Oziphe 4:1 - BAYỊBURU Izii

¹ Mu byakwa elee ẹnya bya ahụma mkpawere, dụgbaa lẹ mkpula ẹnyanwu-a. Mu bya ahụma ẹnya-mini ndu eeme mkpawere; l'ẹbe ẹphe enwe onye gberuma. Tẹme ndu ono, eme phẹ ewere ono nwekwarụpho iphe, bụ agbaru-ike phẹ; obenu ẹphebedua te nwedu onye asụ phẹ gberuma.

Oziphe 4:1 ပူးပေါင်းရင်းမြစ်များ

Jiobu 16:4

Mbẹdua gege epfukwa g'unu epfu ono; ọme ọ dụru unu g'ọ dụru mu-a. Mu gege anọdukwa epfu ẹrengete opfu gude eyeru unu ọnu; ekweru unu une.

Jiobu 35:9

“Ọobujeru; e -menụka ndiphe ewere; ẹphe eye mkpu l'ọnu. Ẹphe echiaha: ‘Ojilẹka tọgbo’; kẹle ndu ike dụ l'ebyi phẹ ẹka l'ẹhu.

Jiobu 6:29

Jikonu; unu tụnaa mgbeleke nwanshịi; hanaa eme iphe, apfụduru-ọto! Unu rị-phunu ọriri azụ; kẹle apfụbekoto mu dụekwapho g'ọ dụ.

Jiobu 9:24

Mgboko dabarụ l'ẹka ndu ẹjo-iphe. O gude ẹka pyị-chishia ndu-ikpe iya ẹnya. Ọ -bụdu iya eme iya ?bụhunu onye bẹ eme iya nụ?

Ebvu-ọma 12:5

Obenu lẹ Chipfu byakwanụ eyeru phẹ ọnu bya asụ phẹ: “O rwuakwaru teke ya a-byapfuta unu; kẹle ndu ụkpa bẹ unu kpatashiwaru ẹhu; tẹme ndu adụdu g'ọ dụ phẹ gụnukawa aphụ unu. Nta-a bẹ o rwuwaru teke ya a-gbaru phẹ mkpu ono, ẹphe ele ẹnya iya ono.”

Ebvu-ọma 142:4

Lenaa ẹnya l'ẹkutara mu; hụma l'ọ tọ dụdu onye akpa mu ishi. Mu te nwedu ẹka bụ: mu -gbabata iya; mu anọdu iya zee ndzụ; noo kẹle ọ tọ dụdu onye akpa ndzụ mu ishi.

Ebvu-ọma 142:5

Ọ bụru gụbe Chipfu bẹ mu chikuru lẹ mkpu. Mu sụru-a: “Ọo l'ime ngu bẹ mu anọduje ezeru ndzụ; tẹme ọ bụru ngu bụ okiphe nkemu l'alị ndu nọ ndzụ.”

Ebvu-ọma 42:3

Ẹnya-mini mu bụwaa nri eswe l'ẹnyashi mu; kẹle ọ tọ dụdu teke ẹphe ta ajịdu mu sụ: “?Dẹnu ẹka Chileke ngu nọ?”

Ebvu-ọma 42:9

Mu sụru Chileke, bụ agbara-mkpuma nkemu: “?Dẹnu g'o gude ị zọhaa mu? ?Bụ gụnu kparụ iphe, ndu ọhogu mu akpa mu ẹhu; mu nọdu agụ aphụ ejephe?”

Ebvu-ọma 69:20

E kwekwaru mu une jasụ ọkpoma wahụahaa mu awahụ. Nta-a bẹ o mewaru mu; ọphu ike adụedu mu. Mu leru ẹnya onye a-phụru mu obu-imemini; ọphu ọ dụdu. Mu bya elee ẹnya onye a-dụ mu obu; ọphu ọ dụdu onye mu hụmaru.

Ebvu-ọma 69:21

Ẹphe wotaru mu iphe, egbu egbugbu gẹ mu ria g'ọ bụru mu nri; bya edoberu mu mẹe-venịga gẹ mu ngụru ye iya.

Ebvu-ọma 80:5

Nta-a bẹ i mewaru phẹ; ẹnya-mini bụru phẹ nri eriri; bya emee phẹ; ẹphe ngụa ẹnya-mini, jiru ochi njaka-ọnu.

Awụfu 1:16

“Unu -nọdu eswi ụnwanyi ndu Hiburu ime m'ẹphe nọdu anwụ nwa; ẹphe -nwụe ya phọ; unu nyoje phẹ. Ọ -bụru nwoke; unu gbuje iya; teke ọ bụ nwata nwanyị; unu hajẹkwa iya g'ọ nọdu ndzụ!”

Awụfu 1:22

Noo ya; Fero bya atụaru ndu nkiya g'ẹphe ha ekemu sụ: “Ọ -bụru lẹ ndu Hiburu nwụru nwa; ọ -bụru nwoke; g'e jeje echie ya l'ẹnyimu Nayịlu! Teke ọ bụ nwanyị l'a haa ya g'ọ nọdu ndzụ!”

Ẹkwo Ẹtu 19:7

Onye akpa nri bẹ adụkotaje ndu ẹphe l'iya bụ ashị. Nokwaphọ gẹ ndu ẹphe l'iya eshi ọ̀nyà anọduje agbaru iya ọso. Ọonodujekpoo agba etso phẹ arwọ phẹ g'ẹphe shịru; ọle ọ tọ dụedu onye ọphu ọohuma.

Ẹkwo Ẹtu 28:3

Onye akpa nri, anọduje eme ndu ụkpa ewere dụkwa g'ọchioku mini, tụkoru iphe, a kụru l'opfu kpota.

Ẹkwo Ẹtu 29:2

Ndu pfụberekoto -nọdu aka shii eje bẹ ẹhu atsọje ndiphe ụtso. Teke onye ẹjo-iphe bụ ishi; ndiphe atsụahaa pfụu.

Oziphe 3:16

Mu byakwa ahụma iphe ọzo lẹ mkpula ẹnyanwu-a: L'ẹka e gege anọdu kpee ikpe, pfụru nhamụnha bẹ a gbẹ nọdu eme ẹjo-iphe; ẹka e gege anọdu eme iphe, pfụru ọto bẹ a nọkwapho eme ẹjo-iphe.

Oziphe 5:8

O -dụru ẹka ị nọ; ị hụma l'e me ndu ụkpa ewere l'ẹka ono; k'ọphu bụ l'e te kpejedu phẹ ikpe, pfụru ọto; ọphu e mejeduru nemadzụ iphe, rwuberu iya nụ; g'ọ tọ dụkwa ngu biribiri; kẹle onye ha shii bẹ onye ọzo, ka iya shii arajẹkwaru akpụru-ẹnya; tẹme l'ọ dụkwarupho ndu ọzo, akajẹ ẹphenebo ono shii.

Oziphe 7:7

Onye maru iphe; ọ nọdu eme nemadzụ ewere bụakwaa onye-eswe; ọ bụru ẹgube ono bẹ eri ụphalazu emebyi obu nemadzụ.

Oziphe 8:9

Iphemiphe ono bẹ mu hụmaru gẹ mu byaru bya eworu egomunggo mu zia l'iphemiphe, eemekpọo ememe lẹ mkpula ẹnyanwu-a. Mbụ teke ndu-ishi anọduje emekpa ndu nọ phẹ l'ẹka ẹhu.

Azáya 5:7

Ọ kwa ọnu-ụlo Ízurẹlu bụ opfu-vayịnu ono, Chipfu, bụ Ọkalibe-Kakọta-Ike gbaru ono. Ọ bụru ndu Jiuda bụ iphe ono, ọ kụru iya ono, tụbaru iya l'ẹnya ono. O shi ele ẹnya mgbazi; ọ bụchiaru iphe, ọ hụmaru bụ mgbaghashị. O lee ẹnya apfụbekoto; ọ bụru iphe-aphụ bẹ ọ hụmaru.

Azáya 51:23

Mu e-woru iya pẹe ndu ono, anụ ngu aphụ ono, bụ ndu ono, sụru ngu-a: ‘Dabyiru kpube iphu l'alị; g'anyi bya eswee ngu godogodogodo!’ I woru okpurukpu ngu mee alị; mbụ mee ya; ọ dụ gẹ gbororo, nemadzụ eshi.”

Azáya 59:7

Ọkpa phẹ ekwoje gburumu bahụ l'eme iphe-ẹji. Ọphu egbu onye adụdu iphe, o meeru adụdu iphe, ọobujeru phẹ. Ọriri phẹ bụkota ẹjo ọriri. Mkpurupyata yẹe ọla-l'iswi bụru iphe, anọduje egoshi ụzo, ẹphe shiru.

Jieremaya 16:7

Ọ tọ dụdu onye a-tụru phẹ nri ụlo-ẹkwa. A taa tụduru iya nna; ọphu a-tụduru iya ne m'ẹphe -nwụhu; ọphu ọ dụdu onye evuru mẹe abya akpọru phẹ iphu.

Ebvu Aphụ 1:16

Ọo iphe ono meru g'o gude mu nọdu ara ẹkwa; mbụ ẹnya-mini nọdu alwa mu kẹ putuputu l'ẹnya. Ọphu ọ tọ dụdu onye nọ mu ntse, l'a-dụ mu obu; mbụ onye l'e-me g'obu guzeta mu. Ụnwegirima mu bụwaa nkịnyi; Noo kẹle ọhogu ono bẹ lwụ-kpewaru nụ.

Ebvu Aphụ 1:17

Mkpụkpu Zayọnu bẹ chiliwaru ẹka g'a gbaaru iya mkpu; Ọle ọ tọ dụdu onye l'a-dụ iya obu. Chipfu tụ-buwaru opfu ẹhu Jiékọpu g'ekemu; mbụ gẹ ndu bupheru iya mgburugburu bụkotaru ọhogu iya. Jierúsalẹmu bẹ bụakwaa iphe, aasọ nsọ l'echilabọ phẹ.

Ebvu Aphụ 1:2

Ẹnyashi ophu bẹ ọorakotaje ẹkwa akpọ pfụla pfụla. Ẹnya-mini, shi iya l'ẹnya sọshihu tsoru iya asha. Ndu yẹe ya dụkota lẹ ree ta adụdu mẹ onye ọphu abyajẹ bya adụa ya obu. Iphe, bụ ndu yẹe ya eshi ọ̀nyà bẹ dewaru iya ye. Ẹphe byawa abụkotaru ndu ọhogu iya.

Ebvu Aphụ 1:9

Emerwụshi ono, o merwushiru onwiya ono bẹ rakụwaru l'iphe, ọ nma l'upfu. Ọ tọ rịduru ọriri rị-vu ẹgube iphe, a-dapfuta iya nụ l'atatiphu. Ọo ya bụ; ọ daa darwua alị k'ọphu dụ biribiri; Ọphu ọ tọ dụdu onye dụa ya obu. Gụbe Chipfu; hụmanu ẹgube iphe-ẹhuka, mu eje; Ọhogu mu ono bẹ lwụ-kpewaru nụ!

Émọsu 3:10

Wakwa iphe, Chipfu epfu baa: “Ẹphe ta amadụ g'eemeje iphe, dụ ree. Ụlo phẹ, a kpụshiru ike bụ iphe, jiru iya nụ bụ iphe, a natarụ l'omeliwe; yẹe iphe, a narụ lẹ nfụ.”

Émọsu 3:9

Raa ya arara l'iphe, bụkpoo ụlo, a kpụru kpụshia ike lẹ mkpụkpu Ashịdodu yẹle ọphu nọ l'alị ndu Ijiputu sụ phẹ: “Unu je edzukọo onwunu l'úbvú úbvú alị Samériya hụma ùtsú, ada l'ime iya; yẹle mkpawere, eeme ndibe iya!”

Malakayi 2:13

“Ọ dụkwarupho ẹjo-iphe ọzo, unu emekwaphọ. Unu anọduje l'ọru-ngwẹja Chipfu raa ẹkwa; ẹnya-mini asọ l'eli ẹka ono gborogboro. Unu anọdu iya kwaa ẹkwa; chia mkpu; opfu lẹ Chileke ta aghajẹedu ẹnya lee l'ẹka unu nọ agwa iya; tẹme iphe, unu gude agwa iya bẹ ọ tọo nafụjeedu unu l'ẹka ililekpọo.

Malakayi 3:18

Noo teke unu a-hụma iphe, dụ iche l'ẹka ndu pfụberekoto yẹe ndu ẹjo-iphe nọ bụ ono. Unu ahụmakwapho iphe, dụ iche l'ẹka ndu ejeru Chileke ozi; yẹe ndu te ejeduru iya ozi nọ.”

Malakayi 3:5

Mbụ lẹ Chipfu, bụ Ọkalibe-Kakọta-Ike sụkwaru-a: “Mu akpịritaakwaru unu ntse abya ekpe ikpe. Mu e-mekwa ẹgwegwa bya atụa ndu-a jala; mbụ ndu agwọ nshi; mẹ ndu eri ogori; mẹ ndu akpapyabẹje iphe, ẹphe meru gụa ẹnwa; mẹ ndu abụjeru: e -jechaaru phẹ ozi; ẹphe apfụ-pete ndu jeru phẹ ozi ụgwo; mẹ ndu bụ ụnwanyi, ji phẹ anọedu yẹle ụnwu-ogbee, enwedu nna; bẹ ẹphe anọduje emekpa ẹhu; mẹ ndu ekpeje ndu byaru abyabya ikpe, apfụduru-ọto; yẹle iphe, bụ ndu ta atsụdu mu ebvu ililekpọo.”

Matiyu 26:56

Ọle iphemiphe-a mewaru k'ọphu iphe, ndu mpfuchiru Chileke deru l'ẹkwo-opfu Chileke aa-vụfutakota g'ẹphe pfuru iya.” Ndu etsoje iya nụ g'ẹphe ha parụ iya haa; gbakashịhu.

Ditoronomi 28:33

Ndu unu amadụ bẹ e-ri iphe, unu kọru l'opfu; mbụ iphe, unu setarụ l'akanya. Iphe, a-nọduepho etso unu kpoloko bụ mkpamẹhu; yẹe mkpawere mbọkumboku;

Ditoronomi 28:48

bẹ unu a-swị ẹgu nri; waa ẹgu mini; gbaru ọto; tẹme ụko iphemiphe adụru unu; unu ejeeru ndu ọhogu unu ozi; mbụ ndu ono, Chipfu e-ye g'ẹphe bya etsoo unu ọgu ono. L'o woru odogoro-ígwè nyabẹ unu l'olu; jasụ unu abụru mkpurupyata.

Jiemusu 5:4

Ndu jeru unu ozi ẹgu bẹ unu ta apfụduru ụgwo; aphụ, ẹphe agụ bẹ erwuakwa l'igwe. Tẹme mkpu kẹ ndu kpatarụ unu iphe, unu kọru l'opfu rwuakwaphọ nchị Chipfu, bụ Ọkalibe-Kakọta-ike ono.

Ikpe 4:3

Ọ gude kẹle o nweru ụgbo-ịnya, e meru l'ígwè; ụnu labọ l'ụkporo ise kpaa ndu Ízurẹlu owechọrochoro apha ụkporo. Tọbudu iya bụ; ndu Ízurẹlu raku nụ Chipfu g'ọ gbaaru phẹ mkpu.