Oziphe 6:12 - BAYỊBURU Izii

¹² ?Bụ onye maru iphe, dụ nemadzụ ree nta-a, ọ nọ ndzụ-a; mbụ lẹ nwujiku olemole, ọ nọ mkpọkoro ndzụ l'eliphe-a, eme pherephere g'onyonyo-a? ?Ọ dụkpooru onye a-dụ ike karụ iya iphe, e-mechaa mee lẹ mkpula ẹnyanwu-a mẹ ọ -nwụhuchaa?

Oziphe 6:12 ပူးပေါင်းရင်းမြစ်များ

1 Iphe, ndu eze meru 29:15

L'atatiphu ngu bẹ anyi bụ ndu mbyambya; bụru ndu nọ l'ije; ẹgube ono, nna anyi phẹ shi bụru iya. Ndzụ, anyi nọ l'eliphe-a bẹ agba phụruphuru g'onyonyo; kẹle ọ tọo nọdu jasụru asụru.

Jiobu 14:2

Ọojataje ẹgwegwa g'okoko; l'ọ bụhukwaru iya phọ anwụlwashihu. Ọ bụru g'onyonyo, a taa nọribejeduru-a bụ g'ọ tọ dụdu ẹka ọono-bejeru.

Jiobu 14:21

Teke aakwabẹ ụnwu iya ùbvù; ọ tọ dụedu iphe ono, dụru ọphu ọ makwaduru. Teke eehu phẹ adagba-nchị l'alị; ọ tọ dụedu ọphu ọohumakwadu.

Jiobu 8:9

kẹle anyịbedua bụ-a ụnyaphu bẹ a nwụru anyi; ọphu ọ dụdu iphe, anyi mawaru; tẹme ndzụ anyi l'eliphe-a dụepho kẹ nwa tsọkere.

Ebvu-ọma 102:11

Nwujiku ole, mu a-nọ l'eliphe-a dụwaa g'onyonyo ụzenyashi. Mu anọdujeepho anwụ lwaalwaa g'ẹswa.

Ebvu-ọma 109:23

Mu esewa gẹrere g'onyonyo ụzenyashi; tẹme a nmakofuwa mu g'onye nmakofuru igube.

Ebvu-ọma 144:4

Nemadzụ dụepho g'udzu ọnu. Eswe ndzụ iya adụje g'ìbvù oshi, abụjeru; ọ -kpọo ụpfu nwanshịi l'a hụma-buhu iya.

Ebvu-ọma 16:5

Ọo Chipfu bụ okiphe, mu ketarụ; bya abụru iya bụwaa mu mkpakọ lẹ nswikọ; mbụ l'ọo gụbe Chipfu bẹ iphe, mu a-bụru nọ l'ẹka.

Ebvu-ọma 17:15

Obenu lẹ mbẹdua bẹ e-gude apfụbekoto hụma iphu ngu. Mu -tehuẹpho bẹ ẹhu-ụtso e-ji mu obu; noo kẹle mu a-hụma ụgbugba ngu.

Ebvu-ọma 4:6

Ikpoto nemadzụ asụje: “?Jiko Chipfu; mebanaaru anyi iphe ọma. Menaa g'iphe dụru anyi lẹ ree!”

Ebvu-ọma 47:4

Ọo yẹbedua họtaru anyi alị, anyi bu; mbụ alị ono, Jiékọpu, onye Chileke yeru obu egudeje eku onwiya.

Ebvu-ọma 89:47

Jiko nyatakwa gẹ ndzụ mu dụ-be mkpirikpu; kẹle nemadzụ, i meru bụepho udzu ọnu mmanụ.

Oziphe 10:14

Opfu onye-eswe bẹ anọduje anwụshi anwụshi. Ọ tọ dụdu onye maru iphe, e-me l'iphu. Ẹbe ọ dụdu onye adụ ike akaru iya iphe, e-mechaa mee nụ mẹ ọ tọepho azụ.

Oziphe 12:13

Nta-a bẹ a tụkowaru iphemiphe nụmakota. Waa iphe, bụ mkpọchi-ishi iya baa: Tsụje Chileke ebvu meje iphe, ọ sụru g'i mee; kẹle ọo ya bụ iphe, rwuberu amadụ l'ememe.

Oziphe 2:24

Ọo ya bụ l'iphe, ka ree bụ gẹ nemadzụ rije g'ọ dụ iya; ngụje g'ọ dụ iya; akanya, oose eji iya ẹpho; kẹle ono bẹ mu hụmaru l'o shi l'ẹka Chileke.

Oziphe 2:3

Mu bya eyemia ishi l'angụ mẹe; gude iya dụaha onwomu obu; gẹ mu eshi nno nmata eme eswe akpa. Ọle mmamiphe mu melẹru-a; mu maru iphe, mu eme; k'ọphu mu e-shi l'ẹka ono maru iphe, gbaru nemadzụ l'ememe lẹ nwujiku olemole, ẹphe a-nọ lẹ mkpula igwe-a.

Oziphe 3:22

Mu hụma l'ọ tọ dụdu iphe, kabarụ nemadzụ ree, abụdu g'akanya, oose tsọ iya ụtso; kẹle ọwa iya bụ okiphe iya. Kẹle-a; ?bụ onye sụru iya eduphu azụ g'ọ bya ahụma iphe, l'e-mechaa nwụa l'okotazụ iya?

Oziphe 6:11

Opfu -paa igwe; mkpọkoro iya aka shii. Goshinu mu urwu, ẹgube iphe ono abarụ nemadzụ.

Oziphe 7:15

Lẹ mkpọkoro ndzụ-a, mu dzụ-a bẹ mu hụmaakwaru iphe-a ẹphenebo. Mbụ lẹ mu hụmaru onye pfụberekoto ẹka ọola l'iphe, pfụru ọto; bya ahụma onye ẹjo-iphe ẹka ọoka nka eje emekwaphọ ẹjo-iphe, oome.

Oziphe 8:13

Kẹle ndu ẹjo-iphe bẹ ọ tọo dụkwaru lẹ ree; ọphu ndzụ phẹ etsekwa rịgorigo g'onyonyo. Noo l'ẹphe ta atsụdu Chileke ebvu.

Oziphe 8:7

Eshinu ọ dụdu onye maru iphe, e-me l'iphu; ?bụkwanu onye a-sụ iya l'ọwa-a iphe, e-mechaa mee nụ baa?

Oziphe 9:6

N-yemobu onye ono; yẹe ndụmashi iya; mẹ okophoo ya g'ẹphe ha tụkowaru phukashịhu. Ọphu ọ dụedu iphemiphe, eeme lẹ mkpula ẹnyanwu-a, ẹka iya dụkwadu.

Oziphe 9:9

G'ẹhu tsọje ngu ụtso gụ lẹ nyee ngu ono, i yeru obu ono; jeye g'unu a-nọ-bekporu ndzụ lẹ mkpọkoro ndzụ-a, Chileke nụru ngu lẹ mkpula ẹnyanwu-a. Mbụ lẹ mkpọkoro mbọku-mbọku ono, Chileke nụru ngu ono; waa akanya, iisegbu onwongu lẹ mkpula ẹnyanwu-a bẹ bụkwa ẹhu-ụtso ono, bụ okiphe, i ketarụ iya.

Mayịka 6:8

O goshiakwaru gụbe nemadzụ iphe, dụ ree k'ememe. ?Bụkwanu gụnu bụ iphe, Chipfu ele ẹnya iya l'ẹka ngu, abụdu g'i meje umere, pfụru ọto; l'i yee ẹnya l'aphụ obu-imemini; l'i woze onwongu alị; etso Chileke ngu.

Jiemusu 4:14

l'ẹbe abụ l'unu maru g'echele a-dụ. ?Ndzụ unu bụ gụnu? Ọ bụ ẹnwuru-ọku, akpụ-lihuje; a nọekwapho nwanshịi l'oophukashịhu.