Oziphe 8:1 - BAYỊBURU Izii

¹ ?Bụ onye a-sụ lẹ ya maru iphe? ?Bụ onye bẹ iphemiphe doru ẹnya? L'ọ kwa mmamiphe emeje g'iphu tụsahu nemadzụ; mbụ l'oomeje g'iphu gbapfụbe-buhu nemadzụ agbapfụbe.

Oziphe 8:1 ပူးပေါင်းရင်းမြစ်များ

Mbụlembu 40:8

Ẹphe sụ l'ẹphenebo ono tụko rwọo nrwọ; ọphu ọ dụdu onye a-kọru phẹ iphe, nrwọ ono fụtaru. Jiósẹfu sụ phẹ: “?Tọbudu Chileke bu onye akọje iphe, a rwọru lẹ nrwọ? Jiko unu zeẹshikwaru mu nrwọ ono, unu rwọru ono.”

Jiobu 33:23

Obenu lẹ-a; ọ -bụru l'o nweru ojozi-imigwe, nọ iya l'agụga bụru onye nọ l'echilabọ; onye lanụ l'ime ụnu ụnwu ojozi labọ l'ụnu iri; g'o pfuaru nemadzụ iphe, gbaru iya l'ememe;

Awụfu 34:35

ẹphe ahụma l'iphu egbu iya kẹ nwịinwii. Ọo ya bụ; Mósisu abya ewota ẹkwa phụ-chia iphu ọzo gbiriri jasụ o jeshia gẹ yẹle Chipfu bọgbabe.

Ẹkwo Ẹtu 1:6

Tẹme g'e gudekwa iya phọ mee g'ẹtu doo ẹnya; bya emekwaphọ g'ílù, ndu maru iphe atụ; yẹe opfu phẹ doo ẹnya.

Ẹkwo Ẹtu 12:8

Ọo gẹ nkwamẹnya onyemonye jeberu bụ g'aajabejeru iya ajaja. Obenu l'onye bụ ẹjo-iphe jiru iya obu bẹ a ta agụbejedu iphe.

Ẹkwo Ẹtu 17:24

Onye iphe edoje ẹnya ree bụ mmamiphe bẹ oodobeje l'egomunggo. Obenu l'ọmata bẹ ẹnya iya ejerwuje ẹka igwe beru alị beru.

Ẹkwo Ẹtu 21:29

Onye ẹjo-iphe bẹ agbanwụbeje iphu ẹhuka ẹhuka. Obenu l'onye obu iya gụru ìphóró l'emeje g'ụzo iya ngụru angụru.

Ẹkwo Ẹtu 24:5

Onye maru iphe bẹ ike dụkwa shii. Onye nweru egomunggo nọdu anọduje anwụta iphe tekenteke.

Danẹlu 2:22

Iphe, dụ omilomi bya abụru iphe, e domiru edomi bẹ ookpuhaje ghebe ọnu. Ọ maru iphe, nọ l'ọchii. Ọ bụru yẹe ìphóró, echi echichi bu l'unuphu.

Danẹlu 2:47

Eze bya asụ Danẹlu-a: “Ọo eviya; Chileke ngu bụ Chileke nwekọta agwa, nọkota nụ; bya abụru Nnajịuphu, nwekọta ndu eze l'ophu; bya abụru onye ekpuhajẹ iphe, e domiru edomi goshi; noo kẹle ọwa-a bẹ ị kọtakpoerupho g'ọ dụ.”

Matiyu 17:2

Chileke gbanwee ụgbugba iya l'atatiphu phẹ. Iphu iya gbuahaa nwịinwii g'ẹnyanwu. Uwe iya chaahaa kẹ phuuphuu g'anwụ eswe.

Ndu-ishi-ozi 4:13

Ẹphe nụmachaa gẹ Pyịta yẹe Jiọnu asa kpaa kpaa; l'ẹka ẹphe bụ nemadzụ mmanụ, abụdu l'ẹphe nwụru ẹkwo; o ji phẹ ẹnya. Ẹnya gbarwua phẹ lẹ Pyịta phẹ bụ ndu ẹphe lẹ Jizọsu shi aswịje.

Ndu-ishi-ozi 4:29

Nta-a Nnajịuphu; lenaa ẹgube ọnwu, ẹphe anmashịru anyi. Ọo ya bụ; yenu anyịbe ndu ejeru ngu ozi ike l'ẹhu; g'anyi ta atsụjeshi ebvu ililekpọo k'epfu opfu ngu ono.

Ndu-ishi-ozi 6:15

Iphe, bụkpoo ndu ono, nọkota l'ụlo-ikpe ono tụko tabẹ Sutivinu ẹnya l'iphu. Iphu iya nọdu egbuẹpho nwịinwii g'iphu ojozi-imigwe.

Romu 13:5

Noo g'o gude unu je l'emeje iphe, ndu-ishi pfuru; ọ tọ bụledaa g'unu agbalaaru oke-ẹhu-eghu Chileke; obenu l'ọ bụfukwaapho g'unu meje iphe, obu ta anmadụ unu ikpe.

Efesọsu 6:19

Unu pfujekwarụpho nụ Chileke k'opfu ẹhu mu; gẹ mu sajẹ opfu kpaa kpaa; mẹ mu -nọdu epfu iphe, e domiru edomi ono, dụ l'ozi-ọma ono.

Ditoronomi 28:50

Ọha ono bẹ iphu a-gba igirigiri; k'ọphu bụ l'ẹphe ta agụbedu ndu bụ ọgerenya iphe; ọphu ẹphe aphụduru ụnwegirima obu-imemini.

2 Timoti 4:17

Ọo Nnajịuphu bẹ bụ onye pfụ-kube mu nụ eyeru mu ọkpukpu ike; ọo ya bụ k'ọphu mu e-zikọta ozi ono g'ọ ha gẹ ndiphe mgburugburu nụma-dzuru iya. Ọ kwa iya phọ bụ onye nafụtaru mu l'ọnu oduma.

2 Pyịta 1:20

Ọle ọphu kachakpọonu, bụ ọphu unu e-vukpọadaru ụzo maru bụ lẹ-a; iphe, ndu mpfuchiru Chileke pfuru ta adụkwa ọphu ẹphe shi l'uche phẹ pfua g'ọ dụ phẹ.