Oziphe 11:8 - BAYỊBURU Izii

⁸ Nemadzụ -dzụkpoo ndzụ nọo apha olemole; g'ọ nọhabe; g'ẹhu tsọje onye ono ụtso l'apha ono g'ọ hakọta. G'ọ nyatajẹkwa nchi ejihu iya; kẹle mbọku k'ono a-dụkwapho igwerigwe. Iphemiphe, abyakpọo ememe tụkokwaru bụkotaru iphe-mmanụ.

Oziphe 11:8 ပူးပေါင်းရင်းမြစ်များ

Jiobu 10:21

tẹme mu alashịwaro ẹka bụ: a -laa; a lwagụ azụ; ẹka agba ọchii bya adụ tsụkiribaa;

Jiobu 10:22

ẹka ẹnyashi nkiya bụ abalị-ishi; ẹka bụ iphe, dụ iya nụ bụ tsụkiribaa; iphemiphe, dụ iya nụ ghalashịhu aghalashịhu; ẹka nwiphe, dụ g'ìphóró, dụ iya nụ dụ g'ẹka ọchii agba l'ibiya-a.”

Jiobu 14:10

Obenu lẹ nemadzụ abụjeru; ọ -nwụhu; nkiya abvụ. Ọ -tụwaa unme ikpazụ; ọ tọo tụbaedu ọzo.

Jiobu 14:12

noo gẹ nemadzụ azẹ-zetajẹ; ọ tọo gbẹshibaedu jasụ teke igwe ta adụhedu. Ọ tọ byadu agbẹshibaa; ọphu e metebaẹdu iya lẹ mgbẹnya ono, tụru iya nụ ono.

Jiobu 15:23

Ootsojeru aghaphe achọ ẹka ya a-kpata nri. Ọ -nọdu l'ọoji sụ: “?Bụ awe bẹ ọ nọ?” Ọ maanarụ-a l'eswe, a-gba ọchii bẹ nọkwa iya ntse.

Jiobu 18:18

Aa-chịfuta iya l'ẹka ìphóró dụ; chịru iya je eye l'ẹka agba ọchii; mee ya l'ọ chịhu lẹ mgboko mgburugburu.

Ebvu-ọma 49:20

Onye nweru iphe; ọphu ọ madụ iphe bụ-a g'anụ-ẹgbudu anwụhuje-a bụ g'oo-mecha nwụhu.

Oziphe 11:2

Hata iphe ngu keeru ụmadzu ẹsaa; mbụ-a; keeru iya ụmadzu ẹsato; kẹle ị tị madụ ẹjo-iphe, e-mechaa nwụa l'eliphe-a.

Oziphe 2:15

Mu bya arịa l'ime obu mu sụ: “Iphe-a, meru onye-eswe-a l'e-mechakwaa mee mbẹdua. ?Bụhunu gụnu bẹ mu ritaru l'abụbu, mu bụ onye maru iphe?” Mu byakwa arịa l'ime ọkpoma mu sụ: “Iphemiphe-a tụkokwarupho bụru iphe-mmanụ.”

Oziphe 2:17

Noo g'o gude ndzụ dụ mu ashị; kẹle iphemiphe, eeme lẹ mkpula ẹnyanwu-a bụkota mu mkpatsu-aphụ. G'ọ ha tụkoru bụkotaru mu iphe-mmanụ bụru achị phẹrephere ọso.

Oziphe 2:19

l'ẹbe ama onye ọbu ?ọo-bụru onye maru iphe tọo onye-eswe? Ọle ọo onye ono, a-nọ-tsota mu nụ ono e-nweru iphemiphe ono, mu deru ẹnya lẹ mini see akanya iya l'eliphe-a ono. Iphemiphe ono tụkokwarupho bụru iphe-mmanụ.

Oziphe 2:26

Kẹle Chileke emeje g'onye dụ iya l'obu bụru onye maru iphe; kwaa ẹnya; tẹme ẹhu atsọje iya ụtso. Obenu l'onye iphe-ẹji bẹ ọolojeru iphu ye l'akpa ẹku kụberu onye dụ Chileke l'obu. Onoya bụkwarupho iphe-mmanụ bya abụru achị phẹrephere ọso.

Oziphe 4:16

Ndu wụ-tsoru nwokorọbya ono bụkwa agụta agụta. Obenu l'ọgbo ọphu e-mechaa bya nụ ta abyadụ ekwe l'ọ dụru iphe, nwokorọbya ono metakpọoru emeta ililekpọo. Ono bụkwa iphe-mmanụ; bya abụru achị phẹrephere ọso.

Oziphe 4:8

Ọ dụru nwoke, bụ nkịnyi, enwedu nwa nwoke; ọphu o nwedu nwune nwoke. Ọ nọdu anọduje ese akanya mkpụrumkpuru. Ọphu ẹku, ọ kpatarụ ejijedu iya ẹpho ejiji. Ọphu o teke ajị-swee onwiya sụ: “?Bụnaa onye bẹ mu eseru akanya-a? ?Bụnaa gụnu bẹ mu anashịnaa onwomu ẹhu-ụtso ẹgube-a?” Iphe, dụ nno bụkwa iphe-mmanụ; bya abụru nsegbu akanya.

Oziphe 6:11

Opfu -paa igwe; mkpọkoro iya aka shii. Goshinu mu urwu, ẹgube iphe ono abarụ nemadzụ.

Oziphe 6:6

m'obetakpọkwaru nwoke ono nọo ndzụ nọghata ụnu apha ise; l'ẹbe o ri ẹku, o setarụ. Noo kẹle ọo l'ẹka lanụ bẹ ẹphe tụkoru ala.

Oziphe 7:14

Mbọku -dụru ngu ree bụ g'i tee ẹswa; teke mbọku dụkwanuru ngu ẹji g'ị nyatajẹ l'ọ kwaphọ Chileke meru mbọku ọma bya emee njọ mbọku. Ọo ya bụ l'ọ tọ dụdu onye maru iphe, a-nwụru iya nụ l'iphu.

Oziphe 8:12

Ọ tọ dụkwa m'obeta onye ẹjo-iphe mechakpọo iphe-ẹji merwua ya ugbo ụkporo ise; bya akaẹle-a nka nọo ọdu; bẹ mu maẹkwarupho l'onye atsụ Chileke ebvu bẹ ọo-karụ ree; mbụ ndu akwabẹ Chileke ùbvù.

Oziphe 8:15

Ọo ya bụ l'iphe, mbẹdua arị l'ọ ka ree gẹ nemadzụ meje iya bụ g'ẹhu tsọje iya ụtso. Kẹle ọ tọ dụdu iphe, kabaaru nemadzụ ree lẹ mkpula ẹnyanwu-a, abụdu g'o rije g'ọ dụ iya ngụje g'ọ dụ iya bụru onye ẹhu atsọ. Ọo ya bụ; ẹhu atsọkwanu iya mẹ ọ -nọdu ese akanya iya lẹ ndzụ ọwa-a, Chileke nụru iya lẹ mkpula ẹnyanwu-a.

Oziphe 9:7

Ọo ya bụ; g'ẹhu tsọje ngu ụtso mẹ ị nọdu eri nri ngu. Tẹme l'iimeje ẹswa l'ime obu ngu mẹ ị nọdu angụ mẹe ngu; kẹle ọ kwa nta-a bẹ iphe, iime dụ Chileke ree.

Jieremaya 13:16

Unu kwabẹ Chipfu, bụ Chileke unu úbvú! Ọdumeka bẹ oo-mekwa g'ọchii gbaa. Tẹme ụpfu akpọ ngu l'ọkpa l'eli úbvú ono, agbakọta ọchii ono. Iphe, unu ele ẹnya iya bụ ìphóró; ọle oo-me iya l'ọoburu onyonyo ọnwu. Tẹme l'ọogbanwee ya; mee ya l'ọ gbahụ tsụkiribaa.

Jiowẹlu 2:2

mbụ mbọku, a-bụru mbọku, agba ọchii agba kẹ tsụkiribaa; mbọku, urwukpu a-sọpyabe; ẹkameka ejihu hụduu. Ikpoto ndu ojọgu, ike dụ awụ gbiigbiigbi asọ abya g'ẹka ọchii nchi-abọhu asọpyabe asọpyabe l'eli eze úbvú; ụdu iya ọphu eteke adụ-swe teke ndiche; ọphu ọ byadu adụ l'ọgbo ọphu abya nụ.

Matiyu 22:13

Onye eze ono sụ ndu-ozi iya: ‘Ngwa; unu kee ya ẹgbu l'ọkpa yẹe ẹka parụ je echie lẹ tsụkiribaa etezi. Ẹka ono bẹ nemadzụ a-nọdu kwaa ẹjo ẹkwa; taa ikireze.’ ”

Jiọnu 12:35

Jizọsu sụ phẹ: “Ìphóró ono bụfukwa nwanshịi bẹ ọo-nọfua l'echilabọ unu. Ọphu g'unu lọbaru ije nta, ìphóró dụru unu; a -nọnyakwa ọchii byapfuta unu. Noo kẹle onye eje ije l'ọchii ta amajẹkwaru ẹka o phuku eshi.

Ditoronomi 32:29

Ọme l'ọ dụru mmamiphe, dụ phẹ l'ẹhu; mẹ iphe-a edokwa phẹ ẹnya. Mbụ m'ẹphe amakwaru-a g'o mechaa nwụaru phẹ teke ikpazụ.

Jiudu 1:18

Mbụ iphe ono, ẹphe shi anọduje agụru unu l'ọgu ebvu ono, bụ iya bụ: “L'o -rwujeẹpho teke mgboko-a l'a-bvụ bẹ o nwechaaru ndu a-nọdu aja unu ewenu. Iphe, ẹphe a-nọdujeepho awoko ẹka iya bụ g'ẹphe e-shi mee iphe, ẹgu iya enwu phẹ phuruphuru l'ẹhu; mbụ iphe, ẹgu iya agụ phẹ; opfu l'ẹphe ta akwabẹdu Chileke ùbvù.”