Oziphe 12:7 - BAYỊBURU Izii

⁷ Noo teke ogwẹhu, bụ ẹja alị a-laphu azụ l'ẹja alị ẹka o shi; unme ndzụ alapfu Chileke onye nụru iya nụ.

Oziphe 12:7 ပူးပေါင်းရင်းမြစ်များ

Mbụlembu 18:27

Ébirihamu pfukwa ọzo sụ: “Eshinu mu gbẹnu kerebewanụ k'epfu anụ Nnajịuphu l'ẹbe adụ iphe, mu bụ gbahaa urwuku yẹle ntụ;

Mbụlembu 2:7

Ọo ya bụ; Chipfu, bụ Chileke bya egude ẹja, shi l'alị kpụa nemadzụ; bya ekuru unme ndzụ ye iya l'imi; onye ono bya abụru onye dzụ ndzụ.

Mbụlembu 3:19

Ịi-kụta ẹphuru phee tẹme l'i ria nri; gbiriri jasụ ị laphu azụ l'alị; eshi ọphu ọ bụ ẹja shi l'alị bẹ i shi. Ọo ẹja shi l'alị bẹ ị bụ; ọ bụkwarupho l'ẹja shi l'alị ono bẹ ịi-laphu azụ.”

Jiobu 20:11

Ọkpehu ọkpehu ono, o shi eme k'okorọbya ono etsoru iya bụru wurumu l'ilu.

Jiobu 7:21

?Dẹnukpoo g'o gude ọphu ị kabẹkpodaa gụaru mu nvụ l'ẹka mu meswekpọoru; mbụ pawarụnu haa l'ẹjo-iphe ọbu, mu eme ọbu; kẹle ọ tọ dụkwa g'ọo-nọ-beru l'e kpochia mu ẹja. L'ị chọo mu nta chọo imo; ị tịi hụmaedu mu.”

Ebvu-ọma 103:14

Kẹle ọo ya maru g'e gude mee anyi. Ọonyataje l'ọo urwuku mmanụ bẹ anyi bụ.

Ebvu-ọma 104:29

Teke i domiru phẹ iphu ngu; ndzụ-agụgu erwuta phẹ. Teke ị natarụ phẹ unme, ẹphe atụ; ẹphe anwụhu bụru ẹja alị.

Ebvu-ọma 146:4

Ndu abụjeru; unme, nọ phẹ l'ime -phefuwa; ẹphe alaphu azụ je abụru ẹja. Ọ bụru mbọku ono gẹdegede bẹ iphe, ẹphe chịru idzu ememe abvụkotaje.

Ebvu-ọma 31:6

Ndu akpọjeru obu yeru ọla-l'iswi ono, bụ agwa adụjekwa mu ashị. Onye mbẹdua dakoberu bụkwa Chipfu.

Ebvu-ọma 90:3

Nemadzụ bẹ iizije g'ọ laphu azụ l'alị. Ịisuje iya: “Unu laphu azụ l'alị; unubẹ ụnwu-eliphe!”

Azáya 57:16

Mu taa nọduadaro l'epfu iphe, e meru mu jasụwaruro ya; ọphu ẹhu a-nọduadaro eghu mu eghu; ọdumeka bẹ ndzụ nemadzụ a-dụkwa nyẹgenyege l'iphu mu; mbụ unme nemadzụ, bụ mu gude ẹka mu mee ya dobe.

Jieremaya 38:16

Zedekaya ribuaru Jieremaya angụ lẹ mpya sụ iya: “Eshinu Chipfu nọ ndzụ g'ọ nọ iya-a, bụ onye meru anyi nọdu atụ unme; mu tee gbukwa ngu; ọphu mu akpụkwaru ngu eye l'ẹka ndu achọ ndzụ ngu.”

Danẹlu 12:2

Ikpoto ndu kuwaru mgbẹnya; mbụ ndu e kpochiwaru ẹja, dụ l'alị e-tetachaa. O nweru ndu ọphu e-teta jeshia anọdu ndzụ ojejoje; ndu ọphuu eteta eteta iphere bụru ndu aa-nọdu asọ oyi jasụ l'ojejoje.

Zekaraya 12:1

Wakwa ozi, Chipfu ziru zidoru ndu Ízurẹlu; mbụ Chipfu, onye bụ iya tọsaru akpaminigwe; tẹme ọ bụru iya tọru ọkpa mgboko l'ophu; bya abụru iya kuru unme ye nemadzụ l'ẹhu.

Ọ́gú 16:22

Mósisu yẹle Erọnu daa; kpube iphu l'alị chishia sụ: “Oowaa! Gụbe Chileke; mbụ Chileke bụ ishi ndzụ iphe, bụ nemadzụ l'ophu; ?ii-gude k'iphe-ẹji, onye lanụ metaru tụ-koshi ọha l'ophu oke ẹhu-eghu ngu tọo?”

Ọ́gú 27:16

“Gẹ Chipfu; mbụ Chileke ọphu gude ndzụ onyemonye họta nụ onye a-nọdu edu ndu Ízurẹlu.

Luku 23:46

Jizọsu chia mkpu sụ: “Nna; mu yeru ngu Unme mu l'ẹka.” O pfuchaa nno bya atubuhu unme; ọ bụru iya anwụhu.

Ndu-ishi-ozi 7:59

A nọdu atụ iya mkpuma ono; o kua Chileke sụ: “Nnajịuphu, bụ Jizọsu; natakwa ndzụ mu!”

Hiburu 12:23

Ẹka unu byaru bụkwa ẹka ụnwu Chileke, o dobekọtawaru l'ọnodu ọkpara dzukọru; mbụ ndu e deru ẹpha phẹ l'ẹkwo l'imigwe. Unu byapfutawaru Chileke; onye bụ iya e-kpe onyemonye ikpe. Ndu unu byapfutaru bụ ndu nwụhuhawaru nụ, pfụberekoto; ndu Chileke meru g'ẹphe dụebe ree l'iphu iya.

Hiburu 12:9

Ọobujeru; nna anyi l'eliphe-a -nọdu echi anyi iphe; anyi eyelẹru phẹ-a nsọ. ?Bụchia Nna anyi ọphu nọ l'imigwe bẹ anyi ta akabadaa eworu onwanyi nụ g'anyi eshi ẹgube ono nweru ndzụ.