Oziphe 7:5 - BAYỊBURU Izii

⁵ Angabẹ nchị lẹ mba, onye maru iphe abarụ ngu kakwa ree eme l'angabẹ nchị l'ebvu, ndu eswe agụ.

Oziphe 7:5 ပူးပေါင်းရင်းမြစ်များ

Ebvu-ọma 141:5

G'onye pfụberekoto chia mu rọ iphe. Ọo-dụ mu rọ g'ọ bụ iphe-ọma bẹ o meru mu. G'ọ baarụ mu rọ mba. Ono a-gbẹro dụ mu g'ọ bụ manụ, eshi mkpọ bẹ ọowu mu l'ishi. Ishi mu bẹ ọo-gbẹnu atsọ ntụmatu. Obenu lẹ mu anọdujeepho epfu anụ ngu sụ g'i mee g'ẹjo idzu ndu ẹjo-iphe ta vụ.

Ebvu-ọma 69:12

Ndu dọru l'ọnu-abata nọdu epfuru mu. Mu bụru onye ndu angụ mẹe gude agụ ebvu-mẹe.

Ẹkwo Ẹtu 13:13

Onye akpọfu alọ ẹka lẹ nchị akpọfu l'e-je iphe-ẹhuka. Obenu l'onye emeje iphe, a sụru g'e meje bẹ obunggo iya dụru.

Ẹkwo Ẹtu 13:18

Onye ewojeru mba, aabarụ iya arwụtoshi arwụtoshi emechajẹ daba l'ọkpa-nri mẹ l'iphe-iphere. Obenu l'onye a hụ̀ru ahụ̀hù; ọ nụma iya bẹ aakwabẹje ùbvù.

Ẹkwo Ẹtu 17:10

A -baarụ onye iphe edoje ẹnya ree mba bẹ oorwuje iya l'ẹhu; eme l'ọnu ẹchachi ụkporo ise, e chiru ọmata.

Ẹkwo Ẹtu 25:12

Mba, onye maru iphe abarụ onye angabẹje nchị l'opfu, eepfuru iya bẹ dụ g'iphe-nchị, e gude mkpọla-ododo mee; ọzoo g'iphe ọzo, e gude akwa onwonye akwa, e gude ọkpobe mkpọla-ododo mee.

Ẹkwo Ẹtu 27:6

Onye gụ l'iya dụ l'opfu -nmaa ngu akpa bụkwa akpa ẹregede bẹ ọ nmarụ ngu. Obenu l'ọ́nyá, onye gụ l'iya eshi ọ̀nyà gburu ngu bẹ ntụcha adụdu.

Ẹkwo Ẹtu 6:23

Kẹle iphe, a sụru g'i meje ono bụ orọku; tẹme iphe ono, e ziru ngu ono bụru ìphóró; tẹme mba, a barụ ngu gude gbọoru ngu ụja bụru ụzo ndzụ.

Ẹkwo Ẹtu 9:8

Ta abajẹkwaru onye mgbọnu mba; ọdumeka bẹ ọokpokwa ngu ashị. Bachịru onye maru iphe mba; hụma l'oo-ye ngu obu.

Oziphe 12:11

L'opfu onye maru iphe adụjekwa gẹ mpyịpyi oshi, ụnwu-eswi egudeje eche eswi. Tẹme ẹtu ẹtu, Onye Eche Atụru ono nmashịru kụbe nọdu angụbajeepho angụba gẹ nggu, a kpọberu kpọshia ike.

Oziphe 7:4

Ẹka obu onye maru iphe anọduje bụ l'unuphu, agalaba nwụru; obenu l'ẹka obu k'onye-eswe anọduje bụ l'ẹka eeri gwọogwoo.

Oziphe 9:17

Onye maru iphe -tọo nwẹhu pfua opfu bẹ ọ kakwa ree g'ị ngabẹ iya nchị eme lẹ gbagbagba, onye-ishi ndu eswe ara.

Ọphulenya 3:19

L'ọ kwa ndu mu yeru obu bẹ mu abajẹru mba; hụa phẹ ahụ̀hù; g'ẹphe maru iphe. Ọo ya bụ; unu gude nụ obu unu g'ọ ha meje gẹ mu pfuru ono; g'izimanụ iphe-ẹji unu lwadụpho unu azụ.