Oziphe 3:11 - BAYỊBURU Izii

¹¹ O deru ẹnya lẹ mini mee iphemiphe; ọ nọdu l'ògè iya. Ọ bya emee amadụ g'ọ rịje k'ojejoje. Ọle amadụ ta adụdu ike maẹberu iphe, Chileke meru e -shi l'ishi jeye l'ẹka ọ bvụru.

Oziphe 3:11 ပူးပေါင်းရင်းမြစ်များ

Mbụlembu 1:31

Chileke bya elee ẹnya hụma iphemiphe, o meru. Ẹphe dụebekota rengurengu shii. Nchi jihu bya abọhu. Ono bụru mbọku k'ishii.

Jiobu 11:7

?Ịi-dụ ike chọkpoepho chọfuta iphe, dụ omilomi, nọ l'ime Chileke? ?Ịi-dụ ike vọkpoepho vọfuta ẹka Ọkalibe-kangokọtaru-nụ jeberu?

Jiobu 37:23

Ọ kwa iya bụ Ọkalibe-kangokọtaru-nụ; bụru onye ẹka anyi ta abyadụ erwu erwurwu ophu. Ọ parụ ẹka l'ike-ọkpu; mẹ l'ekpe ikpe, pfụru ọto. Apfụbekoto nkiya parụ ẹka; ọphu oomedu nemadzụ ewere.

Jiobu 5:9

Lẹ Chileke emeje iphe, dụgbaa biribiri, bụgbaa akpavu l'ishi; mbụ l'oomeje iphe, dụ ebvu igwerigwe kpọ.

Ebvu-ọma 104:24

Gụbe Chipfu; ozi, iijekọta bụkwa agụta agụta. Iphemiphe ono bụkotaru mmamiphe nkengu bẹ i gude mekọta iya; mbụ lẹ mgboko l'ophu bẹ iphe, jiru iya nụ bụkota iphe, i gude ẹka mee.

Ẹkwo Ẹtu 16:4

Iphemiphe, Chipfu meru bẹ o meru doberu onwiya; mbụ je akpaa lẹ ndu ẹjo-iphe bẹ o meru doberu eswe eze iphe-ẹhuka.

Oziphe 1:13

Mu woru ọkpoma zia l'egude mmamiphe chọo mẹkpoo nwụa iphemiphe, eemekpọo lẹ mkpula igwe-a. Ọ bụepho l'ọo akanya aphụ bẹ Chileke meru g'ụnwu-eliphe seje.

Oziphe 11:5

Ọo g'ị tị madụ ụzo, phẹrephere eshije; ọphu ị madụ gẹ nwaswa eshije kpụa l'ẹpho ne iya-a; bụkwapho g'iphe, Chileke eme tee dodu ngu ẹnya; mbụ Chileke, meru iphemiphe.

Oziphe 7:13

Leanarọ ẹnya l'ozi, Chileke eje. ?Bụ onye sụru eme iphe, Chileke meru o gbee nggọ g'ọ pfụru nhamụnha?

Oziphe 7:23

Iphemiphe ono bụkota mmamiphe bẹ mu gude hụa ya ama; mbụ lẹ mu sụru gẹ mu bya abụkpoerupho onye maru iphe. Obenu lẹ mu jeru iya ememe; ọphu mu asụdu iya.

Oziphe 7:29

Ọ bụru iphe, mu chọ-vuru kpoloko bụ lẹ Chileke meru nemadzụ g'ọ bụru onye obu gụru ìphóró. Obenu lẹ nemadzụ watarụ akpa ẹjo ụzo.”

Oziphe 8:17

bẹ mu byaru ahụma iphemiphe, Chileke meru; bya amaru l'ọ tọ dụdu onye iphemiphe, eme lẹ mkpula ẹnyanwu-a byaru edo ẹnya. Nemadzụ a-tụkokwa ike iya mekọta g'o doo ya ẹnya; ọle ọ tọ dụdu onye a-dụ ike arwavu iya l'ẹka. Onye mmamiphe -sụchakponu lẹ ya maru iya bẹ o too dokwanụ iya ẹnya ọkpobe edodo.

Matiyu 11:27

“Sụ-a; Nna mu yeakwaru mu iphemiphe l'ẹka. Ọ tọ dụkwa onye maru onye Nwa bụ; gbahaa Nna. Ọphu ọ dụkwa onye maru onye Nna bụ; gbahaa Nwa; ọzo onye Nwa iya ono kpuhaaru Nna iya ono goshi.

Matiyu 13:22

Ndu ọphu daru l'ẹka obvu dụ l'alị; bụ onye ọphu nụmaru opfu Chileke; ọle ọogba egomunggo ẹhu iya. Eyenụka obu l'ẹku batanụ bya akpaahaa opfu ono ẹhu. Ọphu ọ mịduru amịmi.

Maku 7:37

Ọ kwatakpọro tụfu phẹ ẹhu shii; ẹphe sụ: “Ha-o! ?Ọ kwa l'ị hụmaru g'oomekọtaje iphemiphe ree; mechaa mee g'onye nkụchi nụmaje iphe lẹ nchị; bya emee g'onye l'ete pfujedu opfu pfuahaa opfu.”

Romu 1:28

Sụ-a; eshinu ndiphe te ekwedu amaru iphe, bụ ọkpobe-opfu lẹ kẹ Chileke; Chileke parụ phẹ haa; ẹphe nọdu arịje ọriri, enwedu ishi; watanụ eme iphe, agbadụru phẹ nụ.

Romu 11:33

Ha-oo! nkwamẹnya yẹle mmamiphe kẹ Chileke pakwarụ omilomi. Ikpe, ookpeje ta adụkwa onye sụru iya amaẹberu; ẹbe ọ dụkwa onye sụru amakọtaru g'o meje iphe iya.

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.