Oziphe 6:6 - BAYỊBURU Izii

⁶ m'obetakpọkwaru nwoke ono nọo ndzụ nọghata ụnu apha ise; l'ẹbe o ri ẹku, o setarụ. Noo kẹle ọo l'ẹka lanụ bẹ ẹphe tụkoru ala.

Oziphe 6:6 ပူးပေါင်းရင်းမြစ်များ

Mbụlembu 5:5

Mkpakọ apha, Ádamu nọru bụru ụnu apha labọ l'ụkporo apha ishii l'apha iri; bya anwụhu.

Jiobu 1:21

sụ: “Ọo ọto bẹ mu gba teke mu shi l'ẹpho ne mu daa l'alị. Ọ bụkwarupho ọto bẹ mu a-gbaru laa. Ọo Chipfu nụru; ọ bụru Chipfu wotaru iphe, ọ nụru. G'e tukwaa Chipfu ẹpha.”

Jiobu 30:23

Mu makwarụ-a lẹ ị kpụwa mu ala maa. Ị kpụwa mu ala ẹka ono, e doberu iphe, bụ onye nọ ndzụ.

Jiobu 7:7

Jiko Chileke; nyatakwa lẹ ndzụ mu ta adụdu iphe ọzo, ọ bụ gbahaa udzu-ọnu. Ẹhu ta atsọbaedu mu ụtso lẹ ndzụ mu ọwa-a ọzo.

Ebvu-ọma 34:12

?Bụ onye bẹ ọ dụ g'asụ lẹ ndzụ iya e-tse ogologo; tẹme ọ dụkwa iya phọ g'asụ lẹ mbọku-mbọku a-bụjeru iya k'ọma?

Oziphe 12:7

Noo teke ogwẹhu, bụ ẹja alị a-laphu azụ l'ẹja alị ẹka o shi; unme ndzụ alapfu Chileke onye nụru iya nụ.

Oziphe 2:14

L'onye maru iphe gude ẹnya aphụ ụzo; obenu l'onye-eswe anọduje erwu ije orwu l'ishi. Mu hụmakwanu l'ẹphenebo ono a-tụko laa l'ite lanụ. L'ọo iphe, meru onye mmamiphe bụkwapho iphe, e-me onye-eswe.

Oziphe 3:20

G'ẹphe ha tụkoru ala ẹka lanụ. G'ẹphe ha tụko shi l'ẹja; ọ bụru l'ẹja bẹ ẹphe tụkoru ala.

Oziphe 6:3

Nemadzụ a-nwụtachakpoo ụnwegirima nwụ-rwua ụkporo ise; bya akakpọo nka shingushingu; ọle ọ tọ dụkpodaa g'ọ kahabẹ nka; ọ -bụru l'o to riduru ẹku ono, o seru akanya iya ono; ọphu e liduru iya ọkpobe elili bẹ mbẹdua sụkwaru lẹ nwa, nwụhuru l'ẹpho tẹme a nwụa ya ka iya mma.

Oziphe 6:5

A makwarụ-a l'o tokọ hụma-swee ẹnyanwu; ọphu ọ dụdu iphe, ọ maru; ọle ọ kaẹpho nwoke phọ enweru ẹhu-guu;

Oziphe 7:2

Eje l'unuphu, agalaba nwụru kakwa ree eme l'eje ẹka aabọ iphe. Noo kẹle anwụhu bụ iphe, nọ swiru onyemonye. Gẹ ndu ọphu nọ ndzụ nyatajẹkwa l'ọo-dụkwaphe phọ nno.

Oziphe 9:2

G'ẹphe ha bụ iphe lanụ anwụkota l'ẹhu phẹ; mbụ onye pfụberekoto mẹ onye ẹjo-iphe; onye eme ree mẹ onye eme ẹji; onye aasọ nsọ mẹ onye a ta sọdu nsọ; mẹ ndu agwa iphe; mẹ ndu ta agwadu. Ọo g'ọonwu l'ẹhu onye dụ ree bụ g'ọonwu l'ẹhu onye iphe-ẹji. Ọ bụru g'ọonwu l'ẹhu onye gụru ẹnwa bụ g'ọonwu l'ẹhu onye atsụ ebvu agụ ẹnwa.

Azáya 65:20

Ọ tọ dụbaedu nwata, a-nọ ujiku olemole nwụhu l'ime mkpụkpu ono; ọzoo onye bụ ọgerenya, ata akafụdu nka l'ishi. Onye nọru ụkporo apha ise bya anwụhu bẹ aa-sụje l'ọ gbakwohuru agbakwohu. Onye iphe-ẹji, anọ-rwuduru ụkporo apha ise bẹ aa-sụje l'a tụru iya ọnu.

Azáya 65:22

Ẹphe taa kpụedu ụlo aharu ndu ọzo g'ẹphe buru. Ọphu ẹphe akọedu opfu aharu ndu ọzo g'ẹphe ria; kẹle ọo g'oshi akabeje nka bụ gẹ ndibe mu a-ka nka. Mbụ lẹ ndu ono, mu họtaru ono e-rije iphe, ẹphe seru akanya iya; ria ya nọo ọdu.

Jieremaya 17:6

Onye ono a-dụ g'ishishi-irwu, bvuru l'echiẹgu; ọphu ọo-hụmadu teke iphe, dụ ree abya. Ọ bụru ẹka dụ kpọkoro kpọkoro kpọkoro l'echiẹgu ọbu bẹ oo-buru; mbụ alị únú, adụdu onye bu iya nụ.

Hiburu 9:27

Iphe, dụru onyemonye bụ l'onyemonye nwụhufutaje akpọ lanụ; ọ nwụhuchaa; iphe ọzo, e-mefụanu bụ lẹ Chileke e-kpe iya ikpe.