Mbụlembu 6:3 - BAYỊBURU Izii

³ Chipfu sụ: “Unme mu ta anọduhedu l'ime nemadzụ jasụru; noo kẹle ọ bụepho anụ-ẹhu mmanụ. E -shi nta-a bẹ iphe, nemadzụ a-nọje bụ ụkporo apha ishii.”

Mbụlembu 6:3 ပူးပေါင်းရင်းမြစ်များ

Mbụlembu 6:2

Ụnwu Chileke hụma ụnwada nemadzụ l'ẹphe ama mma; bya atụgbua je alụgbaa phẹ.

Nehemaya 9:30

Apha, dụ igwerigwe bẹ ị takọtaru phẹ nshi. Tẹme i gude Unme ngu lọo phẹ ẹka lẹ nchị shita l'ọnu ndu mpfuchiru ngu. Ọle ẹphe ta angadụru iya nchị. Ọ bụru iya meru g'o gude i woru phẹ ye l'ẹka ndu alị ọzo, bukube phẹ nụ.

Ebvu-ọma 78:39

Ọ nọdu anyatajẹ l'ẹphe bụ anụ-ẹhu; l'ẹphe bụ phẹrephere, ezi ezizi, ete eziphujehẹdu azụ m'o zighatawa.

Ebvu-ọma 90:10

Iphe, anyi anọ-bejeru bụ ụkporo apha ẹto l'apha iri. Teke ọ bụ onye ike dụ l'ọ nọ-rwua ụkporo apha ẹno. Ọle ọ bụ; iphe, ejije iya nụ abụkotajeerupho eje iphe-ẹhuka yẹe aphụ; ọphu ọ dụdu g'aanọ-bejeru l'ọ bvụ; ndzụ anyi ephukashịhu.

Azáya 5:4

?Bụ gụnu bẹ mu gege emebaaru opfu-vayịnu mu-a, bụ iphe, mu emeadaru; meru g'o gude mu lee ẹnya l'ọo-mịru mu mebyi, dụ ree; ọ bya amị amịmi bya amịa ẹjo mebyi.

Azáya 57:16

Mu taa nọduadaro l'epfu iphe, e meru mu jasụwaruro ya; ọphu ẹhu a-nọduadaro eghu mu eghu; ọdumeka bẹ ndzụ nemadzụ a-dụkwa nyẹgenyege l'iphu mu; mbụ unme nemadzụ, bụ mu gude ẹka mu mee ya dobe.

Azáya 63:10

Ọle ọ bụ; ẹphe jịkale-a l'ẹphe tee medu iphe, ọ sụru phẹ g'ẹphe mee; shi nno mee Unme-dụ-Nsọ nkiya iphe aphụ. Ọ bụru iya meru g'o gude ọ ghakọbe bya abụru onye opfu phẹ. Mbụ yẹbedua l'onwiya bya etsoaha phẹ ọgu.

Jieremaya 11:11

Ọo ya bụ lẹ-a; wakwa iphe, Chipfu epfu baa: Mu e-mekwa g'oke iphe-ẹhuka dapfuta phẹ; ọphu ẹphe anahụkwa iya. O betakpọo ẹphe raku mu; mu taa ngakwaru phẹ nchị.

Jieremaya 11:7

Eshi teke ono, mu dufutaru ndiche unu phẹ l'alị Ijiputu ono jasụ ntanụ-a bẹ mu shiẹkwapho lọta phẹ ẹka lẹ nchị; mu -lọchaa; mu alọbaa sụ phẹ: ‘Unu meje iphe, mu pfuru!’

Ọ́gú 11:17

Mu e-nyizeta byapfuta ngu l'ẹka ono; mu lẹ ngu epfugba opfu; mu aharu unme, dụ ngu l'ẹhu habọta woru ye ndu ono l'ẹhu nkephẹ; k'ọphu ẹphe e-yeta ẹka vubude ngu ivu ono; g'i ti vuhẹ iya nwẹkinyi ngu.

Jiọnu 3:6

Onye nemadzụ nwụru; mẹ iphe, shi l'ẹka nemadzụ tụkokwaru bụru kẹ nemadzụ. Onye Unme-dụ-Nsọ nwụru; mẹ iphe, shi l'ẹka Unme-dụ-Nsọ tụko bụkwanuru kẹ Unme-dụ-Nsọ.

Ndu-ishi-ozi 7:51

“Unubẹ ndu ẹjo ọkpoma-a; unubẹ ndu-a, l'adagbu opfu Chileke lẹ nkụchi-a; unu kpọ-chiru obu kpọ-chia nchị g'unu ta anụma ozi Chileke. Tẹme unu nọdu ajịkaje Unme-dụ-Nsọ gẹ ndiche unu phẹ jịkaru iya.

1 Tesalonayika 5:19

Unu ta agbanyịjekwa iphe, Unme-dụ-Nsọ eme.