Oziphe 3:8 - BAYỊBURU Izii

⁸ Teke eeye obu dụ; teke aadụ ashị dụkwapho. Teke aalwụ ọgu dụ; teke nchị-adụ-doo dụkwapho.

Oziphe 3:8 ပူးပေါင်းရင်းမြစ်များ

1 Ndu eze 5:4

Obenu lẹ nta-a bẹ Chipfu, bụ Chileke mu mewaru; nchị dụ mu doo l'ẹkameka; o to nwedu onye opfu dụru mu l'iya; ọphu ọ dụdu ẹjo-iphe, dapfutawaru mu nụ.

2 Ndu eze 9:22

Jióramu hụmaepho Jiehu bya ajịa ya sụ: “Jiehu; ?bụ-a k'ọma tọo?” Jiehu sụ: “?Dẹnu gẹ k'ọma e-shi dụ; l'ẹka ụrwuali; mẹ agwọ nshi ono, shi ne ngu, bụ Jiezebẹlu l'ẹka; kụtaru l'ikpo l'ikpo ẹgube-a?”

2 Iphe, ndu eze meru 19:2

Jiehu, bụ nwa Hanani; mbụ onye aphụje ọphulenya lụfu g'o je agba iya ndzuta. Ọ sụ eze, bụ Jiehoshafatu: “?Ọ gbaru kẹ g'i yetarụ onye ẹjo-iphe ẹka? ?Ọ gbaru g'i yee ndu kpọru Chipfu ashị obu? Eshi ọphu i meru nno; bẹ oke ẹhu-eghu Chipfu dapfutaakwaru ngu.

Ebvu-ọma 101:3

Ọ tọ dụdu ẹjo-iphe, mu bya ekwe g'o shisweta mu iphu. Umere ndu te etsodu ọkpobe opfu ono dụ mu ashị; ọphu mu ahadụ gẹ mu l'ẹphe rakụru.

Ebvu-ọma 105:25

O woru obu ndu ọhogu phẹ ono ghaphua. Ndibe Chipfu ono bya adụ ndu ono ashị. Ẹphe wata achịru ndu-ozi iya ono ẹjo idzu.

Ebvu-ọma 139:21

Iphe, bụ ndu kpọru gụbe Chipfu ashị bẹ mu kpọkwarupho ashị; tẹme iphe, bụkpoo ndu kwolihuru etso ngu opfu bẹ mu anọduje akpọ-yiru ukuvu.

Ẹkwo Ẹtu 13:5

Onye pfụberekoto bẹ iphe, aadzụ ụka adụje ashị. Obenu l'onye ẹjo-iphe bụ iphe-iphere yẹe mkparwụ bụ iphe, oomeje.

Ezekẹlu 16:8

“Mu ghatashịkwa ọzo bya elee ngu ẹnya hụma l'ị kajiwaru k'ala lẹ ji; ọo ya bụ; mu gude igburọnu ẹkwa mu phukpute ngu; mbụ gude iya gbochia ngu ọto, ị gba ono. Mu kwe ngu ukwe lẹ mu a-bụru nkengu; anyi lẹ ngu bya eworu ndzụ gbaa; ị bụru nkemu. Nokwa iphe, Nnajịuphu, bụ Chipfu epfu.

Luku 14:26

“Onye abyapfuta mu nụ; ọphu nna iya adụdu iya ashị; mẹ ne iya; mẹ nyee ya; mẹ ụnwu iya; mẹ unwune iya nwoke; mẹ kẹ nwanyị; mbụ je akpaa lẹ ndzụ iya; onye ono ta abyakwa etsokọta mu.

Efesọsu 3:19

g'unu makwaruphọ lẹ n-yemobu kẹ Kéreshi parụ ẹka; k'ọphu ọ dụdu onye abya iya amaẹberu. Ọo ya bụ g'aatụko gẹ Chileke gbaru; hụmagbukotakpoo l'ẹhu unu.

Efesọsu 5:25

Unubẹ unwoke, unu yeje nyee unu obu gẹ Kéreshi yeru Chịochi; woru ndzụ iya nụ opfu ẹhu Chịochi.

Tayitọsu 2:4

Ọo ya bụ; g'ẹphe eshi ẹgube ono zụa ụnwanyi ọphu bụkwadu nwẹpa g'iphe, ẹphe eme doje phẹ ẹnya; ẹphe eyeje ji phẹ waa ụnwegirima phẹ obu.

Jioshuwa 11:23

Ọo ya bụ lẹ Jioshuwa atụko alị ono l'ophu lwụtakota; mbụ ẹgube ono, Chipfu sụru Mósisu g'o mee ya. Ọ lwụtachaa ya; bya eworu iya keeru ụnwu Ízurẹlu l'ọkpa-ipfu l'ọkpa-ipfu; ọ bụru okiphe phẹ. E mechaa; alị ono kabẹ daa jii; haa alwụ ọgu.

Ọphulenya 2:2

Mu makọtakwaru iphemiphe, iimeje g'ọ ha; mu maru g'iijeshiberu ozi ike; bya amaru g'ịi taberu iphe nshi. Mu maru l'ị tị kwejedu gẹ ndu eme ẹjo-iphe shita ẹka ị nọ. L'ị hụchawaru iphe, bụ ndu ono, sụru l'ẹphe bụ ndu-ishi-ozi ono ama; mbụ ndu sụru l'ẹphe bụ ndu-ishi-ozi; l'ẹbe abụ l'ẹphe bụ iya; i shi ẹgube ono maru l'ẹphe bụ ndu ntuphu-ire.