Oziphe 5:13 - BAYỊBURU Izii

¹³ Ọ dụru akpamara, mu hụmaru lẹ mkpula ẹnyanwu-a. L'ẹku bẹ onye nwe iya nụ kparụ dobe g'o gburwashị iya ẹhu.

Oziphe 5:13 ပူးပေါင်းရင်းမြစ်များ

Mbụlembu 14:16

Ọ natakọta phẹ ivu ono, ẹphe shi gweta ono; bya edulata abụbu iya, bụ Lọtu yẹe ẹku nkiya; waa ụnwanyi; mẹwaro ndu ọzo, ẹphe shi rwuta.

Mbụlembu 19:14

Ọo ya bụ; Lọtu tụgbunaa bya eje epfuchaaru iya ndu ẹphe l'iya gba l'ọgo, bụ ndu abya alụ ụnwada iya; sụ phẹ: “Unu medụpho ẹgwegwa fụta lẹ mkpụkpu-a; noo lẹ Chipfu abyakwa iya emebyishi.” Ọle ndu ọgo iya rịru l'ọo mgbọnu bẹ ọogbaru phẹ.

Mbụlembu 19:26

Nyee Lọtu ghaa ẹnya l'azụ; ọ ghọo obvudu únú.

Jiobu 20:20

Hoo haa; eshinu ọ tọo nmapfujeduru anmapfuru l'eme ụghoro bẹ ọ tọ dụkwa iphemiphe ono, agụ iya nụ ono dụru ọphu oo-nweru; ọphu ẹku iya adzọkwanu iya.

Ẹkwo Ẹtu 1:19

Mbụ l'ọo ẹgube ono bụ g'ọo-dụ iphe, bụkpoo ndu ana ndu ọzo iphe phẹ l'ike. Urwu, e ritaru l'ụzo, dụ nno egbujekwa onye ritaru iya nụ.

Ẹkwo Ẹtu 1:32

Ẹjo ụzo ono, ndu enwedu egomunggo hatarụ ono e-gbukwa phẹ. Tẹme ejiji, ndu eswe jiru onwophẹ ẹnya ono e-mekwaphọ; ẹphe abụru ọla-l'iswi.

Ẹkwo Ẹtu 11:4

Ẹku ta adụkwa urwu, adụkwadu iya nụ mbọku, ẹhu e-ghu Chileke oke eghu. Obenu l'apfụbekoto adzọje nemadzụ l'ẹka ọnwu.

Ẹkwo Ẹtu 23:4

B'emebyishikwa onwongu lẹ g'ii-me nweru iphe. Makwarụ iphe jetajẹ ghaa ẹnya.

Ẹkwo Ẹtu 27:24

Kẹle iphe-enweru ta anọjedu ojejoje. Ọphu okpu-eze anọjedu shi l'ọgbo sweru ọgbo l'ishi onye lanụ.

Oziphe 4:8

Ọ dụru nwoke, bụ nkịnyi, enwedu nwa nwoke; ọphu o nwedu nwune nwoke. Ọ nọdu anọduje ese akanya mkpụrumkpuru. Ọphu ẹku, ọ kpatarụ ejijedu iya ẹpho ejiji. Ọphu o teke ajị-swee onwiya sụ: “?Bụnaa onye bẹ mu eseru akanya-a? ?Bụnaa gụnu bẹ mu anashịnaa onwomu ẹhu-ụtso ẹgube-a?” Iphe, dụ nno bụkwa iphe-mmanụ; bya abụru nsegbu akanya.

Oziphe 5:14

A nọnyaa uburu bya ebuta nwoke ono; ẹku iya ono laa l'iswi; ọphu ọ dụdu ẹku iya ono ọphu o doberu nwa iya; kẹle ọ bvụeberu.

Oziphe 8:9

Iphemiphe ono bẹ mu hụmaru gẹ mu byaru bya eworu egomunggo mu zia l'iphemiphe, eemekpọo ememe lẹ mkpula ẹnyanwu-a. Mbụ teke ndu-ishi anọduje emekpa ndu nọ phẹ l'ẹka ẹhu.

Azáya 2:20

Mbọku ono bẹ nemadzụ a-chịru nshi ono, ẹphe gude mkpọla-ọchaa mẹ mkpọla-ododo mee dobe agwa agwagwa ono chịru phekaaru anụ, bụ molu yẹe ụtsu-nwankụta.

Zefanaya 1:18

“Ọphu mkpọla-ọchaa phẹ mẹ mkpọla-ododo phẹ adụkwa ike anafụta phẹ mbọku ono, Chipfu a-tụ-koshi ndiphe oke ẹhu-eghu iya ono; mbụ l'okophoo, ọo-nọdu eko e-tsufu mgboko l'ophu g'ọku, etsu etsutsu. Oo-mee g'iphe, bụkpoo ndu nọ lẹ mgboko l'ophu chịhu nchịhu lanụ.”

Luku 16:19

“Ọ dụru nwoke lanụ, barụ eze, eyeje uwe, dụ ẹguru bya ere ire; eri gwọogwoo mbọku-mbọku.

Luku 19:8

Zakịyosu gbalihu bya asụ Nnajịuphu: “Mu sụ-a; Nnajịuphu; iphe, mu nweru enweru bẹ mu e-ke ụzo ẹbo; nụ ndu ụkpa oke lanụ. Teke ọ bụ l'ọ dụru onye mu riru urwu; iphe, ọ bụ iphe, ọ bụ; mu a-pfụa ya iphe, ha g'iphe, mu riru iya mgbo ẹno.”