dụdu onye aagụfuje g'o to jeshi ọgu; mẹ a -nọdu alwụ ọgu-a; bụ g'eme ẹjo-iphe ta abyadụ aha ndu eme iya nụ.

Azáya 3:11

Nshịo ndu ẹjo-iphe; kẹle ẹphe a-lakọta l'iswi. Aa-pfụ phẹ ụgwo iphe, ẹka phẹ metaru.

Azáya 30:13

bẹ iphe-ẹji ono a-bụru unu igbulọ, ha ephekerephe, gbaru ọru; tẹme ọ nọdu ada adada; g'ejia epfua; ọ dawanu teke ono teke ono.

Azáya 57:21

Ndu ẹjo-iphe bẹ ẹhu ta adụjekwa guu.” Nokwa iphe, Chileke mu epfu.

Azáya 65:20

Ọ tọ dụbaedu nwata, a-nọ ujiku olemole nwụhu l'ime mkpụkpu ono; ọzoo onye bụ ọgerenya, ata akafụdu nka l'ishi. Onye nọru ụkporo apha ise bya anwụhu bẹ aa-sụje l'ọ gbakwohuru agbakwohu. Onye iphe-ẹji, anọ-rwuduru ụkporo apha ise bẹ aa-sụje l'a tụru iya ọnu.

Jieremaya 44:10

Byasụkwa ntanụ-a bẹ ẹphe teke ewozekwa onwophẹ alị; ọphu ẹphe eke akwabẹkwa mu ùbvù; ọphu ẹphe eke ekwekpọdanu mee ekemu mu; yẹe iphe, mu tọru unu ọkpa iya; yẹe nna unu oche phẹ.

Malakayi 3:18

Noo teke unu a-hụma iphe, dụ iche l'ẹka ndu pfụberekoto yẹe ndu ẹjo-iphe nọ bụ ono. Unu ahụmakwapho iphe, dụ iche l'ẹka ndu ejeru Chileke ozi; yẹe ndu te ejeduru iya ozi nọ.”

Jiọnu 5:29

shi l'ilu phẹ fụtachaa. Ndu ọphu shi eme iphe, dụ ree eteta dzụru ndzụ; ndu ọphu shi eme ẹjo-iphe etetakwaphọ g'a nma phẹ ikpe.

Jiemusu 4:14

l'ẹbe abụ l'unu maru g'echele a-dụ. ?Ndzụ unu bụ gụnu? Ọ bụ ẹnwuru-ọku, akpụ-lihuje; a nọekwapho nwanshịi l'oophukashịhu.

2 Pyịta 2:3

Ndu ono, anọduje ezi unu iphe, abụdu ọkpobe-opfu ono bụekwapho ẹkpiri okpoga bẹ eshitajẹ phẹ iphu. Ẹphe -gbẹshi; ẹphe atụko ụka, nọ lẹ mgboko dzụshia wụshiru unu. Ẹphe egude nno ghọpyabe unu l'ụgho; ria unu ọkpobe okpoga. Ọle ọ tọ dụekwanu g'ọo-nọ-beru nta-a; Chileke anmaa ẹgube ndu ono ikpe. Noo kẹle Chileke pfuhawaru iya rọ teke ndiche dobe edobe. Mbụ l'iphe ono, bụ iya e-gbu ndzụ phẹ ono te ekujekwa mgbẹnya.