Oziphe 10:8 - BAYỊBURU Izii

⁸ Sụ-a; ọ kwa onye buru nsụ e-mechaa dalahụ lẹ nsụ ọbu. Ọ bụru onye epyo mgbaka igbulọ bẹ agwọ atajẹ.

Oziphe 10:8 ပူးပေါင်းရင်းမြစ်များ

2 Sámẹlu 17:23

Ahitofẹlu hụmaepho l'ọ tọ bụdu idzu nkiya bẹ e tsoru; o nyikota eli nkapfụ-ịgara iya gbagbụa; ọ bụru iya ala ibe iya lẹ mkpụkpu, o shi. Ọ larwua bya edozichaa ibe iya g'ọo-du; o je aswị-gbua onwiya. Ọo ya bụ; ọ nwụhu; e lia ya l'ilu nna iya.

2 Sámẹlu 18:15

Ụnwokorobya iri, bụ ndu achịjeru Jiowabu ngwọgu nọ-phee Abụsalomu mgburugburu woru iya gbugbua; ọ nwụhu.

Ẹsuta 7:10

Noo ya; e je eworu Hamanu swị-gbua l'eli oswebe, aaswị-gbuje nemadzụ, o shi mee doberu Mọdekayi ono. E mechaa nno; obu jidata eze.

Ebvu-ọma 57:6

Ẹphe geru ụgbu kwabẹru mu l'ụzo, mu eshi. Ọo ya bụ; ẹhu rwụshihue mu phọ arwụshihu. Ẹphe gbẹshi je ebua nsụ dobe mu l'atatiphu. Ọle ẹphe mecharu daba lẹ nsụ ọbu l'onwophẹ.

Ẹkwo Ẹtu 11:6

Apfụbekoto k'onye obu iya gụru ìphóró l'adzọje iya. Obenu l'onye e gudedu ire iya ẹka bụ ẹgu ẹjo-iphe, agụ iya nụ anmajẹ iya g'ọ́nyà.

Ẹkwo Ẹtu 26:27

Onye ebu iduma bụ iya e-mechaa daba iya. Ọ bụru onye eswi mkpuma bẹ mkpuma ewephutajẹ azụ bya eswipyabẹ.

Oziphe 10:9

Ọ kwa onye akụkposhi mkpuma bẹ oomekajẹ iphe. Ọ bụru onye awa nkụ bẹ anọduje ezeru mgbabahụ iya.

Émọsu 5:19

Ọo-dụ g'ẹgube-a, aa-sụ lẹ nwoke nahụru oduma; o gbapfu agụ. Ọ nahụ ono bya abahụ l'ụlo iya je anọdu woru ẹka tụ-kobe l'igbulọ; agwọ bya ataa ya.

Émọsu 9:3

Ọ tọ dụdu m'obeta ẹphe je edomia onwophẹ l'eli úbvú Kamẹlu; mu achịlekwaa nta-a phẹ chirwua ẹka ono je akpụfuta phẹ. Ọphu ọ dụdu m'obeta ẹphe je edomia onwophẹ l'ọhu eze-ẹnyimu; mu akaru ẹjo agwọ l'o je l'ẹka ono je atagbushia phẹ.

Ikpe 9:5

Ọ bya ejeshia l'ibe nna iya lẹ mkpụkpu Ọfura; je egbushikọta ụnwunna iya ono, bụ iya bụ ụnwu Jieru-Balụ ono, dụ ụmadzu ụkporo ẹto l'iri ono l'eli mkpuma lanụ. Ọo ẹpho Jiótamu, bụ iya kachakpọo abụru nwata l'ụnwu Jieru-Balụ ono bẹ bụ onye phọduru nụ; kẹle o jeru edomia onwiya.