Mbụlembu 9:15 - BAYỊBURU Izii

¹⁵ mu a-nyata ọgbandzu mu l'unu; waa iphe, dzụ ndzụ l'ophu, dụlaje l'ụdu iya l'ụdu iya. Mbụ lẹ mini ta abyabaẹdu abya utso bya erigbushia iphe, nọ ndzụ ọzo.

Mbụlembu 9:15 ပူးပေါင်းရင်းမြစ်များ

Mbụlembu 8:21

Chipfu nụmaepho ishishi iya, atsọ ntụmatu; o pfua l'ime obu iya sụ: “Mu ta abyaẹdu egude opfu ẹhu nemadzụ tụbaa alị ọnu; kẹle iphe, nemadzụ anọdujekpoepho arị l'obu iya e -shi lẹ nwata bụepho ẹjo-iphe. Ọphu mu abyaẹdu emebyishibaa iphemiphe, mu meru ememe, dzụ ndzụ; ẹgube-a, mu meru-a.

Mbụlembu 9:10

Tẹme anyi l'iphe, dzụ ndzụ, unu l'iya shi tụko nọdu gbakwaphọ ndzụ; mbụ ẹnu; waa anụ, bụ iphe-edobe; waa anụ-ẹgbudu; iphemiphe ono, unu l'iya tụkoru shi l'ụgbo fụta ono; mbụ iphemiphe ono, bu l'eliphe ono.

Mbụlembu 9:11

Mu l'unu gbaakwaru ndzụ. E tee gudebaẹkwa utso erigbushi nemadzụ l'ophu ọzobaa. Ọphu utso, e-mebyishibaa mgboko-a l'ophu abyaẹdu agbabaa.”

Mbụlembu 9:14

Teke igwe rwuru erwurwu; ọ gbaa ẹko-mini ono;

1 Ndu eze 8:23

pfuahaa sụ: “Gụbe Chipfu, bụ Chileke kẹ Ízurẹlu; ọ tọ dụdu Chileke ọzo, dụbaa gẹ gụbedua l'imigwe waa l'eliphe; mbụ gụbe onye edobeje ọgbandzu, unu lẹ ndibe ngu gbaru; bya egoshije l'i yeru ndu-ozi ngu obu; mbụ ndu gude obu phẹ g'ọ ha etso ụzo ngu.

Nehemaya 9:32

Ọo ya bụ; gụbe Chileke anyi; mbụ gụbe Chileke, parụ ẹka; bụru Ọkalibe; bya abụru onye dụ ebvu; mbụ gụbe onye ono, edobeje ọgbandzu ngu; ọphu n-yemobu ngu abvụdu abvụbvu; jiko g'iphe-ẹhuka-a, anyi ejegbabẹ-a ta adụkwa ngu mkpẹe mkpẹe l'ẹnya; bụ iya bụ iphe-ẹhuka, dapfutaru anyi lẹ ndu eze anyi-a; mẹ ndu-ishi anyi; mẹ ndu-uke Chileke anyi; mẹ ndu mpfuchiru Chileke anyi; mbụ iphe-ẹhuka ono, dapfutaru nna anyi phẹ; mẹ ndibe ngu l'ophu; e -shi lẹ teke ndu eze ndu Asiriya bụ ishi byasụ ntanụ-a.

Ebvu-ọma 106:45

L'o gude opfu ẹhu phẹ nyata ọgbandzu iya. O gude kẹ l'o yeru phẹ obu selaa ẹka azụ.

Awụfu 28:12

L'ị dzụpyabe mkpuma labọ ono l'eli uwe-ukuvu phọ ẹphenebo; k'ọphu mụbe Chipfu e-gudeje iya nyata ụnwu Ízurẹlu. Ẹpha ụnwu Ízurẹlu ono a-dụ l'ukuvu Erọnu ẹphenebo g'ọ bụru iphe, mu e-gudeje nyata phẹ.

Jieremaya 14:21

Jiko ta agbadokwa anyi; g'ẹpha ngu apfụru! Te ewokwaru aba-eze ngu ono, dụ biribiri ono hua l'alị! Nyatakwa ọgbandzu anyi lẹ ngu! Te emebyikwa iya!

Ezekẹlu 16:60

Ọle g'ọoduhabe bẹ mu a-nyataẹla ọgbandzu ono, mu lẹ ngu gbaru teke ị bụ nwata ono; mu e-me gẹ mu lẹ ngu gbaa ndzụ, a-nọ jeye l'ojejoje.

Luku 1:72

g'ọo-phụa obu-imemini ono, ọ sụru ndiche anyi phẹ lẹ ya a-phụ ono; wafụa g'ọo-nyata ukwe-iphe, dụ nsọ, o kweru ndu nkiya.

Ditoronomi 7:9

Ọo ya bụ lẹ-a; makwarụ lẹ Chipfu, bụ Chileke ngu bụkwa Chileke; mbụ Chileke, apfụshije ike l'iphe, o kweru ukwe iya; bụru Chileke, edobeje ọgbandzu, yẹe ndu yeru iya obu gbaru; tẹme ọ nọdu egoshije phẹ l'o yeru phẹ obu; mbụ ndu ono, yeru iya obu bya emeje iphe, ọ sụru phẹ g'e meje. Iphe ono bẹ oomeje ụnu-kụru-ụnu ọgbo.