Oziphe 8:11 - BAYỊBURU Izii

¹¹ Ọo kẹle e teke ahụ̀-kebedu ndu ẹjo-iphe ahụ̀hù ẹgwegwa meru iphe, ọ bụepho iphe, jiru ndiphe obu bụ eme ẹjo-iphe.

Oziphe 8:11 ပူးပေါင်းရင်းမြစ်များ

2 Sámẹlu 11:15

O deru l'ẹkwo-ozi ono sụ: “Duru Uráya ye l'atatiphu ẹka ọgu kachaa ekpohu ọku. I -ducharu iya ye; unu alaphu azụ g'e meka ya iphe; g'ọ nwụhu.”

Jiobu 24:23

Ọopajekpokwaaru phẹ rọ haa g'ẹphe tụta unme; ẹphe nọdu tụzowaruro ẹhu; ọle ẹnya iya dụepho l'iphe, ẹphe eme.

Ebvu-ọma 10:4

Ndu ẹjo-iphe egudeje eku onwophẹ jịka achọ Chileke; ọphu ẹphe arivujedu Chileke ililekpọo.

Ebvu-ọma 10:6

Iphe, ẹphe arịje l'obu phẹ bụ l'ẹphe bụwaa enwubata enwubata; l'ẹphe ta abyadụ eje iphe ẹhuka.

Ebvu-ọma 86:15

Obenu lẹ gụbe Nnajịuphu bụ Chileke, aphụje obu-imemini; bya abụru onye emeje eze-iphe-ọma. Ẹhu te eghujedu ngu eghu ẹgwegwa; tẹme ị nọdu eyeje obu yegharụ iya ẹka; bya abụru onye apfụshije ike l'iphe, i pfuru.

Awụfu 34:6

Ọ bya aghata l'atatiphu Mósisu etushi onwiya ẹpha sụ: “Ọo mu bụ Chipfu; ọo mu bụ Chipfu; bya abụru Chileke k'obu-imemini; bya abụkwarupho Chileke k'eze-iphe-ọma. Onye ẹhu ete eghujedu eghu ẹgwegwa; onye n-yemobu iya; waa apfụshi ike iya parụ ẹka.

Awụfu 8:15

Obenu lẹ Fero hụmaerupho lẹ mbara ono ta adụedu; o woru ọkpoma iya kpọ-chia. Ọphu o to kweẹdu angabẹru Mósisu yẹe Erọnu nchị gẹ Chipfu pfuru ono.

Awụfu 8:32

Fero bya akpọ-chikwaphọ obu iya ọzobaa. Ọphu o to kwedu gẹ ndu Ízurẹlu tụgbua.

Oziphe 9:3

Waa iphe, bụ ẹjo-iphe, dụ l'iphemiphe, anwụkota lẹ mkpula ẹnyanwu-a baa. Iphe ono bụ l'onyemonye bụ iphe lanụ anwụkota l'ẹhu phẹ. Tẹme ọphu ka njọ bụru l'obu amadụ bụepho ẹjo-iphe jiru iya; tẹme eme iphe eswe nọdu adụje phẹ l'obu ẹka ẹphe nọ ndzụ; ọle e -mechakwa-a, onye ono alakwaa maa.

Azáya 26:10

Ndu ẹjo-iphe abụjeru; e -mechakpọoru phẹ eze-iphe-ọma; ẹphe ta anwụtadu iphe, bụ apfụbekoto. Ẹphe -nọduchakponu l'alị ndu obu phẹ gụru ìphóró; ẹphe emelẹ-a iphe, bụ iphe, apfụduru-ọto. Ẹphe ta akpadu ishi kẹle Chipfu parụ ẹka.

Azáya 57:11

“?Bụ onye bẹ ndzụ iya shi agụ unu; mbụ onye unu tsụru ebvu k'ọphu unu watarụ adzụru mbẹdua ụka? Ọphu unu anyataduru mu anyata ophu; ọphu ọ bụro kẹ g'unu jekpọo ya arịri l'obu unu? ?Tọbudu l'ọle mu shi teke-a gbata nkụchi meru g'o gude ọphu unu atsụdu mu ebvu?

Jieremaya 42:15

Ọo ya bụ; unu nụmakwa olu-opfu Chipfu; unubẹ nwa ndu phọduru nụ l'alị ndu Jiuda. Wakwa iphe, oopfu baa; mbụ Chipfu, bụ Ọkalibe-Kakọta-Ike; bya abụru Chileke kẹ ndu Ízurẹlu: ‘Ọ -bụru l'unu pfuwaru iya hoo haa l'unu a-la Ijiputu; unu nọdu eje eburu l'ẹka ono;

Jieremaya 48:11

Eshi teke ọ bụ nwata bẹ ndu Mówabu nọkpoepho tụsaru ẹhu g'ọhu-mẹe, dọru l'ite. Ọphu a wụ-phedu iya awụ-phe l'ite; kẹle e teke akpụ-swee ndu Mówabu lẹ ndzụ lashịa alị ọzo. Noo g'o gude ọ nọdu atsọepho g'ọotso. Ọphu ooshibuhudu mkpọ eshibuhu.