Oziphe 7:24 - BAYỊBURU Izii

²⁴ Mu maru l'iphe ono, eeku mmamiphe nọ ụzenya ụzenya; bya adụ omilomi shii; k'ọphu bụ l'ọ tọ dụdu onye sụru iya achọ-vu.

Oziphe 7:24 ပူးပေါင်းရင်းမြစ်များ

Jiobu 28:28

bya asụ ụnwu-eliphe-a: Atsụ Nnajịuphu ebvu bụkwa iya bụ mmamiphe. Ajịka eme ẹjo-iphe, bụru nkwamẹnya.

Jiobu 37:23

Ọ kwa iya bụ Ọkalibe-kangokọtaru-nụ; bụru onye ẹka anyi ta abyadụ erwu erwurwu ophu. Ọ parụ ẹka l'ike-ọkpu; mẹ l'ekpe ikpe, pfụru ọto. Apfụbekoto nkiya parụ ẹka; ọphu oomedu nemadzụ ewere.

Ebvu-ọma 139:6

Amama ono, ị maru mu ẹgube ono dụkwa mu oke biribiri; bya apaa mu ephekerephe k'ọphu uche mu te erwudu iya.

Ebvu-ọma 36:6

Apfụbekoto nkengu nọdu etse rịgorigo g'úbvú, parụ ẹka apaa. Ikpe nkengu dụ wukirima g'eze ẹnyimu-ime-alị. Gụbe Chipfu; ọo ngu tụkoru anụ, bu l'ẹgbudu yẹle nemadzụ dobe ndzụ.

Oziphe 8:17

bẹ mu byaru ahụma iphemiphe, Chileke meru; bya amaru l'ọ tọ dụdu onye iphemiphe, eme lẹ mkpula ẹnyanwu-a byaru edo ẹnya. Nemadzụ a-tụkokwa ike iya mekọta g'o doo ya ẹnya; ọle ọ tọ dụdu onye a-dụ ike arwavu iya l'ẹka. Onye mmamiphe -sụchakponu lẹ ya maru iya bẹ o too dokwanụ iya ẹnya ọkpobe edodo.

Romu 11:33

Ha-oo! nkwamẹnya yẹle mmamiphe kẹ Chileke pakwarụ omilomi. Ikpe, ookpeje ta adụkwa onye sụru iya amaẹberu; ẹbe ọ dụkwa onye sụru amakọtaru g'o meje iphe iya.

1 Timoti 6:16

Ọo ya kpoloko kpẹekpu bụ onye ta abyadụ anwụhu anwụhu. Ẹka o bu bẹ ìphóró, dụ iya nụ te ekwejedu gẹ nemadzụ zakube iya ntse. Ọ tọ dụkwa nemadzụ igbakoroshienyi gudejewaa ẹnya hụma iya; ọphu ọ dụkwa onye byaru ahụma iya nụ. G'ọ bụru iya bẹ ndiphe a-kwabẹje ùbvù; ike ono, te enwedu abvụbvu ono abụru nkiya. Nokwa g'ọ dụ-o!