Oziphe 3:14 - BAYỊBURU Izii

¹⁴ Iphe, mu maru bụ l'iphemiphe, Chileke eme a-nọ ojejoje. Ọ tọ dụdu iphe, ee-yekwa iya eyekwa; ọphu ọ dụdu iphe, ee-wofu iya ewofu. Iphe, o gude mee ya nno bụ g'amadụ hụmaje iya tsụa yẹbe Chileke ebvu.

Oziphe 3:14 ပူးပေါင်းရင်းမြစ်များ

2 Sámẹlu 22:31

Ụzo Chileke bẹ ntụcha adụdu m'ilile; opfu Chipfu bụkota ọkpobe opfu. Oogbobutaje ndu gbabarụ l'ime iya je anọdu ezeru ndzụ.

Ebvu-ọma 33:11

Obenu l'ìdzù ọphu Chipfu chịru l'adụje g'ọ chịru iya; jasụ l'ojejoje. Iphe, ọ tụberu k'ememe bẹ oomeje; l'o shi l'ọgbo sweru ọgbo.

Ebvu-ọma 64:9

Ndzụ e-rwuta amadụ l'ophu. Ẹphe e-pfukashịa iphe ono, Chileke meru ono; bya ebvuru shii rịa ya ọriri.

Ebvu-ọma 76:10

Ọo ya bụ l'ọobujeru; i -tukoshi ndiphe oke ẹhu-eghu ngu bẹ aagbẹjenu tuahaa ngu ẹpha. Nwa ndu ọphu ẹhu-eghu ngu ọbu haphodoru abụru ndu akpọ egomunggo ọkpolohu.

Ẹkwo Ẹtu 19:21

Amadụ enwejekwaru ikpoto iphe, ọonoduje arị k'ememe; obenu l'ọo ọphu Chipfu chịru dobe mefụtaje.

Ẹkwo Ẹtu 21:30

Ọ tọ dụkwa mmamiphe; ọzoo iphe edo ẹnya; ọzoo idzu, aachị achịchi, aa-sụ l'ọo g'e mee ya mebata Chipfu.

Ẹkwo Ẹtu 30:6

B'e yekwakwa iphe l'opfu iya. Ọdumeka bẹ ọo-bakwarụ ngu mba goshi ọha l'ị bụ onye adzụje ụka.

Oziphe 12:13

Nta-a bẹ a tụkowaru iphemiphe nụmakota. Waa iphe, bụ mkpọchi-ishi iya baa: Tsụje Chileke ebvu meje iphe, ọ sụru g'i mee; kẹle ọo ya bụ iphe, rwuberu amadụ l'ememe.

Oziphe 5:6

G'ọ tọ bụkwa iphe, i pfutaru l'ọnu e-duba ngu l'eme iphe-ẹji. Ọphu ị sụkwa onye eje ozi l'eze-ụlo Chileke l'iphe ono, i rifuru angụ iya ono bẹ ị tị madụ teke i pfuru iya. Ọdumeka bẹ ii-gudekwa ọnu pfuta iphe, e-ghu Chileke eghu; l'o mebyishia ẹguru iphe, i shihawaa mee.

Oziphe 5:7

Mbụ-a; arwọ ikpoto nrwọ; yẹe epfu ikpoto opfu tụkokwaru bụru iphe-mmanụ. Ọo ya bụ lẹ-a; tsụjeepho Chileke ebvu.

Oziphe 7:18

Iphe, ka ree bụ g'i gude ọphuu gude ọphuu; l'onye atsụ Chileke ebvu ta adụkwa iphe, o byiru ẹka te ekedụru nụ.

Azáya 46:10

Mu eshijeẹpho lẹ mbụ mee g'a maru iphe, a-bụru ikpazụ iphe. Mbụ lẹ mu anọdujero teke ndiche mee g'a maru iphe, eteke medu nụ. Mu sụru-a: Iphe, mu tụberu k'ememe bẹ mu mefụtajekwa. Tẹme ọ bụru iphe, dụ mu ree bẹ mu e-me.

Danẹlu 8:8

Mkpi ono bya apaa igiri igiri. Igiri iya ono panụkaepho ẹka; a kụ-kwofu eze mpu iya ono. Mpu ẹno ọzo, ha shii byaẹpho bya efuta l'ẹka eze mpu lanụ phọ shi dụ phọ. Mpu ono ẹphen'ẹno chịkotachaaru ọnu ghagbaa l'ụzo ẹka phẹrephere shigbaa ụzo ẹno, shi l'igwe.

Ndu-ishi-ozi 2:23

Ọle a kpụru iya nụ unu; unu shi l'ẹka ndu ta amadụ ekemu kpọpyabe iya l'oswebe woru iya pfụ-gbua. Iphe ono bụru iphe, Chileke mahawarụ bya achịhawaa ya l'ìdzù dobe.

Ndu-ishi-ozi 4:28

Obenu l'iphe ono tụkoru bụru g'ẹphe mee iphe, ị chịhawaru l'ìdzù l'o noo g'ee-me iya.

Ndu-ishi-ozi 5:39

Obenu l'o -shi Chileke l'ẹka bẹ unu taa dụkwa ike akpọshi iphe, ẹphe eme. L'o -shi Chileke l'ẹka bẹ unu e-mechakwaa hụma l'ọo Chileke ono l'onwiya bẹ unu etso ọgu.” Ndu-ikpe ono mee iphe, Gameliyẹlu pfuru.

Romu 11:36

Ọo ya meru iphemiphe. Ọ bụru iya bẹ iphemiphe shi l'ẹka iya dụ; ọ bụkwaru iya phọ bẹ iphemiphe, dụ dụ-doru. G'ajaja bụru kẹ Chileke jasụ lẹ tuutuutuu lẹ mịimiimii. Nokwa g'ọ dụ.

Efesọsu 3:11

Chileke tụkoru iphemiphe ono mee g'ọ rịru iya rọ l'edenwede. Ọ bụru onye o shi l'ẹka mee ya bụ Nnajịuphu anyi, bụ Kéreshi Jizọsu;

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

Tayitọsu 1:2

noo l'anyi ele ẹnya ndzụ ojejoje. Ndzụ ojejoje ono bẹ Chileke, onye ta adzụjedu ụka pfuhawarurọ tẹme mgboko dụ; sụ lẹ ya a-nụ anyi.

Jiemusu 1:17

Iphe, aanụ anụnu, dụ ree waa iphe-ọma, adụdu ẹka ntụcha dụ iya shikọta l'imigwe. O shi l'ẹka Nna kẹ ìphóró imigwe, bụ iya bụ Nna ọphu te echibuhujedu g'ẹnyanwu abụjeru o -chibuhu; ọchi agbaahaa-a.

Ọphulenya 15:4

Nnajịuphu; ?bụkpoo onye bụ onye a-sụ lẹ ya taa tsụdu ngu ebvu; ọphu ya taa akwabẹdu ẹpha ngu ùbvù? Ọ kwa ngu kpụrumu bụ onye dụ nsọ. Ọhamoha a-bya abaarụ ngu ẹja. Noo kẹle onyemonye hụma-dzuwaru iphemiphe, iime, pfụru ọto.”