Oziphe 11:10 - BAYỊBURU Izii

¹⁰ Ọo ya bụ; haa ayọ ọshi l'ime obu ngu! Tụko iphe, egburwashị ngu ẹhu g'ọ ha gwọbekota; kẹle abụ okorọbya; yẹe teke ọkpehu ngu dzuru edzumedzu tụkokwaru bụru iphe-mmanụ.

Oziphe 11:10 ပူးပေါင်းရင်းမြစ်များ

Jiobu 11:12

Tọ bụchidaa iphe, ọ bụ bụ lẹ tẹme onye-eswe enweru egomunggo bụ mẹ nkapfụ-ịgara-ọswa nwụa nwata-okoro.

Jiobu 13:26

Noo kẹle iphe, i deshiru lẹ mu meru bụchaa iphe, rwuru mu l'anụ-mee; tẹme ị tụko ẹjo-iphe, mu meshiru teke mu bụ okorọbya byabẹ mu l'ishi.

Jiobu 20:11

Ọkpehu ọkpehu ono, o shi eme k'okorọbya ono etsoru iya bụru wurumu l'ilu.

Ebvu-ọma 25:7

Ta nyatakwa iphe-ẹji, mu meshiru l'okorọbya; ọphu ị nyatakwa lẹ mu shi kwefuru ngu ike. Gude kẹle i yeru mu obu nyata mu rọ; kẹle ị dụ ree Chipfu.

Ebvu-ọma 39:5

I meru ndzụ mu; ọ dụ tsọkere. Gẹ ndzụ mu a-nọ-beru ta adụdu iphe, ọ bụ l'iphu ngu. Nemadzụ l'ophu tụkoerupho bụru udzu ọnu.

Ebvu-ọma 39:6

Nemadzụ g'ọogha-phe nno bụepho phẹrephere mmanụ bẹ ọ bụ. Kpanga kpanga kpanga, ọonoduje eme bụepho g'ọ bụru. Ọokpaje ẹku kụberu onwiya; ọle ọ tọ makwanụ onye e-mechaa ria ya nụ.

Ẹkwo Ẹtu 22:15

Eme eswe swekọkwaru onwiya nọdu l'ọkpoma nwatanshịi. Ọ bụru ẹchachi, e gude ahụ̀ iya ahụ̀hù l'a-chị-mihu iya g'ọ tọ dụhe iya.

Oziphe 1:14

Mu lewaru ẹnya l'iphemiphe, eeme lẹ mkpula ẹnyanwu-a bya ahụma l'ọ tụko bụru iphe-mmanụ; bya abụru achị phẹrephere ọso.

Oziphe 1:2

O-zì-iphe sụru-a: “Iphe-mmanụ yẹe iphe-mmanụ bụ iphe-mmanụ! Iphemiphe tụkoru bụru iphe-mmanụ!”

Oziphe 12:1

Sụ-a; nyatakwa onye meru ngu nụ teke ị bụkwadu okorọbya; tẹme ẹjo mbọku ono erwua; mbụ apha g'apha ono, ịi-wata epfu sụ: “Iphemiphe-a ta adụekwa ọphu atsọ mu ụtso.”

2 Kọrentu 7:1

Sụ-a; ndu mu; eshinu Chileke kweru anyi ukwe-iphe dụ ẹgube-a; g'anyi safụkotanu onwanyi iphe, bụkpoo iphe, emerwụ ogwẹhu bya emerwụ obu nemadzụ. G'anyi tsụje Chileke ebvu; g'anyi kukebeje ẹhu bụru ndu dobekọtaru onwanyi iche k'ọphu anyi a-bụkotaru kẹ Chileke ọkpobe abụru; meje iphe, ọ sụru g'anyi meje.

2 Timoti 2:22

Ọo ya bụ; gbalajẹru ẹgu eme ẹjo-iphe ono, l'anọduje agụ ụnwokorobya ono. Iphe, ii-mechia bụ g'i bụru onye pfụberekoto; l'i kweta kẹ Kéreshi; nweru n-yemobu; nweru nchị-adụ-doo unu lẹ ndu ono, egudeje obu-ìphóró akpọku Nnajịuphu ono.