Oziphe 11:5 - BAYỊBURU Izii

⁵ Ọo g'ị tị madụ ụzo, phẹrephere eshije; ọphu ị madụ gẹ nwaswa eshije kpụa l'ẹpho ne iya-a; bụkwapho g'iphe, Chileke eme tee dodu ngu ẹnya; mbụ Chileke, meru iphemiphe.

Oziphe 11:5 ပူးပေါင်းရင်းမြစ်များ

Jiobu 37:23

Ọ kwa iya bụ Ọkalibe-kangokọtaru-nụ; bụru onye ẹka anyi ta abyadụ erwu erwurwu ophu. Ọ parụ ẹka l'ike-ọkpu; mẹ l'ekpe ikpe, pfụru ọto. Apfụbekoto nkiya parụ ẹka; ọphu oomedu nemadzụ ewere.

Jiobu 38:4

Sụ-a; ?bụ awe bẹ ị nọ teke mu tụru ọkpa mgboko-a l'ophu? Karụ mu iya; m'ọ bụru l'o doru ngu ẹnya!

Jiobu 5:9

Lẹ Chileke emeje iphe, dụgbaa biribiri, bụgbaa akpavu l'ishi; mbụ l'oomeje iphe, dụ ebvu igwerigwe kpọ.

Ebvu-ọma 104:24

Gụbe Chipfu; ozi, iijekọta bụkwa agụta agụta. Iphemiphe ono bụkotaru mmamiphe nkengu bẹ i gude mekọta iya; mbụ lẹ mgboko l'ophu bẹ iphe, jiru iya nụ bụkota iphe, i gude ẹka mee.

Ebvu-ọma 40:5

Gụbe Chipfu, bụ Chileke mu; iphe, dụ biribiri, i meshiru; waa iphe, dụ ree, i doberu k'emeru anyi pakwarụ igwerigwe. Ọ tọ dụdu onye sụru ngu iya agụshigburu. Mu -jeshia ya agụshi nanụ nanụ bẹ ọ bụ agụta agụta.

Ebvu-ọma 92:5

Gụbe Chipfu; lewarọ g'iphe, iime habe shii. Tẹme ọriri ngu paa omilomi.

Oziphe 1:13

Mu woru ọkpoma zia l'egude mmamiphe chọo mẹkpoo nwụa iphemiphe, eemekpọo lẹ mkpula igwe-a. Ọ bụepho l'ọo akanya aphụ bẹ Chileke meru g'ụnwu-eliphe seje.

Oziphe 1:6

Phẹrephere -zita l'o ziru laa ndọhali; ziru laa isheli; ziphee mgburugburu mgburugburu; ziru laphu azụ l'ibiya ọphu o shi wata ezizi.

Oziphe 11:4

Onye eme ele phẹrephere bẹ ta akọbekwa iphe l'alị. Ọphu onye ele igwe ẹnya l'iphu adụkwa iphe, oo-meta l'opfu iya.

Oziphe 3:10

Mu hụmawaru ivu, Chileke boru ndiphe.

Oziphe 3:11

O deru ẹnya lẹ mini mee iphemiphe; ọ nọdu l'ògè iya. Ọ bya emee amadụ g'ọ rịje k'ojejoje. Ọle amadụ ta adụdu ike maẹberu iphe, Chileke meru e -shi l'ishi jeye l'ẹka ọ bvụru.

Oziphe 7:24

Mu maru l'iphe ono, eeku mmamiphe nọ ụzenya ụzenya; bya adụ omilomi shii; k'ọphu bụ l'ọ tọ dụdu onye sụru iya achọ-vu.

Oziphe 8:17

bẹ mu byaru ahụma iphemiphe, Chileke meru; bya amaru l'ọ tọ dụdu onye iphemiphe, eme lẹ mkpula ẹnyanwu-a byaru edo ẹnya. Nemadzụ a-tụkokwa ike iya mekọta g'o doo ya ẹnya; ọle ọ tọ dụdu onye a-dụ ike arwavu iya l'ẹka. Onye mmamiphe -sụchakponu lẹ ya maru iya bẹ o too dokwanụ iya ẹnya ọkpobe edodo.

Azáya 40:28

?Unu ta mahaada? Tọo ?unu teke anụma-swee lẹ Chipfu bụ Chileke, l'a-nọ jasụ lẹ tuutuutuu lẹ mịimiimii? Ọ bụru iya meru eliphe l'ophu jasụ l'ẹka o jeberu. Ike ta abvụdu iya; ọphu nkwo atsụdu iya mẹe; ọphu ọ dụdu onye amakọtaru nkwamẹnya nkiya.

Jiọnu 3:8

Ọobujeru; phẹrephere -nọdu ezi ala ibiya ọphu dụ iya ree l'ị nụ ẹphu iya; obenu l'ị tị makwanụ ẹka o shi; ọphu i makwaphọ ẹka oozi ala. Nokwaphọ g'ọ dụ iphe, bụkpoo onye Unme-dụ-Nsọ nwụru bụ ono.”

Romu 11:33

Ha-oo! nkwamẹnya yẹle mmamiphe kẹ Chileke pakwarụ omilomi. Ikpe, ookpeje ta adụkwa onye sụru iya amaẹberu; ẹbe ọ dụkwa onye sụru amakọtaru g'o meje iphe iya.