Oziphe 2:23 - BAYỊBURU Izii

²³ Kẹle anọno, ọ nọ ndzụ l'ophu bẹ ọ nọkota iya eje iphe-ẹhuka; ozi, ooje nọdu abụjeru aphụ dụru iya; o -be l'ẹnyashi; egomunggo ta anọdudu iya l'ẹka lanụ. Sụ-a; iphemiphe ono tụkokwaru bụru iphe-mmanụ.

Oziphe 2:23 ပူးပေါင်းရင်းမြစ်များ

Mbụlembu 3:17

Ọ sụ nwoke ono: “Eshi ọphu i kwetarụ ngabẹru nyee ngu nchị je eria akpụru oshi ono, mu sụru g'i ti rikwa ono bẹ I meakwaru; alị bụwaru iphe, mu tụru ọnu. Ii-jeje ozi mkpọnwu ẹhu tẹme l'i seta nri, ii-ri. Ọ bụru g'ii-je iya bụ ono gbiriri jasụ g'ịi-nọ-beru.

Mbụlembu 47:9

Jiékọpu sụ Fero: “Apha, mu nọwaru lẹ mgboko bẹ rwuakwaru ụkporo apha ishii l'apha iri. Apha, mu nọwaru hakwa nwanshịi; ọle ọo ẹpho iphe-ẹhuka bẹ mu gude ejeje; ọ nọdu eme gẹ mu ta nọ-rwu gẹ ndiche mu phẹ nọ-rwuru lẹ mgboko.”

Ẹsuta 6:1

O be l'ẹnyashi mbọku ono; ọphu mgbẹnya te ekwedu atụ eze; o zia g'e je ewotaru iya ẹkwo akọ iphe, e deru iphe, anwụ l'alị-eze iya. A bya agụaru iya ya.

Jiobu 14:1

Nemadzụ, nwanyị nwụru-a bẹ eswe ndzụ iya adụdu igwerigwe. Tẹme ọ bụerupho iphe-ẹhuka bụ iphe, jiru iya nụ.

Jiobu 5:7

Ọle ọ bụ; nemadzụ bẹ a nwụkwaru ye l'eje iphe-ẹhuka ẹgube-a, ẹkoroku bụ: ọ -gbaa l'o phelihu-a.

Ebvu-ọma 127:2

Ọ tụkoru bụru kẹ mmanụ bẹ iitehuje lẹ nchi-abọhu; laa l'ụlo l'echi abalị; ẹka iise akanya nri, ii-ri; kẹle ndu Chipfu yeru obu azẹjekwaduro lẹ mgbẹnya; l'o wotawaru phẹ iphe, ẹphe e-ri.

Ebvu-ọma 32:4

Kẹle eswe l'ẹnyashi bẹ ịinoduje ada mu ẹka l'ẹhu. I shi ẹgube ono mịchatachaa nwike, dụ mu nụ g'onye ụguru guderu.

Ebvu-ọma 90:15

Menaa g'ẹhu tsọo anyi ụtso tsọ-rwua g'ẹhu shi dụ-beru anyi ẹji; mbụ g'i mee; ẹhu atsọo anyi ụtso g'apha, anyi jeru iphe-ẹhuka ha.

Oziphe 1:13

Mu woru ọkpoma zia l'egude mmamiphe chọo mẹkpoo nwụa iphemiphe, eemekpọo lẹ mkpula igwe-a. Ọ bụepho l'ọo akanya aphụ bẹ Chileke meru g'ụnwu-eliphe seje.

Oziphe 1:18

kẹle oke mmamiphe bẹ oke nggụmaphu tso l'azụ; mbụ lẹ nemadzụ -nọdu aka amaru iphe; iphe, a-nọdu akpatsu iya aphụ aka shii.

Oziphe 2:11

Ọle ọ bụ; teke mu byaru bya egbua igo l'iphemiphe ono, mu gude ẹka mu mekọta ono; mbụkpoo iphe ono, mu sekọtaru akanya iya ono; mu maru l'iphemiphe ono bụkota iphe-mmanụ yẹe achị phẹrephere ọso; l'ọ tọ dụdu urwu, nemadzụ ritaru lẹ mkpula ẹnyanwu-a.

Oziphe 5:12

Onye ese akanya bẹ mgbẹnya atsọjekwa ụtso; ?mẹ o riru nri shii; ?mẹ o riru nwanshịi. Obenu l'oke ẹku, onye nweru iphe kparụ arwụje iya mgbẹnya.

Oziphe 5:17

yẹe anọno, ọ nọkotaru l'ọchii l'eliphe-a mgburugburu takọta kpọokpookpo; bya atsụkota pfụpfupfu; tẹme e mekọta iya iphe ẹhu-eghu?

Oziphe 8:16

Teke mu shi woru egomunggo mu zia l'amarụ iphe, bụ mmamiphe yẹe ele ẹnya l'akanya, amadụ ese l'eliphe-a; mbụ l'akanya, oosekọtaje eswe l'ẹnyashi; mgbẹnya te eshitadụ iya ẹnya;

Danẹlu 6:18

Eze tụgbua; ọ bụru iya ala ibe iya. Ọ nọkota ẹnyashi ono; ọphu o riduru nri; ọphu ọ dụdu onye kụru nkwa kpengu l'iphu iya k'eeme iya ẹhu-ụtso. Ọphu ọ dụdu ike kuru mgbẹnya.

Ndu-ishi-ozi 14:22

Ẹphe je je emee g'ọkpoma shihu ndu kẹ Kéreshi, nọ l'ẹka ono ike. Ẹphe bya eyeru phẹ ọkpu-ikike g'ẹphe nọshikpoekwapho ike l'iphe ono, ẹphe kwetarụ onoya. Ẹphe nọdu ezi ndu ono l'ẹkameka, ẹphe jekpọoru sụ: “Unu makwarụ l'anyi jefụtaje iphe-ẹhuka, dụ igwerigwe; tẹme anyi abahụ l'ẹka Chileke bụ eze.”