Oziphe 3:3 - BAYỊBURU Izii

³ Teke eeme g'a nwụhu anwụhu dụ; teke eeme g'a ka mma l'iphe-ememe dụkwapho. Teke eetsukpọshi etsukpọshi dụ; teke aakpụ-li akpụ-li dụkwapho.

Oziphe 3:3 ပူးပေါင်းရင်းမြစ်များ

Mbụlembu 9:6

“Onye gburu nemadzụ bụkwapho nemadzụ bẹ e-gbu yẹbedua. Noo kẹle Chileke meru nemadzụ; ọ dụ g'ọ dụ.

Azáya 44:26

Opfu, onye ejeru mu ozi pfuru bẹ mu emeje g'ọ dụ g'o pfuru iya. Tẹme teke ndu epfuchiru mu nụ pfukwarụpho iphe; mu emee ya g'ẹphe pfuru iya; mbụ ndu pfuru opfu ẹhu Jierúsalẹmu sụ l'ee-mechakwaa buru iya eburu ọzo; bya epfukwaphọ opfu ẹhu mkpụkpu lẹ mkpụkpu, nọgbaa l'alị ndu Jiuda sụ l'ee-mechakwaa kpụkwachaa ya; mbụ l'emebyishi ono, e mebyishiru iya ono bẹ ya e-mechakwaa mekwata g'ọ dụ g'o shi dụ.

Azáya 6:10

Mee ndu-a g'ọkpoma nmaa phẹ agbadagba. L'iimee gẹ nchị nyị phẹ ẹrwa. L'iimee g'ẹnya nyịhu phẹ. Ọdumeka bẹ ẹphe e-gudekwa ẹnya phẹ hụma; gude nchị phẹ nụma; gude ọkpoma phẹ nwụta iphe; dakọbe bya l'eemee g'ẹphe wekọrohu.”

Jieremaya 1:10

Lekwa lẹ-a; ntanụ-a bẹ mu họtaru ngu dongoo ọhamoha l'ophu; bya edobe ngu dongoo iphe, bụkpoo alị-eze l'ophu; g'i pheshia epheshi; lakashịa alakashị; g'i mebyishia emebyishi; kwatsua iphe, dụ k'akwatsu; l'ị kpụa iphe, dụ k'akpụkpu; bya adzaa iphe, dụ k'adzadza.”

Jieremaya 31:28

Ọo gẹ mu eche phẹ nche; e pheshia phẹ; nwukpọshia phẹ; e mekpee phẹ; mebyishia phẹ; ẹphe laa l'iswi; nokwaphọ gẹ mu a-nọdu eche phẹ nche; aa-kpụkwa phẹ; dzaphu phẹ azụ. Nokwa iphe, Chipfu eepfu.

Jieremaya 33:6

“Ọle g'ọ dụhabe; mu e-wotaru phẹ ẹhu-ọdu-ike; mbụ mee g'ẹphe wekọrohu. Mu e-me g'ẹphe wekọrohu; mee g'ẹhu dụ phẹ guu dụ k'etsutsu iya; ọphu ọ dụedu iphe, byaru eme phẹ nụ.

Jieremaya 45:4

Chipfu sụru-a: “Waa iphe, ii-pfuru iya baa: ‘Wakwa iphe, Chipfu epfu baa: Mu a-bya enwukpọshia iphe, mu shi kpụa l'onwomu; mu abya epheshi iphe, mu shi dzaa l'onwomu l'alị-a mgburugburu.

Ezekẹlu 13:14

Mu e-nwutsushikọta igbulọ ono, unu teru penti-ọchaa ono; mbụ rwazekọta iya jasụ l'alị; k'ọphu bụ l'aa-hụmachaa ẹka a tụru ọkpa iya. Ọ -dakpọshihuepho ono bẹ unu a-bụkotaru mkpurupyata l'ime iya. Ọo ya bụ; g'unu amakwanụru l'ọo mbẹdua bụ Chipfu.

Hagayi 1:2

“Wakwa iphe, oopfu baa; mbụ Chipfu, bụ Ọkalibe-Kakọta-Ike: Ndu-a l'anọduje epfu sụ l'o toko rwudu teke aa-kpụkwa eze-ụlo kẹ Chipfu.”

Hagayi 1:4

“?Bụ nta-a bẹ ọ gbaru g'unubẹdua l'onwunu e-bugbaaru l'ụlo unu, a kpụru mee ya ọna; ụlo-a bụru okorobo ụlo g'ọ bụ-a?

Zekaraya 1:12

Tọbudu iya bụ; ojozi-imigwe kẹ Chipfu ono bya epfua sụ: “Gụbe Chipfu, bụ Ọkalibe-Kakọta-Ike; ?ịi-nọ-bekpọoru ị-nọ-be-agha tẹme l'ị phụaru Jierúsalẹmu obu-imemini; ẹphe lẹ mkpụkpu, nọgbaa lẹ Jiuda, bụ ndu ị tụ-koshiwaru ẹhu-eghu ngu e -shi k'ụkporo apha ẹto l'apha iri-a?”

Ditoronomi 32:39

Unu hụmakwa; ọ kwa mbẹdua kpoloko bụ Chileke! Ọ tọ dụekwa Chileke ọzo, dụ nụ; gbahaa mbẹdua. Ọ kwa mbẹdua emeje g'a nwụhu; tẹme mu nọdu emeje g'a nọdu ndzụ. Ọo mbẹdua emekajẹ iphe; ọ bụru mu emeje g'e wekọrohu; ọphu ọ dụdu onye adụ ike anafụ mu onye mu guderu.

1 Sámẹlu 2:25

Ọ -bụru lẹ nemadzụ mesweru nemadzụ ibiya bẹ bụkwa Chileke e-doshiru phẹ iya; ọle ọ -bụkwanuru l'ọo Chipfu bẹ nemadzụ mesweru; ?bụ onye a-gbaru nemadzụ ono ọdzori?” Ụnwegirima ibe iya ono nyịele-a nchị manụ l'opfu nna phẹ ono; noo kẹle Chipfu tụ-buwaru lẹ ya e-gbushi phẹ.

1 Sámẹlu 2:6

Ọo Chipfu adụje ike gbua egbugbu; ọ bụkwaru iya phọ emeje g'a dzụru ndzụ. Ọo ya bẹ enwubajẹ nemadzụ l'alị-maa; ọ bụkwaru iya phọ emeje g'e teta nọdu ndzụ.