Oziphe 7:12 - BAYỊBURU Izii

¹² Ọo g'okpoga edomije onye nweru iya nụ-a bụ gẹ mmamiphe edomijekwaphọ onye maru iphe. Obenu l'ẹka amaru iphe gude kangoo bụ l'onye nweru mmamiphe akajẹ nka shii.

Oziphe 7:12 ပူးပေါင်းရင်းမြစ်များ

Jiobu 1:10

?Tọbudu ngu kpọru ọkpokuu kpọ-phee yẹle ndibe iya mgburugburu; mẹkpoo iphemiphe, o nweru? Iphemiphe, oome l'ẹka bẹ i meru; ọ bụru ụpete; k'ọphu bụ l'ẹku iya tụkoru ẹkameka.

Ebvu-ọma 57:1

Gụbe Chileke; meeru mu eze-iphe-ọma! Jiko meeru mu rọ eze-iphe-ọma! Kẹle ọo l'ẹka ngu bẹ mu nọ ezeru ndzụ. Mu a-nọdu lẹ mkpula oke ǹkù ngu ezeru ndzụ; jasụ teke ẹjo-iphe-ẹhuka, byaru mu nụ-a a-bvụebe.

Ẹkwo Ẹtu 11:4

Ẹku ta adụkwa urwu, adụkwadu iya nụ mbọku, ẹhu e-ghu Chileke oke eghu. Obenu l'apfụbekoto adzọje nemadzụ l'ẹka ọnwu.

Ẹkwo Ẹtu 14:20

Ndu akpa nri bẹ aakpọje ashị; kpọchaa kpọo lẹ ndu ẹphe l'ẹphe bu obutobu. Obenu lẹ ndu nweru iphe nweru ikpoto ọ̀nyà.

Ẹkwo Ẹtu 2:11

Ọ bụru iphe, a-nọdu egbochi ngu nụ bụ amaru eye ọnu l'opfu; nkwamẹnya awata ngu awata ngu akpọ-ziru ụzo.

Ẹkwo Ẹtu 2:7

Ọkpobe mmamiphe bẹ ọ kwachiru akwachi doberu ndu obu phẹ gụru ìphóró. Ndu ụta ta adụdu l'iphe, ẹphe eme bụru iya bẹ ẹphe egudeje gbobuta onwophẹ.

Ẹkwo Ẹtu 3:18

Ọ bụ oshi, anụje ndzụ l'ẹhu ndu nmataru iya akpa. Ndu tụru iya gburumu l'a-bụru ndu a gọru ẹhu-ụtso nụ.

Ẹkwo Ẹtu 8:35

Kẹle onye chọru mụbe mmamiphe chọta bụkwa ndzụ bẹ ọ chọtaru; tẹme onye ono bụwaru onye tụbaru Chipfu l'ẹnya.

Ẹkwo Ẹtu 9:11

Kẹle ọo mụbe mmamiphe e-me g'ị kaa nka. Mbụ-a; mu e-me g'e yekwabaaru ngu apha l'apha olemole i gege anọ l'eliphe-a.

Oziphe 10:19

Ọbo-iphe bụkwa iphe, aabọ-dojeru iya bụ g'e mee kwakiri kwakiri. Mẹe bụru g'ẹhu tsọ ụtso bẹ aangụ-dojeru iya. O bekwanụ l'ọo okpoga bụ ẹka iphemiphe jeberu ọ sụbe ishi.

Oziphe 2:13

Mu bya ahụma lẹ mmamiphe ka eme eswe ree; ẹgube ono, ìphóró ka ọchii ree ono.

Oziphe 7:19

Mmamiphe emejekwa onye nweru iya nụ g'ọ ka ụmadzu iri, bụ ishi mkpụkpu ọkpehu.

Oziphe 9:16

Ọ bụru iphe ono meru g'o gude mu sụ lẹ mmamiphe kakwa ọkpehu ree. Ọle onye ụkpa bẹ a taa gụbejedu mmamiphe nkiya iphe; ọphu ọ dụdu onye angajẹ nchị l'opfu iya.

Oziphe 9:18

Mmamiphe kakwa ngwọgu ree. Obenu l'onye iphe-ẹji lanụ emebyijekwa iphe, dụ shii.

Azáya 30:2

ndu wụfuru lashịa alị ndu Ijiputu l'ẹbe epfuru mu iya; ndu bụ Fero bẹ ẹphe ele ẹnya l'ẹka g'o yeru phẹ ẹka gbobuta phẹ g'ọ tọ dụ iphe, e-me phẹ nụ; ndu gbapfuru ndu Ijiputu je anọdu phẹ l'ẹka ezeru ndzụ.

Azáya 32:2

Onyemonye a-dụ g'ẹka edomi onwonye, a nọ agbalarụ phẹrephere; dụkwapho g'ẹka aanọduje ezeru ndzụ l'ẹka oke-mini edze; dụkwapho gẹ nggele, asọ l'alị, mini adụdu; dụkwapho g'onyonyo oke agbara mkpuma, nọ l'alị, adụdu iphe, dụ iya nụ.

Azáya 33:6

Ọo ya a-bụru onye e-me g'unu ngụru angụru l'ọgbo k'unu. L'ọ dzọta unu ọkpobe adzọta; mee g'unu maru iphe; kwaa ẹnya. Ọ bụru atsụ Chipfu ebvu a-bụru ẹku k'unu.

Jiọnu 12:50

Mu makwarụpho l'iphe ono, ọ sụru gẹ mu pfua ono anụje ndzụ ojejoje. Ọo ya bụ l'iphe, bụ iphe, mu epfu bụepho iphe, Nna sụru gẹ mu pfua bẹ mu epfu.”

Jiọnu 17:3

Ndzụ ojejoje ono bụ g'ẹphe maru ngu; mbụ gụbe onye ono, bụ ngu bụ ọkpobe Chileke kpẹekpu; makwaruphọ Jizọsu Kéreshi, bụ onye ọ bụ ngu ziru g'ọ bya.

Ditoronomi 32:47

G'opfu-a ta abụkwaru unu opfu, enwedu ishi; kẹle ọ kwa ẹka ono bẹ ndzụ unu nọ. Ọ bụru iphemiphe ono e-me g'unu karịberu nka l'alị ono, unu adagha ẹnyimu Jiọ́danu eje alwụta nworu ono.”

Filipayi 3:8

Ọ tọ bụdua iphemiphe ono; iphemiphe ọzo bẹ mu tụkokwaru gụkota l'iphe, tụkoru bụru mu ọla-l'iswi; kẹle urwu ọphu rwuberu mu ẹka, bụ ọphu nyịberu g'atụ ọnu iya, bẹ bụ Kéreshi Jizọsu, bụ Nnajịuphu mu ono, mu mawaru majia ẹnya ono. Ọ bụru l'iswi ẹhu iya bẹ mu gude wofukọta ẹnya l'iphemiphe, mu nweru g'ọ bụru iphe, iyi yifuru. Nta-a bẹ ẹphe bụkotawaa ntụ ekpofu l'ẹnya mu; k'ọphu bụ l'ọ bụepho Kéreshi bẹ bụ urwu, mu e-rita nwẹkinyi iya.

Ikpe 9:15

Ọgara-mbo sụ phẹ: ‘Teke ọ dụ unu gẹ mu bụru eze unu; unu wụbata nụ lẹ mkpula mu bya ezee ndzụ; ọ -dụdu; g'ọku shikwa lẹ mụbe ọgara-mbo bya ekepyashịkota iphe, bụ oshi sida, nọkota l'úbvú Lébanọnu!’ ”