Ndu Uke 26:4 - BAYỊBURU Izii

⁴ bẹ mu a-nọduepho edzeru unu mini l'orwuberu iya; iphe, e meberu l'alị emehu emehu; tẹme oshi, nọ l'ẹgu amịshigbaa mebyi iya.

Ndu Uke 26:4 ပူးပေါင်းရင်းမြစ်များ

1 Ndu eze 17:1

Noo ya; Elayịjia, bụ onye mkpụkpu Tishibe, dụ l'alị Giladu bya asụ Éhabu: “Eshinu Chipfu, bụ Chileke kẹ Ízurẹlu nọ ndzụ g'ọ nọ iya-a; mbụ onye ono, mu ejeru ozi; bẹ iji ta abyadụ l'a-da; ọphu mini ta abyadụ e-dze l'ime apha olemole; gbahaẹpho lẹ mu sụru g'o dzee.”

Jiobu 5:10

Eliphe bẹ oodzejeru mini. Ọ nọdu asọjeru mini sọba l'ẹgu.

Ebvu-ọma 104:13

Ọ nọdu agbẹje l'ẹka o bu agba mini l'úbvú. Mgboko l'ophu bẹ iphe, oome jikpọru ẹpho.

Ebvu-ọma 67:6

Ọo ya bụ; g'iphe, a kọberu l'alị emehukwanụ emehu. Tẹme Nnajịuphu, bụ Chileke anyi ono agọru ọnu-ọma nụ anyi.

Ebvu-ọma 67:7

Chileke a-gọru ọnu-ọma nkiya ono nụ anyi. Ọo ya bụ gẹ ndiphe l'ophu jasụ l'ẹka igwe beru alị beru awatakwanụ iya atsụ ebvu!

Ebvu-ọma 68:9

Gụbe Chileke; ọo ngu dzeru ogbodogo mini; gude gbaa alị-ihe ngu unme teke ike bvụru iya.

Ebvu-ọma 85:12

Chipfu a-bụru iphe, dụ ree bẹ ọo-nụkota; bya emee g'iphe, anyi meberu l'alị anyi mehu emehu.

Ebvu-ọma 85:13

Apfụbekoto e-vutajẹru iya ụzo; je atọoru iya gbororo, ọo-nọdu eshi.

Azáya 30:23

Noo teke Chileke a-wata edzeru unu mini; edze iya ekpu l'iphe, unu meberu l'alị. Nri, aakọta l'alị emehuaha emehu; bya adụkwapho shii. Noo teke iphe-edobe unu a-wata akpa ntụsaru-ẹhu.

Azáya 5:6

Mu e-me iya g'ọ bụru alị, a gbadoru agbado. A taa kọchabaedu iya akọcha; ọphu eegbubaẹdu iya ọgu. Ọo ya bụ g'olekarara; yẹe ọgara-mbo ezee l'ẹka ono. Mu akaru igwe g'o to dzebaẹkwa mini wụshiru iya.”

Jieremaya 14:22

?O nweru nshi nshi ono, nọgbaa l'ọhamoha ono, adụdu iphe, ọ bụgbaa ono; ?o nweru ọphu adụje ike dzee mini? Mbụ-a ?bụkponu igwe alwajẹ g'ọ ka mma l'ọo yẹgeyege mini? Waawakwa. Ọo gụbedua; mbụ gụbe Chipfu, bụ Chileke anyi. Ọo ngu bụ ẹka ẹnya dụ anyi; kẹle ọo ngu emekọta iphemiphe ono.

Ezekẹlu 36:30

Mu e-me g'oshi-ọmi ka amị mebyi; bya emee g'iphe, e meberu l'alị mehu emehu; k'ọphu ọhamoha e-mebuhu unu iphe-iphere l'opfu ẹgu.

Jiowẹlu 2:22

Gẹ ndzụ ta agụshi unubẹ anụ, bu l'ime ẹgbudu; kẹle ẹka unu atajẹ nri, dụ l'echiẹgu abyawaa erwu irwu. Oshi abyawaa amị mebyi. Oshi figu yẹe vayịnu abyawaa eme ike phẹ.

Ndu Uke 25:19

Ọo ya bụ; g'alị emehuaha iphe, a kọberu iya; unu erijiaha ẹpho; buru iya; ọ tọ dụdu iphe, eme unu.

Ndu Uke 25:21

Ọle mu e-kebe unu l'ọma l'apha k'ishii; k'ọphu apha ono e-mehu iphe; unu enweru akpụru-iphe, a-sụru unu apha ẹto.

Zekaraya 8:12

“Mebyi-iphe, a kụru l'alị a-nọdu eme ree; vayịnu amị mebyi iya ree; alị amịa mebyi iphe, e meberu iya; igwe akwa iji iya. Iphemiphe ono bẹ mu a-nụ g'ọ bụru okiphe, nwa ndu ono phọduru nụ ono e-keta.

Matiyu 5:45

g'unu a-bụru ụnwu kẹ Nna unu ọphu bu l'imigwe. Kẹle ọo ya emeje g'ẹnyanwu waaru ndu ọma mẹ ndu ẹjo-iphe. Tẹme ọ nọdu emeje g'igwe dzeru mini wụshiru ndu pfụberekoto mẹ ndu apfụbeduru-ẹka-ọto.

Ndu-ishi-ozi 14:17

Ọle oogudeje iphe, dụ ree, oomeje gude goshi onye ya bụ. Oodzejeru unu mini; tẹme iphe, unu kọru l'alị bẹ oomeje g'ọ mịa mebyi teke gbaru iya nụ. Ọ nọdu anụ-jije unu ẹpho; tẹme ọ nọdu emeje g'obu tsọo unu ụtso.”

Ditoronomi 11:13

“K'ọphu bụ lẹ; ọ -bụru l'unu kwetarụ mee ekemu, mu atụru unu ntanụ-a, bụ iya bụ g'unu yee Chipfu, bụ Chileke unu obu; unu egude obu unu g'ọ ha; mẹ ndzụ unu l'ophu jeeru iya ozi

Ditoronomi 11:14

bẹ Chipfu e-me g'igwe dzejeru mini l'orwuberu iya wụshiru unu l'alị unu; o -dzeeru unu mini ishi-apha; l'o dzekwaphọ mini ụla-apha; k'ọphu onyenọnu a-kpata iphe, o meberu l'alị; mbụ g'i gbuta ereshi ngu; kụa mẹe ngu; mee manụ ngu.

Ditoronomi 28:12

Chipfu a-gụharu unu ụlo ẹka oodobeje ẹku iya l'imigwe; g'igwe dzeje mini gbaa l'alị unu; l'orwuberu iya; l'ọ gọru ọnu-ọma nụ iphe, bụkpoo ozi, unu gude ẹka unu jee. Unu ejieje ikpoto ọha ụgwo; unu ta adụdu ndu unu eje ejita.

Jiemusu 5:7

Ụnwunna mu; unu takpọekwapho nshi nọdu jasụ teke Nnajịuphu a-bya. Unu hụmaru g'onye kọru opfu atajẹ nshi; kwabẹru opfu iya g'o rwuta iphe, barụ urwu. Ọotaje nshi; igwe eshi l'awuze dzee mini dzekọta iya udzumini; l'ọotaa nshi jasụ l'ephefuta.

Ọphulenya 11:6

E yeru phẹ ike l'ẹka; k'ọphu ẹphe a-gụ-chi akpaminigwe; k'ọphu igwe ta abyadụ atada mini l'alị teke ono, ẹphe a-nọdu epfuchiru Chileke ono. E yekwa phẹ phọ ike l'ẹka g'ẹphe dụje ike mee mini g'ọo-bụru mee; waa g'ẹphe tụjekwapho ndiphe ẹjo iphe-ememe, dụkpoo phẹ ree tekenteke, dụ phẹ ree.