Oziphe 2:6 - BAYỊBURU Izii

⁶ Mu bya atụshia okpuru, ee-gudeje agba mini l'oshi, mu yeshiru eyeshi.

Oziphe 2:6 ပူးပေါင်းရင်းမြစ်များ

Nehemaya 2:14

Mu bya eshi l'ẹka ono tụgbua shia ụzo Ọnu-abata Ẹnya-nwobvu; waa Okpuru Eze; ọle anụ, mu agba agbagba te nwedu ẹka oo-shi ghata.

Nehemaya 2:8

Dekwaaphọ ẹkwo-ozi ọphu mu a-nụ Asafu, bụ onye eleta ọswa eze ẹnya; g'ọ nụ mu oshi, mu e-gude mee mgbo ọnu-abata ụlo-mgbobuta eze-ụlo Chileke; mẹ oshi, mu e-gude mezia igbulọ mkpụkpu ono; mẹ ọphu mu e-gude mee ụlo, mu e-buru.” Iphemiphe, mu rwọru eze bẹ o mekọtaru mu; kẹle ẹka-ọma kẹ Chileke mu bẹ dụ mu l'ẹhu.

Nehemaya 3:15

Shalumu nwa Kọlu-Hoze, bụ onye-ishi ndu bu l'uswekete Mizupa bẹ bụ iya kpụkwaru Ọnu-abata Ẹnya-nwobvu. Ọ kpụru iya bya ekpua ya iphe l'eli; yeshia ya mgbo; mẹ iphe, e gude aswọ-chi iya aswọ-chi; mẹ mgbọrígwè. Ọ kpụkwakwarupho igbulọ Okpuru Shela, nọ lẹ mgboru mgbabu eze; kpụa ya fụta l'ẹka eeshije lẹ mkpụkpu Dévidi agbazeta.

Nehemaya 3:16

Onye kpụ-tsotaru iya nụ bụ Nehemaya nwa Azụbuku; onye bụ onye-ishi, nkeru-ẹbo uswekete Bẹtu-Zuru. Ọ kpụru nkiya je akpaa l'iphu ilu Dévidi; kpụa ya ọ fụta l'okpuru ono, e gude ẹka tụa ono; wafụa l'ẹka ndu ojọgu bu.

Ebvu-ọma 1:3

Onye ono dụ g'oshi, e yeru l'agụga nggele; ọ nọdu amị mebyi l'orwuberu iya; ọphu ẹkwo iya anwụlwashihujedu anwụlwashihu. Iphe, bụkpoo iphemiphe, oome abụjeeru iya phọ ụpete.

Ebvu Sólomọnu 7:4

Olu ngu dụ g'ụlo-eli, e meru l'eze-enyi. Ẹnya ngu ẹphenebo doru kẹ rịsaa g'okpuru mkpụkpu Hẹshibonu; mbụ ono, nọ-kube ọguzo Batu-Rabimu. Imi ngu degeru edegeru g'ụlo-eli Lébanọnu, gharu iphu lẹ mkpụkpu Damasụkosu.

Jieremaya 17:8

Onye ono a-dụ g'oshi, e yeru l'agụga mini, chịru ọgbarabvu iya ye lẹ nggele. Ọphu ndzụ agụjedu iya mẹ anwụ nọdu echi; ẹkwo iya anọdujeepho eji hirihiri tekenteke. Ọphu ọoyojedu ọshi mẹ ọkpa-nri dụ; ọphu ọ dụdu teke ọ tọ nọdujedu amị mebyi.