Mbụlembu 8:1 - BAYỊBURU Izii

¹ Obenu lẹ Chileke nyatarụ-a Nuwa; waa anụ-ẹgbudu; mẹ anụ, bụ iphe-edobe, ẹphe l'iya tụkoru nọdu l'ụgbo ono. Ọ bya emee gẹ phẹrephere wata ezizi lẹ mgboko; mini ono wata alala.

Mbụlembu 8:1 ပူးပေါင်းရင်းမြစ်များ

Mbụlembu 19:29

Ọo ya bụ; lẹ gẹ Chileke mebyishiru mkpụkpu ono, nọ lẹ nsụda ono bẹ ọ nyatarụ Ébirihamu bya edufuta Lọtu lẹ mkpụkpu, o shi buru teke o meru gẹ mkpụkpu ono bụru ọla l'iyi.

Mbụlembu 30:22

Chileke bya anyata Rechiẹlu; bya angabẹru iya nchị bya eworu iya ẹkpa-nwa ghebe ọnu.

Mbụlembu 9:10

Tẹme anyi l'iphe, dzụ ndzụ, unu l'iya shi tụko nọdu gbakwaphọ ndzụ; mbụ ẹnu; waa anụ, bụ iphe-edobe; waa anụ-ẹgbudu; iphemiphe ono, unu l'iya tụkoru shi l'ụgbo fụta ono; mbụ iphemiphe ono, bu l'eliphe ono.

Nehemaya 13:14

“Gụbe Chileke mu; nyatakwa mu rọo ya l'iphe-a, mu meru-a. Be huchafụkwa iphe, dụ ree, mu megbabẹru eze-ụlo gụbe Chileke mu; mẹ l'ozi, eeje l'ẹka ono.”

Nehemaya 13:22

Mu sụ ndu Lívayi g'ẹphe sachaa onwophẹ asacha je anọdu cheje nche l'ọnu-abata ono; k'ọphu ee-dobe eswe-atụta-unme ono nsọ. Nyatakwa mu phọ l'iphe-a, mu meru-a; gụbe Chileke mu. Guderọ n-yemobu ngu ono, parụ ẹka ono phụaru mu obu-imemini.

Nehemaya 13:29

Nyatakwa phẹ; gụbe Chileke mu; noo kẹle ẹphe tụrwuwaru ọkwa ndu-uke Chileke; bya atụrwua ọgbandzu, gụ lẹ ndu-uke Chileke mẹ ndu Lívayi gbaru.

Nehemaya 13:31

Mu mekwaphọ g'e vutajẹ nkụ yẹle akpụru-iphe-mbụ l'orwuberu iya. Gụbe Chileke mu; nyatakwa mu rọ lẹ k'ọma.

Jiobu 12:15

Ọo ya bụ; ọ -sephu mini azụ; alị akpọo jegengu. Teke ọ gbaharu mini ẹka l'ọ tụko ẹkameka sọaha gborogboro l'alị.

Jiobu 14:13

Ọ dụ mu g'a sụ l'ii-wotakpọe mu phọ je edomia l'alị-maa; mbụ kpuchia mu iphe l'ẹka ono jasụ ẹhu eghubuhu ngu eghu. Ọ dụ mu g'a sụ l'i gege atụkpoepho sụ l'ọwa-a g'ọo-nọ-beru baa; tẹme l'ị nyatabaa mu.

Ebvu-ọma 105:42

noo kẹle ọ nyatarụ ukwe-iphe, dụ nsọ, o kweru nụ onye-ozi iya, bụ Ébirihamu.

Ebvu-ọma 106:4

Nyatakwa mu jiko Chipfu; teke ịi-wata egoshi lẹ ndibe ngu dụ ngu l'obu! Byakwa agbaarụ mu mkpu m'ị byatashịa phẹ adzọta!

Ebvu-ọma 115:12

Chipfu anyatajẹ anyi; ọo-gọru ọnu-ọma nụ anyi. Ọo-gọru ọnu-ọma nụ ndibe Ízurẹlu; bya agọru ọnu-ọma nụ ndibe Erọnu.

Ebvu-ọma 132:1

Gụbe Chipfu; nyatanụ Dévidi yẹe iphe-ẹhuka, ọ nọ jegbabẹ.

Ebvu-ọma 136:23

Ọo ya nyatarụ anyịbe ndu adụdu iphe, anyi bụ. N-yemobu iya anọje jasụ l'ojejoje.

Ebvu-ọma 137:7

Gụbe Chipfu; nyatakwa iphe, ndu Edọmu meru mbọku, Jierúsalẹmu daru! Ẹphe tụkoru tụshia ụzu sụ: “Unu tsukpọshia ya. Unu tsukpọshia ya tsurwua ẹka a tụru ọkpa iya.”

Ebvu-ọma 29:10

Chipfu sụgaru l'aba-eze iya; utso nọdu iya lẹ mkpula; tẹme o je a-bụru eze jasụ l'ojejoje.

Ebvu-ọma 36:6

Apfụbekoto nkengu nọdu etse rịgorigo g'úbvú, parụ ẹka apaa. Ikpe nkengu dụ wukirima g'eze ẹnyimu-ime-alị. Gụbe Chipfu; ọo ngu tụkoru anụ, bu l'ẹgbudu yẹle nemadzụ dobe ndzụ.

Awụfu 14:21

Tọbudu iya bụ; Mósisu bya amachịa ẹka iya l'eli eze-ẹnyimu ono. Ẹnyashi ono l'ophu bẹ Chipfu gude oke phẹrephere, shi l'ụzo ẹnyanwu-awawa ziphu eze-ẹnyimu ono azụ; ọ bya aghọo alị ọkponku. Mini ono kekaha ẹbo.

Awụfu 15:10

Obenu l'ị tụru unme; eze-ẹnyimu tụko phẹ rigbushikọta. Ẹphe bụru tụbukungu l'eze-ẹnyimu g'ọta-njele.

Awụfu 2:24

Chileke nụma ude ono, ẹphe atsụ ono; bya anyata ọgbandzu ẹphe lẹ Ébirihamu; waa Áyizaku; waa Jiékọpu.

Ẹkwo Ẹtu 25:23

Ọo gẹ phẹrephere, shi l'isheli ezitsutajẹ mini-a; nokwaphọ gẹ nvu-azụ akpatajẹ adzụ iphu.

Azáya 44:27

Ọo mu sụru ogbu-mini: ‘Ngwa; tahụ! Mu e-mekwa gẹ mini, nọgbaa lẹ nggele ngu tashịhu.’

Jieremaya 50:38

Okpomọku a-byapfuta mini, dụ iya nụ; k'ọphu ọo-tụkoepho tashịhuchaa. Noo kẹle ọ bụ alị, aagwọ ọbvu. Ọbvu ono-a bẹ ndzụ-agụgu e-mechaa gbaghaa iphu.

Émọsu 8:7

Chipfu gudekwa l'oshilọkpa Jiékọpu phẹ eku onwophẹ ria angụ sụ: “Mu ta abyakwa azọha iphe, ẹphe meru.

Jiona 4:11

Obenu lẹ mkpụkpu Ninive bẹ ndu bu iya nụ daghataru ụkporo ụnu ụmadzu iri l'ise, bụ ndu amadụ onwophẹ ẹkicha; ọzoo ẹkutara; ẹphe nwekwarụpho ikpoto eswi. ?Bụ eze mkpụkpu, ha ẹgube ono bẹ mu tege aphụduru obu-imemini tọo?”

Nahumu 1:4

Eze-ẹnyimu bẹ ọobajeru mba mee ya l'ọ tahụ; ọ nọdu emejegbaa iphe, bụkpoo ẹnyimu g'ẹphe tashịhu. Alị Beshanu yẹle úbvú Kamẹlu bẹ oomeje g'ọ nwụlwashihuchaa; tẹme ọ nọdu emeje g'okoko, nọ l'úbvú úbvú Lébanọnu nwụlwashihukota.

Habakuku 3:2

Gụbe Chipfu; mu nụmawaru ụ́dù ngu; mbụ l'iphe, i meru eye mu ebvu. Gụbe Chipfu; meshinaa iphe ono nta-a, anyi nọ ndzụ-a! Mbụ-a; menaa g'a maru iya nta-a, anyi nọ ndzụ-a! Ẹhu -ghuahaa ngu oke eghu; nyatanụ obu-imemini.

Zekaraya 10:11

Ẹphe a-ghata eze-ẹnyimu iphe-ẹhuka ono; ọle ọtu-kpereree mini ono bẹ aa-byanyị; tẹme ogbu-mini ẹnyimu Nayịlu l'ophu atahụkota gbengu. Eku-onwonye ndu Asiriya abụru iphe, e wozeru alị; tẹme ike ono, shi dụ ndu Ijiputu ono abụru phuchamu.

Ọ́gú 10:9

Teke ọ bụ l'unu eje etso ndu ọhogu unu ọgu l'alị unu; mbụ ndu akpa unu ẹhu; unu gbua opu ono g'ọ dashia ọda ike; k'ọphu Chipfu, bụ Chileke unu a-nyata unu; bya adzọta unu l'ẹka ndu ọhogu unu ono.

Ọ́gú 22:32

Ojozi Chipfu ono jịa ya sụ: “?Bụ gụnu meru iphe, i chiru nkapfụ-ịgara ngu iphe ugbo ẹto-a? Mu byaru gẹ mu kwachia ngu ụzo; noo kẹle ụzo, i phoberu bẹ dụ gbajọgbajogbajo l'ẹnya nkemu.

Ọphulenya 16:19

Mkpụkpu ono, a maru ẹpha iya ono, bụ Bábilọnu bukaha onwiya uzi ẹto. Iphe, bụkpoo mkpụkpu ọzo, dụkota lẹ mgboko dakashịhukota bụru ọla-l'iswi. Ẹbe Chileke azọhakwaru mkpụkpu ono, a maru ẹpha iya ono, bụ Bábilọnu; yẹe ẹjo-iphe, ọ nọ megbabẹ. Chileke mee mkpụkpu ono: ọ ngụa mẹe l'eze okoro, e yejiru oke-ẹhu-eghu kẹ yẹbe Chileke eyeji, bụ iya bụ ikpe ọ nmarụ iya.

Ọphulenya 18:5

l'iphe-ẹji, oome kụkwaru l'ikpo l'ikpo; ha l'eli l'eli; je asupfuru l'akpaminigwe; tẹme Chileke nyataakwaru ẹjo ememe, oomeje g'ọ ha.

1 Sámẹlu 1:19

O -rwua l'ọnmewa ụtsu echele iya; ẹphe gbẹshi bya abaarụ Chipfu ẹja tụgbua laphushia azụ l'ibe phẹ lẹ mkpụkpu Rama. Ẹlukana bya ejepfu nyee ya ono, bụ Hana; Chipfu nyata nwanyị ono.