Oziphe 3:2 - BAYỊBURU Izii

² Teke aanwụ nemadzụ anwụnwu dụ; teke aanwụhu anwụhu dụkwapho. Teke eemebe iphe l'alị dụ; teke aakpata iphe, e meberu l'alị akpata dụkwapho.

Oziphe 3:2 ပူးပေါင်းရင်းမြစ်များ

Mbụlembu 17:21

Ọle ọgbandzu mu bụkwanu mu lẹ Áyizaku bẹ a-gba iya nụ; mbụ onye ọphu Sera a-nwụtaru ngu ẹgube nta-a apha ọzo.”

Mbụlembu 47:29

O rwujeẹpho Ízurẹlu l'anwụhu; o kua nwa iya, bụ Jiósẹfu bya asụ iya: “Ọ -bụru l'i yeru mu obu; jiko chịnuru ẹka ye mu l'ehe riaru mu angụ; l'ii-goshi mu l'i yeru mu obu bya abụru onye apfụshije ike l'iphe, i pfuru; l'i tii lidu mu l'alị Ijiputu.

1 Ndu eze 13:2

Onye ono raa opfu ono, Chipfu pfuru ono arara kpua ọru-ngwẹja ono sụ: “Gụbe ọru-ngwẹja-a! Chipfu sụru-a: ‘Ee-mechaa nwụa nwa nwoke l'ọnulo Dévidi. Ẹpha iya a-bụru Jiosáya. Nwata ono bẹ e-gude ndu-uke ono, egweje ẹja l'eli ẹka ono, aagwajẹ iphe ono gwee ẹja; mbụ ndu ono, anọduje ngu l'eli akpọ ụ̀nwù-isẹnsu ọku ono. Ọkpu nemadzụ bẹ aakpọ ọku l'eli ngu!’ ”

2 Ndu eze 4:16

Elayịsha sụ: “Ẹgube nta-a apha ọzo bẹ l'ii-hewaru nwa nwoke l'ẹka.” Nwanyị ono sụ: “Waawaa; nnajịuphu mu; ba kabẹshinu dzụaru mu ụka gụbe onye kẹ Chileke.”

Jiobu 14:14

Mbụ-a; nemadzụ -nwụhuchaa; ?ọo-dzụru ndzụ ọzo? Mbụ eswe ujiku olemole-a, mu eje ozi mkpọnwu ẹhu-a bẹ mu gege angabẹepho g'o rwua eswe mbọku, ee-me mu gẹ mu dụ k'ọ̀phúú k'ọ̀phúú.

Jiobu 14:5

Eshinu a gụwaru eswe, nemadzụ a-nọ-beru ndzụ ọgu doberu iya; tẹme ị bya atụ-buwaru iya ọnwa ole, ọo-nọ l'eliphe-a; bya egoshiwa iya g'oo-jebejeru l'eliphe-a;

Jiobu 7:1

Nemadzụ ?tọ bụdu iphe, ọ byadoru eliphe, bụ ese akanya; mbụ lẹ ndzụ, ọ nọ dụepho gẹ ndzụ onye e butaru g'o jee ozi.

Ebvu-ọma 113:9

Nwanyị, ata atsụdu ime bẹ ọokwabeje ùbvù l'ibe ji iya; mbụ mee ya l'ọ bụru nwanyị, ẹhu dụ guu, nwụshiru ụnwu gẹ gụnu. G'ajaja bụru kẹ Chipfu.

Ebvu-ọma 52:5

Sụ-a; Chileke e-mebyishikwa ngu; mee ngu l'ị bụru mkpurupyata jasụru asụru. Oo-wofu ngu; mee ngu g'i ti buhẹ l'ibe ngu; l'o phefu ngu ephefu l'alị ndu nọ ndzụ.

Ẹkwo Ẹtu 24:27

Vukpọadaru ụzo jechaa ozi, dụru ngu l'etezi; L'ị bya ejeẹbekpoo ozi, dụru ngu l'ẹgu; tẹme l'ị watawarọ akpụ ụlo ngu.

Azáya 28:24

Teke onye akọje opfu akọshi ẹka ọo-nma iphe; ?ọonoduje akọepho ọkoro nno eje tọo? ?Bụ iphe, ọonodujeepho eme bụ egbukpọshi bẹ ọonodujeepho egbukọshi alị akpa iya ẹja eje tọo?

Azáya 38:1

Ọ bụru teke ono bẹ iphe-ememe guderu Hezekáya; k'ọphu bụ l'ọ nọwaa l'ọnu ọnwu. Onye mpfuchiru Chileke, bụ Azáya; nwa Emọzu bya ejepfu iya je asụ iya: Chipfu sụru-a: “Dozia ibe ngu ree; kẹle ịibyawa anwụhu; ị tịi kadụ mma.”

Azáya 38:5

“Je akaru Hezekáya lẹ-a: Waa iphe, o pfuru; mbụ Chipfu, mbụ Chileke kẹ nna ngu, bụ Dévidi: Mu nụmawaru epfupfu, i pfuru nụ mu; bya ahụmawaa ẹnya-mini, shi ngu l'ẹnya. Mu e-yekwafụa apha iri l'ise lẹ ndzụ ngu.

Azáya 54:1

“Gụa ebvu; gụbe nwanyị, ta atsụdu ime! Mbụ gụbe onye teke ezedaswee nwa. Chikpọta ebvu! Rwua gerwugerwu; mbụ gụbe onye ono, ime teke emeswee ono; kẹle ụnwu gụbe nwanyị, dabyiru mgbegere a-kakwa shii eme l'ụnwu nwanyị alụ ji.” Nokwa iphe, Chipfu eepfu.

Jieremaya 1:10

Lekwa lẹ-a; ntanụ-a bẹ mu họtaru ngu dongoo ọhamoha l'ophu; bya edobe ngu dongoo iphe, bụkpoo alị-eze l'ophu; g'i pheshia epheshi; lakashịa alakashị; g'i mebyishia emebyishi; kwatsua iphe, dụ k'akwatsu; l'ị kpụa iphe, dụ k'akpụkpu; bya adzaa iphe, dụ k'adzadza.”

Jieremaya 45:4

Chipfu sụru-a: “Waa iphe, ii-pfuru iya baa: ‘Wakwa iphe, Chipfu epfu baa: Mu a-bya enwukpọshia iphe, mu shi kpụa l'onwomu; mu abya epheshi iphe, mu shi dzaa l'onwomu l'alị-a mgburugburu.

Matiyu 13:41

Abụbu-Ndiphe e-zi ụnwu-ojozi-imigwe iya g'ẹphe chịshikotakpo iphe, bụ ndu ono, kpatarụ nwibe phẹ eme iphe-ẹji ono mẹ iphe, bụ ndu emeje ẹjo-iphe ọzo g'ẹphe hakọta;

Matiyu 15:13

Ọ sụ phẹ: “Iphe, bụkpoo oshi, ata bụdu Nna mu, nọ l'imigwe gude ẹka iya yee ya bẹ ee-phefukwa ephefu.

Luku 1:13

Ojozi ono sụ iya: “Gẹ ndzụ ba agụshi ngu Zakaráya; kẹle opfu, i pfuru nụ Chileke tụbawaru iya lẹ nchị. Nta-a bẹ Elízabetu, bụ nyee ngu l'a-nwụtaru ngu nwa-nwoke. Iphe, ịi-gụ iya bụ Jiọnu.

Luku 1:20

ọphu i kwetadụru l'opfu, mu pfuru bẹ a-vụ gẹ mu pfuru iya. Hụma ahụma; lẹ nta-a bẹ ọnu a-bụru ngu kpụrukudukuu. I tii pfubaẹdu opfu jasụ mbọku, iphemiphe-a a-vụkota. Opfu mu a-vụkotakwa l'o rwuberu iya.”

Luku 1:36

Tẹme; lekwa abụbu ngu, bụ Elízabetu tsụtafuakwaru ime nwoke lẹ nka-a. Ọnwa ọwa kweakwaa ya ọnwa ishii; mbụ onye ono, e shi eku onye ata tsụdu ime ono;

Jiọnu 16:21

Ọobujeru upfu watawaa eme nwanyị, dụ ime ẹhuka; ẹhu arwụhue ya phọ arwụhu; kẹle ọ mawaru l'o rwuwaru teke ya e-je iphe, a-tsụ iya l'ẹhu. O -zedachaẹpho; l'ọ zọhaa iphe-ẹhuka ono. Ẹhu awata iya atsọ ụtso; kẹle ọ nwụtaru nwa, l'a-nọdu lẹ mgboko.

Jiọnu 7:30

Ẹphe chọkashiahaa g'ẹphe e-me gude iya; ọle ọ tọ dụdu onye ọphu byiru iya ẹka; kẹle o toko ọ gbadụ iya l'anwụhu.

Ndu-ishi-ozi 7:17

“O betashiẹpho teke Chileke e-meru Ébirihamu iphe ono, o kweru iya ukwe iya ono; ndibe anyi, bu lẹ Ijiputu yekwawaa onwophẹ iphe; kawaa mebyikpọo shii.

Ndu-ishi-ozi 7:20

Noo teke a nwụru Mósisu bụ ono. Ọ bụru ẹguru nwata, dụ ree l'iphu Chileke. E hee ya l'ime ụlo ọnwa ẹto.

Galeshiya 4:4

Ọle o rwuru teke ọ gbaru; Chileke ye Nwa iya sụ g'ọ bya. Ọ bya abụru nemadzụ; nwanyị nwụa ya. Ọ bụru iphe, ekemu sụru g'e meje bẹ oomeje;

Ditoronomi 34:5

Ọo ya bụ; onye-ozi Chipfu ono, bụ Mósisu nwụhu l'ẹka ono l'alị ndu Mówabu; ẹgube Chipfu pfuru iya.

Hiburu 9:27

Iphe, dụru onyemonye bụ l'onyemonye nwụhufutaje akpọ lanụ; ọ nwụhuchaa; iphe ọzo, e-mefụanu bụ lẹ Chileke e-kpe iya ikpe.

1 Sámẹlu 2:5

Ndu rijiru ẹpho bẹ wowaru onwophẹ nụ l'opfu nri; obenu lẹ ndu ọphu m̀bà shi atụ bẹ ẹgu ta abyadụ agụbaa. Nwanyị ono, te eshidu atsụ ime bẹ nwụtawaru ụnwu ẹsaa; ọle onye ọphu nwụshiru ụnwu igwerigwe bẹ anwụpyashihuwaa anwụpyashihu.