Oziphe 7:4 - BAYỊBURU Izii

⁴ Ẹka obu onye maru iphe anọduje bụ l'unuphu, agalaba nwụru; obenu l'ẹka obu k'onye-eswe anọduje bụ l'ẹka eeri gwọogwoo.

Oziphe 7:4 ပူးပေါင်းရင်းမြစ်များ

2 Sámẹlu 13:28

Noo ya; Abụsalomu bya akaru ndu-ozi iya; sụ phẹ: “Unu tọnwube ẹnya maru teke Amụnonu ngụwaru mẹe; ọ nọdu atsụ iya atsụtsu. Mu -sụ unu g'unu chitsua Amụnonu; unu woru iya chigbua. Unu ta atsụkwa ebvu. Ọo mbẹdua ziru iya unu. Unu shihu obu ike; mee ọkpehu!”

1 Ndu eze 20:16

Ọ bụru l'eswe bẹ ẹphe tụgburu jeshia; mbụ teke Bẹnu-Hadadu nọ lẹ m̀kpù ngụwaa mẹe k'ọphu ọ tsụ iya atsụtsu; yẹle ndu eze ụkporo l'iri l'ẹbo phọ, eeyetaru iya ẹka phọ.

Oziphe 2:1

Mu bya arịa l'ime obu mu sụ: “Gẹ mu bya ahụeshikwa ẹhu-ụtso ama gẹ mu maẹkwaru g'ọotso-be ụtso.” E mechaa; mu hụmakwapho l'ono bụkwapho iphe-mmanụ.

Oziphe 7:3

Aphụ kakwa ree eme l'achị ọchi; kẹle eeshije l'iphu, adụ ẹji mee g'obu tụsahu.

Oziphe 7:5

Angabẹ nchị lẹ mba, onye maru iphe abarụ ngu kakwa ree eme l'angabẹ nchị l'ebvu, ndu eswe agụ.

Azáya 21:4

Meji nọdu akụ mu phẹripheri; ndzụ-agụgu mee mu; ẹhu nọdu anma mu anmanma. Nchi-ejihu, shi adụje mu ree shi byawaru bya abụru iphe, anyi mu ishi ẹdzu.

Jieremaya 51:39

Obenu l'ọo teke ono, oonwu phẹ phuruphuru g'ọku ono bẹ mu e-shiru phẹ nri ọbo-iphe; mee mẹe atsụahaa phẹ; k'ọphu ẹphe a-chịepho ọchi kpọkirihuchaa akpọkirihu; kuwarurọ mgbẹnya, ẹphe tee tehubaẹdu etehu. Nokwa iphe, Chipfu eepfu bụ ono.

Jieremaya 51:57

Mu e-me gẹ ndu-ishi iya; yẹe ndibe iya, maru iphe; yẹe ndu-ishi ojọgu iya; mẹ ndu-ishi mkpụkpu phẹ; mẹkpoo ndu ojọgu phẹ; ngụa mẹe g'ọ tsụ phẹ atsụtsu. Mgbẹnya atụko tụshi phẹ; ẹphe tee tetabaẹdu eteta jasụ l'ojejoje.” Nokwa iphe, oopfu; mbụ onye eze ono, bụ Chipfu; bya abụru Ọkalibe-Kakọta-Ike ono.

Danẹlu 5:30

Ọ bụru l'ẹnyashi ono bẹ e gburu eze ndu Bábilọnu ono, bụ Belushaza.

Hosiya 7:5

L'eswe mbọku, onye eze anyi bọru iphe bẹ ndu-ishi ngụru mẹe ẹnya chaa phẹ achacha. Onye-eze anyi ono yẹle ndu mgbọnu tụko meahaa rigbarigba.

Nahumu 1:10

Ẹphe a-nmalahụ l'ẹpfukala obvu; ẹphe angụa mẹe; l'ọotsua phẹ atsụtsu; ọku etsua phẹ g'ẹka ọku etsu ẹswa ereshi ọkponku.

1 Sámẹlu 25:36

Abigelu bya alapfu Nebalụ je ahụma l'ọ nọroo abọ-iphe l'ibe iya; ẹgube ono, onye eze emeje ono. Ẹhu nọdu atsọ Nebalụ ụtso; kẹle mẹe atsụshi iya ike. Ọphu ọ tọ dụdu iphe, Abigelu pfuru iya jasụ nchi bọhu.

1 Sámẹlu 30:16

O duru Dévidi phẹ rwua. Ndu Amalẹku ono dọru l'alị ono; eri angụ; bya eme ẹmereme k'ikpoto iphe ono, ẹphe gwekọru l'alị ndu Filisitayinu; mẹ kẹ ndu Jiuda ono.