Mbụlembu 6:6 - BAYỊBURU Izii

⁶ Ọ bụru aphụ tsọru Chipfu lẹ ya meru nemadzụ lẹ mgboko; tẹme ọ nọdu eghu iya eghu l'ime ọkpoma.

Mbụlembu 6:6 ပူးပေါင်းရင်းမြစ်များ

Mbụlembu 6:7

Chipfu sụ: “Mu e-meẹpho gẹ nemadzụ, mu meru dobe l'eliphe chịhu. Nemadzụ a-chịhu; mẹ anụ; mẹ iphe, awụ l'ẹpho; waa ẹnu, ephe l'eli; kẹle ọ bụwaa aphụ tsọru mu lẹ mu meru phẹ dobe.”

2 Sámẹlu 24:16

Ojozi-imigwe ono machịepho ẹka gẹ ya mebyishia mkpụkpu Jierúsalẹmu; o rwua Chipfu l'ẹhu; mbụ ẹjo-iphe ono, dapfuru phẹ nụ ono. O pfuaru ojozi-imigwe ono, egbushi ndu ono sụ iya: “Ọ dụwaa ree! Sephu ẹka ngu azụ parụ phẹ haa!” Teke ono bẹ ojozi Chipfu ono nọwaa l'ọma ẹka Arawuna, bụ onye Jiebusu anọduje echishi ẹswa lẹ balị iya.

1 Iphe, ndu eze meru 21:15

Chipfu zia ojozi-imigwe ono g'o je emebyishia Jierúsalẹmu. Ọle ojozi-imigwe ono mejeẹrupho g'o mebyishia Jierúsalẹmu; Chipfu hụma iya; o rwua ya l'ẹhu; mbụ ẹjo-iphe, dapfuru phẹ nụ ono. Ọ pfuaru ojozi-imigwe ono, egbushi ndu ono sụ iya: “Ọ dụwaa ree! Sephu ẹka ngu azụ parụ phẹ haa!” Teke ono bẹ ojozi Chipfu ono nọwaa l'ọma ẹka Ọnanu, bụ onye Jiebusu anọduje echishi ẹswa lẹ balị iya.

Ebvu-ọma 106:45

L'o gude opfu ẹhu phẹ nyata ọgbandzu iya. O gude kẹ l'o yeru phẹ obu selaa ẹka azụ.

Ebvu-ọma 110:4

Chipfu ribuwaru angụ; ọphu ọogba-nweẹdu iphe, o pfuru. Ọ sụru: “Ịi-bụru onye uke Chileke jasụ lẹ tuutuutuu lẹ mịimiimii; bụ iya bụ gẹ Melikizedeku bụ.”

Ebvu-ọma 119:158

Ndu e gudedu ire phẹ ẹka bẹ agbarwuje mu ẹpho mẹ mu hụma phẹ; kẹle ẹphe te emejedu iphe, opfu ngu pfuru.

Ebvu-ọma 78:40

Ugbo olemole bẹ ẹphe kwefuwaru iya ike teke ẹphe eje l'echiẹgu; mbụ kpatsu iya iwe l'alị, dabyiru mgbegere.

Ebvu-ọma 81:13

Sụ-a; ọme ọo kẹ gẹ ndibe mu ngabẹru mu nchị; ọme ọo kẹ gẹ ndu Ízurẹlu tsoo ụzo, mu tọru phẹ;

Ebvu-ọma 95:10

Ụkporo apha labọ mgburugburu bẹ ọgbo ono mekọtaru yẹbe Chileke iphe-eghu. Ya sụru l'egomunggo phẹ jephuhuwaru l'eme iphe-ẹji; ọphu ẹphe ekwedu alwaphuta azụ bya eshia ụzo, ya goshiru phẹ.

Awụfu 32:14

Noo ya; egomunggo lwa Chipfu azụ; o woru ẹjo iphe-ẹhuka ono, o shi epfu l'oo-gude byapfuta phẹ ono parụ haa.

Azáya 48:18

“Ọme ị ngabẹru nchị mee iphe, mu sụru g'e mee; ẹhu-guu gege anọduepho asọru ngu gborogboro gẹ mini asọ asọso. Apfụbekoto ngu atụ kpereree g'akpara-mini, atụ l'eze-ẹnyimu.

Azáya 63:10

Ọle ọ bụ; ẹphe jịkale-a l'ẹphe tee medu iphe, ọ sụru phẹ g'ẹphe mee; shi nno mee Unme-dụ-Nsọ nkiya iphe aphụ. Ọ bụru iya meru g'o gude ọ ghakọbe bya abụru onye opfu phẹ. Mbụ yẹbedua l'onwiya bya etsoaha phẹ ọgu.

Jieremaya 18:7

Mu -pfua sụ l'ọwa-a g'ee-me ọha baa; ọzoo l'ọwa-a g'ee-me alị-eze baa; l'ee-pheshi iya epheshi; ọzoo l'ee-nwukpọshi iya; ọzoo l'ee-mebyishi iya;

Jieremaya 26:19

Hezekáya, bụ eze Jiuda; ọzoo onye ọzo kpọ l'alị ndu Jiuda; ?ẹphe gburu iya-a egbugbu? ?Tọ bụ-chidaa iphe, Hezekáya meru bụ l'ọ tsụru Chipfu ebvu; wata achọ ụzo, ya e-shi tụba iya l'ẹnya? Tọo Chipfu ?tọ paliduru pazeta k'ọphu bụ l'o to meẹduru phẹ ẹjo-iphe, o shi sụ l'oo-me phẹ. Ọ kwa ẹjo-iphe bẹ anyi eme onwanyi nta-a.”

Ezekẹlu 33:11

Sụ phẹ; wakwa iphe, Nnajịuphu, bụ Chipfu epfu baa: ‘Ọo gẹ mu nọ ndzụ gẹ mu nọ iya-a bụ g'ọ bụ ire-lanụ l'anwụhu onye ẹjo-iphe ta atsọjedu mu ụtso; ọ chia g'onye ẹjo-iphe haa ẹjo ụzo iya; bya adzụru ndzụ. Unu ghaa umere! Unu ghaa umere; haa ẹjo ụzo unu g'ọ ha! Oowaa! ?Bụ gụnu meru iphe, unu a-nwụshihu; unubẹ ndu Ízurẹlu?’

Hosiya 11:8

“Sụ-a; gụbe Ifuremu; ?dẹnukpoo gẹ mu e-shi haa ngu? Gụbe Ízurẹlu; ?dẹnukpoo gẹ mu e-shi woru ngu ye ndu ọzo l'ẹka? ?Dẹnu gẹ mu e-shi mee ngu gẹ mu meru ndu mkpụkpu Adama? ?Dẹnu gẹ mu e-shi mee ngu gẹ mu meru ndu mkpụkpu Zebowimu? Egomunggo lwaakwaru mu azụ. Ọoguakwa mu agụshi mu ike g'a sụ lẹ mu phụru ngu obu-imemini.

Jiowẹlu 2:13

Unu lajaa ọkpoma unu; ọ tọ bụdu alaja uwe! Unu lwapfuta Chipfu, bụ Chileke unu; kẹle oomeje eze-iphe-ọma; tẹme ọ nọdu aphụje obu-imemini! Ẹhu te eghujedu iya eghu ẹgwegwa; tẹme n-yemobu iya dụ shii. Tẹme ọphu oohejedu iya ihee eme gẹ nemadzụ jee iphe-ẹhuka.

Jiona 3:10

O be teke Chileke hụmaru iphe, ẹphe meru; waa g'ẹphe gude ghakọbe haa eme iphe-ẹji phẹ ono; ọ phụaru phẹ obu-imemini; ọphu o mebyishiẹduru phẹ g'o shi chịa dobe lẹ ya e-mebyishi phẹ.

Malakayi 3:6

“Sụ-a; mụbe Chipfu taa gbanwekwa agbanwe. Ọ kwa iphe ono meru g'o gude ọphu unubẹ oshilọkpa Jiékọpu achịhuduru.

Ọ́gú 23:19

Chileke ta abụkwa nemadzụ; k'ọphu ọo-bya adzụaha ụka. Ọphu ọ bụdu nwa ndiphe; kẹ g'ọ gbanwee uche iya. ?O pfujewaru opfu; ọphu o medụru g'o pfuru? ?O kwejeru ukwe-iphe; g'o to medzu ukwe-iphe ọbu?

Romu 11:29

Lẹ Chileke ta agbanwejekwa iphe, ọ rịhawaru k'ememe l'ẹhu ndu ọ họtaru g'ẹphe bụru ndu nkiya.

Efesọsu 4:30

Unu te emekwa Unme-dụ-Nsọ kẹ Chileke iphe aphụ. Kẹle ọ kwa Unme-dụ-Nsọ ono bẹ Chileke gude mee unu iphe-ọhubama dobe; kwabẹru mbọku, ya a-gbata unu.

Ditoronomi 32:29

Ọme l'ọ dụru mmamiphe, dụ phẹ l'ẹhu; mẹ iphe-a edokwa phẹ ẹnya. Mbụ m'ẹphe amakwaru-a g'o mechaa nwụaru phẹ teke ikpazụ.

Ditoronomi 32:36

Ọ kwa Chipfu a-harụ ndibe iya enge. Ọ bụru iya a-phụru ndu-ozi iya obu-imemini; mẹ ọ -hụmaepho l'ike ta adụedu phẹ mẹ nanụ; mbụ l'ọ tọ dụedu onye ghuduru nụ: ohu mẹ amadụ.

Ditoronomi 5:29

Ọme l'ọo kẹ g'obu phẹ dụwaro g'ọ dụ-a je asụru; mbụ g'ẹphe tsụje mu ebvu; dobe iphemiphe, mu tụru l'ekemu; mẹ iphe adụkwaru phẹ lẹ ree; yẹe ụnwu phẹ jasụ l'ojejoje!

Hiburu 3:10

Ọ bụru iphe ono meru g'o gude ọgbo teke ono mee ẹhu ghua mu eghu mu sụ: ‘Ndu-a bẹ egomunggo phẹ jephuhuakwaru ejephuhu; ọphu ẹphe amadụ iphe, mu sụru g'e meje.’

Hiburu 3:17

?Bụ ndu ole bẹ kpatsukpọerupho Chileke ẹhu eghu ụkporo apha labọ? ?Tọbudu ndu meru iphe-ẹji; e mechaa odzu phẹ dakaa l'echiẹgu?

Jiemusu 1:17

Iphe, aanụ anụnu, dụ ree waa iphe-ọma, adụdu ẹka ntụcha dụ iya shikọta l'imigwe. O shi l'ẹka Nna kẹ ìphóró imigwe, bụ iya bụ Nna ọphu te echibuhujedu g'ẹnyanwu abụjeru o -chibuhu; ọchi agbaahaa-a.

1 Sámẹlu 15:11

“Mu tarụ onwomu ụta lẹ mu meru Sọlu g'ọ bụru eze; kẹle ọ gbakụtawaru mu azụ; haa etso mbẹdua; ọphu o to mejedu iphe, mu tụru ekemu iya.” Iphe ono tsụa Sámẹlu l'ẹhu shii. Ọ rakọta ẹkwa l'ẹnyashi ono l'ophu raku Chipfu.

1 Sámẹlu 15:29

Chipfu, bụ iya bụ ọkpehu kẹ ndu Ízurẹlu bẹ ta abyakwa adzụ ụka; ọphu ọogba-nwedu iphe, dụ iya l'uche; noo kẹle ọ tọ bụdu nemadzụ mmanụ; k'ọphu bụ l'ọo-gbanwe iphe, dụ iya l'uche.”

1 Sámẹlu 15:35

Ọphu Sámẹlu te ejebaẹduru gẹ ya hụma Sọlu jasụru mbọku, yẹbe Sámẹlu nwụhuru. Iphe ono, Sọlu meru ono bụru aphụ tsọru Sámẹlu. Chipfu sụ lẹ ya tege emedu Sọlu eze ndu Ízurẹlu.