Oziphe 12:10 - BAYỊBURU Izii

¹⁰ O-zì-iphe ono tọru nwẹhu họo opfu, rwuberu l'epfupfu ahọho; k'ọphu bụ l'iphe, o deru pfụru nhamụnha bya abụru ọkpobe opfu.

Oziphe 12:10 ပူးပေါင်းရင်းမြစ်များ

Ẹkwo Ẹtu 10:32

Ọnu onye pfụberekoto maru iphe, bụ: e -pfua ya l'ọ dụ nhamụnha. Obenu l'ọnu onye ẹjo-iphe bụ iphe, ọ maru kpoloko bụ iphe, dụ nggọdogo nggọdogo.

Ẹkwo Ẹtu 15:23

Amadụ bẹ ẹhu atsọje ụtso mẹ o -yee ọnu l'opfu ree. Mbụ lẹ-a; l'ọnu, e yeru l'o rwuberu iya atsọje rịkpotoo.

Ẹkwo Ẹtu 15:26

Ọriri, onye ẹjo-iphe rịru abụjeru Chipfu ẹjo ẹbyi. Obenu l'ọphu ndu dụebe ree rịru atsọje iya ụtso.

Oziphe 1:1

Ọwa-a bụ olu O-zì-iphe; mbụ nwa Dévidi, bụ eze lẹ Jierúsalẹmu.

Oziphe 1:12

Sụ-a; mbẹdua, bụ O-zì-iphe-a shi buru lẹ Jierúsalẹmu bụru eze ndu Ízurẹlu.

Jiọnu 3:11

Sụ-a; gẹ mu gbukwaaru ngu iya tororo; ọ kwa iphe, anyi tụtaru nvọ bẹ anyi epfuje; ọ bụru iphe, anyi hụmaru l'ẹnya bẹ anyi atụje ọnu iya; obenu l'unu te ekwedu kweta iphe, anyi epfu.

Kọlosi 1:5

Kẹle unu ele ẹnya iphe, a kwakọberu unu l'imigwe; mbụ iphe ono, e meru; unu maru teke ono, a byaru bya ezia unu ozi-ọma ono, bụ ọkpobe-opfu ono.

1 Timoti 1:15

Ọwa-a bụ opfu, gbaru g'e gude iya ẹka; tẹme ọ dụ ree g'onyemonye gbobe ẹka nata iya ọkpobe anata. Lẹ Kéreshi Jizọsu byaru lẹ mgboko-a gẹ ya bya adzọo ndu eme iphe-ẹji. Ọ bụru mbẹdua bẹ eme iphe-ẹji ọbu shi wụkoru.