Oziphe 12:14 - BAYỊBURU Izii

¹⁴ Kẹle iphemiphe, nemadzụ eme bẹ Chileke e-mechakwaa kpee ya ikpe iya; mẹkpoo iphemiphe, nemadzụ mekọtaru l'edomi; mẹ ndu ọphu dụ ree; mẹ ndu ọphu dụ ẹji.

Oziphe 12:14 ပူးပေါင်းရင်းမြစ်များ

Jiobu 19:29

Unu tsụnapho ogu-echi Chileke ebvu; unubẹdua l'onwunu; kẹle oke ẹhu-eghu bụkwa ogu-echi bẹ oowotajẹru nemadzụ. Ọ bụru teke ono bẹ unu a-maru l'ikpe dụ.”

Ebvu-ọma 50:21

Iphemiphe ono bẹ i mekọtaru; mu nọduele-a nggujingguji. Ị gbẹ dobesụwanu lẹ mu lẹ ngu bụ iphe lanụ. Ọle mu a-bakwanụru ngu mba iya; tụa ngu ẹjo-iphe ono, l'iime ono jalaa l'iphu.”

Ebvu-ọma 90:8

Ẹjo-iphe, anyi meshiru bẹ ị kpọru giriri l'iphu ngu. Ị bya atụko iphe-ẹji, anyi meru lẹ mpya mee; ọ dabyikọtaru ẹba l'atatiphu ngu.

Ebvu-ọma 96:13

Ẹphe a-nọdu l'iphu Chipfu gụa ebvu kẹle ọobyawaa ekpe ụnwu-eliphe ikpe. Oo-gude apfụbekoto iya kpee mgboko l'ophu ikpe; bya egude ire-lanụ kpee ndiphe ikpe.

Oziphe 11:9

G'ẹhu tsọje ngu ụtso; gụbe nwokorọbya; teke ị bụ okorọbya. Tejekwa ẹswa teke ẹhu nwata dụkwadu ngu. Iphe, ịi-nọdu etso bụ iphe, obu ngu pfuru ngu; yẹe iphe, i gude ẹnya ngu hụma. Ọle ọo g'ị nyatakwa l'iphemiphe ono bẹ Chileke e-mechakwaa kpee ngu ikpe iya.

Oziphe 3:17

Mu bya arịa l'ime obu mu sụ: “Chileke e-mechakwaa tụko ndu pfụberekoto mẹ ndu ẹjo-iphe kpee ikpe; kẹle iphemiphe nweru ògè; mbụ l'iphemiphe, eeme ememe nweru ògè teke eemeje iya.”

Matiyu 10:26

“Ọo ya bụ lẹ-a; unu ta atsụjekwa phẹ ebvu. L'ọ tọ dụkwa iphe, e kpuchiru ekpuchi g'e te mechaa kpuhaa ya; ọphu ọ dụkwa iphe, e meru l'edomi g'e te mechaa madzuru iya.

Matiyu 12:36

“Gẹ mu karụ unu: mbọku ikpe Chileke bẹ Chileke e-kpekwa onyemonye ikpe mkpọkoro opfu, o pfujekpọoru.

Jiọnu 5:29

shi l'ilu phẹ fụtachaa. Ndu ọphu shi eme iphe, dụ ree eteta dzụru ndzụ; ndu ọphu shi eme ẹjo-iphe etetakwaphọ g'a nma phẹ ikpe.

Romu 2:16

Mbọku ono, Chileke e-kpe ikpe ono bẹ ọo-gbẹ Kéreshi Jizọsu l'ẹka kpee nemadzụ ikpe iphe, nemadzụ arịje domia l'ọkpoma iya. Noo iphe, ozi-ọma ono, mu anọduje ezi onoya pfuru.

1 Kọrentu 4:5

Ọo ya bụ g'unu ta adụshi onye unu a-nọdu anmawa ikpe l'ẹbe 'oko rwu teke aa-nma ikpe; ikpe bụ teke Nnajịuphu a-bya; l'o kpee ya. Noo teke oo-wofuta iphe, e shi domia l'ọchii bya edobe l'ìphóró; l'ọ bya eworu iphe, amadụ chịru k'ememe, bụ iphe, dụ iya l'ọkpoma; woru tụa jala. Noo teke Chileke a-ja onyemonye ajaja, rwuberu iya nụ.

2 Kọrentu 5:10

Lẹ g'anyi hakọtakpoo; byafụtajekwa bya apfụru l'iphu Kéreshi mẹ ọ -byaẹpho ekpe ikpe. Ọo ya bụ; g'onyenọnu a-nata iphe, rwuberu iya nụ; m'ọ bụ k'ọma-o; m'ọ bụ ẹjo iya-o; onyenọnu anata ụgwo iphe, o meru teke ọ nọ ndzụ lẹ mgboko-a.