Oziphe 2:5 - BAYỊBURU Izii

⁵ Mu bya agbashịa mgbabu; bya akpụshia ẹka atụta ìphóró ye iya; bya eshi ishi lanụ yeshia oshi-ọmi, dụgbaa l'ụdu iya l'ụdu iya l'ime iya.

Oziphe 2:5 ပူးပေါင်းရင်းမြစ်များ

Nehemaya 2:8

Dekwaaphọ ẹkwo-ozi ọphu mu a-nụ Asafu, bụ onye eleta ọswa eze ẹnya; g'ọ nụ mu oshi, mu e-gude mee mgbo ọnu-abata ụlo-mgbobuta eze-ụlo Chileke; mẹ oshi, mu e-gude mezia igbulọ mkpụkpu ono; mẹ ọphu mu e-gude mee ụlo, mu e-buru.” Iphemiphe, mu rwọru eze bẹ o mekọtaru mu; kẹle ẹka-ọma kẹ Chileke mu bẹ dụ mu l'ẹhu.

Ebvu Sólomọnu 4:12

Gụbe onye bụ nwanyị, mu lụru k'ọ̀phúú; bya abụru nwune mu; ị dụepho gẹ mgbabu, a tụ-chiru atụ-chi. Ị dụ g'òbvú, anwụshi mini, e kpuberu iphe; mbụ g'ọgba-mini, a dọberu iphe.

Ebvu Sólomọnu 4:13

Ụdara, amịshi akpụru, dụ ree bụ iphe, jiru mgbabu ngu. Oshi hena; mẹ nadụ jikwaphọ mgbabu ngu ono ejiji.

Ebvu Sólomọnu 4:16

Gụbe phẹrephere ụzo isheli; tehu etehu! Watanụ ezizi; gụbe phẹrephere ọphu shi l'ụzo ndọhali! Unu bya ezia lẹ mgbabu mu-a; gẹ mkpọ iya atụko mgboko vọo pfurupfuru! Jiko batanu lẹ mgbabu ngu gụbe onye mu yeru obu; bya awọta akpụru-iphe, a kụru iya ọphu kachaa ree ria.

Ebvu Sólomọnu 5:1

Gụbe nwanyị, mu lụru k'ọ̀phúú; bya abụru nwune mu; mu bataakwaru lẹ mgbabu mu ono. Mu hekọakwaru ụ̀nwù mẹru mu; mẹwaro ụ̀nwù ọzo, eshigbaa kwẹekweekwee. Mu riakwaru manụ-ẹnwu mu; yẹe ẹbakala iya. Mẹe mu; yẹe mini ẹra-eswi mu bẹ mu ngụakwaru. Unu ria ngụa; unubẹ ndu ọ̀nyà! Unu ngụa ngụta ike unu; unubẹ ndu yeru onwunu obu!

Ebvu Sólomọnu 6:2

Onye mu yeru obu jeru lẹ mgbabu iya; mbụ l'ẹka ọ dzashịru iphe, eshi mkpọ. O jeru eche atụru iya lẹ mgbabu ono; tẹme l'oomekọkwapho ojimbvu.

Jieremaya 39:4

O be gẹ Zedekaya, bụ eze ndu Jiuda yẹe ndu ojọgu iya l'ophu hụmaru phẹ; ẹphe ye ọkpa l'ọso gbalaaha. Ẹphe gude ẹnyashi wụfu lẹ mkpụkpu ono. Ẹka ẹphe shiru gbalaa bụ l'ọnu ọguzo ono, dụ lẹ mgbaka igbulọ labọ ono, dụ lẹ mgboru mgbabu eze. Ọ bụru ẹka ẹphe shiru bụ ụzo nsụda Araba.