Oziphe 3:4 - BAYỊBURU Izii

⁴ Teke aara ẹkwa dụ; teke aachị ọchi dụkwapho. Teke aagụ aphụ dụ; teke eete ebvu dụkwapho.

Oziphe 3:4 ပူးပေါင်းရင်းမြစ်များ

Mbụlembu 21:6

Sera sụ: “Chileke meakwaru gẹ mu chịa ọchi; tẹme iphe, bụkpoo onye nụmaru iya nụ bẹ mu l'iya a-tụko chịa ọchi.”

2 Sámẹlu 6:16

A nọdu apabata okpoko Chipfu ono lẹ mkpụkpu Dévidi; nwada Sọlu, ẹpha iya bụ Mikalu pyofu ẹnya lẹ windo; hụma eze, bụ Dévidi g'ọonma-lihuje anmalihu bya ete ebvu l'iphu Chipfu; ọ nmaa ya phulaphula l'ime obu iya.

Ebvu-ọma 30:11

Ẹkwa, mu rarụ bẹ ị gbanweru mee; mu teahaa ebvu. Ị bya eyefu mu uwe-aphụ, mu yeru; woru ẹhu-ụtso yee mu g'uwe.

Ebvu-ọma 30:5

Kẹle ẹhu te eghujedu iya eghu nọo ọdu. Obenu l'obu-ọmaa ya anọduje jasụ teke onye onoya l'a-nọ-beru. Ẹnya-mini bụ-a l'ẹnyashi bẹ aakwashịje iya; o -be l'ụtsu; ebvu ẹhu-ụtso adahaa.

Awụfu 15:20

Noo ya; Miriyamu, nwanyị, epfuchiru Chileke, bụ nwune Erọnu bya ewota nkwa; ụnwanyi l'ophu wụ-tsoru iya; akụ nkwa bya ete iya etete.

Oziphe 3:5

Teke eetuphashị mkpuma etuphashị dụ; teke aatụtukobe mkpuma atụtukobe dụkwapho. Teke aanma akpa dụ; teke eesela onwonye azụ dụkwapho.

Oziphe 7:14

Mbọku -dụru ngu ree bụ g'i tee ẹswa; teke mbọku dụkwanuru ngu ẹji g'ị nyatajẹ l'ọ kwaphọ Chileke meru mbọku ọma bya emee njọ mbọku. Ọo ya bụ l'ọ tọ dụdu onye maru iphe, a-nwụru iya nụ l'iphu.

Azáya 40:1

Unu dụnaa ndibe mu obu! Unu dụnaa phẹ obu! Nokwa iphe, Chileke unu pfuru bụ onoya.

Azáya 40:2

Unu pfunaa opfu bẹlebele yeru Jierúsalẹmu. Unu ranaa ya arara g'ọ maru l'ozi-ike ono, ooje ono bẹ bvụwaru nụ. L'a pfụwaru ụgwo ẹjo-iphe, o meshiru. L'ewere, Chipfu meru iya hawaa g'iphe-ẹji, o meru; mbụ l'ọ hawaa g'ọo ya ugbo labọ.

Matiyu 11:17

‘Nta bẹ anyi phụru unu ụpyi; ọphu unu ekwedu ete ebvu; anyi rwua erwubvu; ọphu unu ekwedu ara ẹkwa.’

Matiyu 9:15

Jizọsu sụ phẹ: “?Ndu byaru ekele-nwanyị a-gbẹ agụ aphụ l'ẹka ẹphe l'onye eme ekele-nwanyị nọkwadu l'ẹka-a? Ọle ọ dụkwaru teke ee-mechaa; l'a bya anafụ phẹ onye ono, eme ekele-nwanyị ono. Ọo ya bụ; ẹphe aswịwaro ẹgu.

Luku 1:58

Obutobu iya mẹ abụbu iya phẹ; nụma ẹgube gẹ Chileke phụ-beru iya obu-imemini; ẹphe bya; ẹphe l'iya tee ẹswa.

Romu 12:15

Ndu ọzo -nọdu ete ẹswa; unu tsojekwarụ phẹ tee ẹswa; ndu ọzo -nọdu ara ẹkwa; unu tsokwaru phẹ raa ẹkwa.

2 Kọrentu 7:10

Kẹle nggụmaphu ọphu dụ Chileke ree emeje g'izimanụ lwa nemadzụ azụ g'adzọo ya; ọphu atadụ onwonye ụta iya k'ono. O bekwanụ lẹ nggụmaphu k'ụnwu-eliphe l'egbu egbugbu.

Jiemusu 4:9

G'o rwua unu l'ẹhu; g'aphụ ji unu obu; unu kwashịa ẹnya-mini. G'achị ọchi bụru unu aphụ; g'ẹmereme bụru unu iphere.