Oziphe 2:14 - BAYỊBURU Izii

¹⁴ L'onye maru iphe gude ẹnya aphụ ụzo; obenu l'onye-eswe anọduje erwu ije orwu l'ishi. Mu hụmakwanu l'ẹphenebo ono a-tụko laa l'ite lanụ. L'ọo iphe, meru onye mmamiphe bụkwapho iphe, e-me onye-eswe.

Oziphe 2:14 ပူးပေါင်းရင်းမြစ်များ

Ebvu-ọma 19:10

Ọ ka mkpọla-ododo agụ ẹgu; gẹ mkpọla-ododo ono adụhabe ree. Tẹme ọ tsọhaa manụ-ẹnwu l'ụtso; m'o rwuhaa ọ bụru ẹbakala-ẹnwu.

Ebvu-ọma 49:10

Onyemonye eleanaa lẹ ndu mmamiphe anwụshihujechaa. Ndu eswe mẹ ndu eme bẹebeebee nọdu abahụjechaa l'ilu. G'ẹphe ha atụkoje woru ẹku phẹ haarụ ndu ọzo.

Ebvu-ọma 49:11

Iphe, ẹphe anọduje arị bụ l'ẹphe a-nọ jasụ l'ojejoje; l'unuphu phẹ a-bụru oje-lẹ-nwanwa; ẹphe ewochaaru ẹpha phẹ gụshia alị-ihe phẹ.

Ẹkwo Ẹtu 14:8

Onye nweru egomunggo bẹ bụ iphe, egoshije l'ọ maru iphe bụ l'ụzo, ooshi edoje iya ẹnya. Obenu l'iphe, egoshije l'onye-eswe bụ ọmata bụ l'oogudeje ụghoshi eme iphemiphe.

Ẹkwo Ẹtu 17:24

Onye iphe edoje ẹnya ree bụ mmamiphe bẹ oodobeje l'egomunggo. Obenu l'ọmata bẹ ẹnya iya ejerwuje ẹka igwe beru alị beru.

Oziphe 2:16

Noo l'ọo g'ọo-dụ onye mmamiphe bụkwapho g'ọo-dụ onye-eswe. Ọ tọ dụdu g'aa-nọ-beru l'a nyatabuhu onye maru iphe; ọphu ọ dụkwapho g'aa-nọ-beru l'a nyatabuhukwaphọ onye-eswe. Mu bya ahụmakwapho l'e -rwua l'atatiphu bẹ aa-tụko g'ẹphe ha zọhakota azọha. L'ọo g'anwụhu e-gbu onye maru iphe bụ g'oo-gbu onye-eswe.

Oziphe 3:19

Ọo iphe, eme nemadzụ emekwaphọ anụ-ẹgbudu; mbụ l'ọo iphe, swiru anụ-ẹgbudu swiru nemadzụ. Ọo g'ọnwu egbu ọphuu bụ g'oogbu ọphuu; ọ bụru g'ọphuu atụ unme bụ g'ọphuu atụ. Ọ tọ dụdu iphe, nemadzụ nweru gude ka anụ-ẹgbudu. Iphemiphe tụkoru bụru iphe-mmanụ.

Oziphe 6:6

m'obetakpọkwaru nwoke ono nọo ndzụ nọghata ụnu apha ise; l'ẹbe o ri ẹku, o setarụ. Noo kẹle ọo l'ẹka lanụ bẹ ẹphe tụkoru ala.

Oziphe 6:8

?Bụ gụnu bẹ onye maru iphe gude ka onye-eswe? ?Bụ urwu gụnu bẹ onye ụkpa ritaru l'amarụ g'eeme umere, dụ ree l'iphu ndiphe?

Oziphe 7:2

Eje l'unuphu, agalaba nwụru kakwa ree eme l'eje ẹka aabọ iphe. Noo kẹle anwụhu bụ iphe, nọ swiru onyemonye. Gẹ ndu ọphu nọ ndzụ nyatajẹkwa l'ọo-dụkwaphe phọ nno.

Oziphe 8:1

?Bụ onye a-sụ lẹ ya maru iphe? ?Bụ onye bẹ iphemiphe doru ẹnya? L'ọ kwa mmamiphe emeje g'iphu tụsahu nemadzụ; mbụ l'oomeje g'iphu gbapfụbe-buhu nemadzụ agbapfụbe.

Oziphe 9:11

Sụ-a; mu hụmakwarupho iphe ọzo lẹ mkpula ẹnyanwu-a. Ọ tọ bụdu onye ka ọso agbatajẹ ọso; ọphu ọ bụdu onye ọkpehu ka bẹ alwụkpeje l'ọgu. Tẹme ọphu ọ bụdu onye maru ẹkwo kachaa enweru nri; ọphu ọ bụdu onye maru iphe kachaa enweru iphe; ọphu ọ bụdu onye kachaa amaru ẹkwo bẹ eemejeru iphe-ọma. G'ẹphe ha bẹ ẹso yẹe ẹheni tụkoru etsokọta.

Oziphe 9:16

Ọ bụru iphe ono meru g'o gude mu sụ lẹ mmamiphe kakwa ọkpehu ree. Ọle onye ụkpa bẹ a taa gụbejedu mmamiphe nkiya iphe; ọphu ọ dụdu onye angajẹ nchị l'opfu iya.

1 Jiọnu 2:11

Obenu l'onye nwanna iya dụ ashị nọ l'ọchii ono; tẹme ọ nọdu eje daadishi l'ọchii; ọphu ọ madụ ẹka ooje; kẹle ọchii ono mewaru ẹnya gbahụkota onye ono tsụkiribaa.