Mbụlembu 5:22 - BAYỊBURU Izii

²² Ọ nwụchaa Metusela; yẹe Chileke bya aswịa ọswi ụkporo apha iri l'ise. Ọ nwụshikwapho unwoke yẹe ụnwanyi tsobe Metusela.

Mbụlembu 5:22 ပူးပေါင်းရင်းမြစ်များ

Mbụlembu 17:1

Ebiramu nọepho ụkporo apha ẹno l'apha iri lẹ tete; Chipfu byapfuta iya bya asụ: “Ọ kwa mbẹdua bụ Chileke, bụ Ọkwoolemkpa. Nọdunu mu ntse g'ụta ta adụ lẹ ndzụ ngu.

Mbụlembu 24:40

“Ọ sụ lẹ Chipfu ono, bụ onye ono, yẹ l'iya l'anọ ono bẹ e-duru-a ojozi iya ye gẹ mu l'iya swịru; k'ọphu oo-me g'ije mu nweru ishi. Ọo ya bụ; k'ọphu mu a-lụta nwanyị, shi l'ọkpa-ipfu phẹ; waa l'ẹnya unuphu phẹ gẹdegede dulataru nwa iya nwoke.

Mbụlembu 48:15

Ọ bya agọru Jiósẹfu ọnu-ọma sụ: “Gẹ Chileke ono, nna mu oche phẹ, bụ Ébirihamu; waa Áyizaku tsoru ụzo iya ono kebe ụnwegirima-a l'ọma. Mbụ Chileke ono, bụ Onye-nche mu e -shi teke a nwụru mu byasụ nta-a.

Mbụlembu 5:21

Inọku bya anọo ụkporo apha ẹto l'apha ise; bya abụru nna Metusela.

Mbụlembu 5:23

Mkpakọ apha, Inọku nọru bụru ụkporo apha iri l'ẹsato l'apha ise.

Mbụlembu 5:24

Inọku bẹ yẹe Chileke swịru ọswi. A nọnyaa; a hụma-buhu iya; ọ bụru Chileke kutaru iya.

Mbụlembu 6:9

Waa oshilọkpa Nuwa. Nuwa bụ onye bụe ya phọ bụ onye pfụberu-ẹka-ọto; ọphu ụta adụdu iya l'ẹhu lẹ ndu teke ono; tẹme ẹphe lẹ Chileke swịa ọswi.

1 Ndu eze 2:4

wafụa k'ọphu Chipfu e-meẹbe iphe ono, o kweru mu ukwe iya sụ: ‘Ọ -bụru l'ụnwu ngu kwabẹru onwophẹ ẹnya; gude obu phẹ g'ọ ha; mẹ ndzụ phẹ g'ọ ha pfụshia ike l'etsotso, ẹphe etso mu; bẹ nwa ngu nwoke ta abyadụ a-nọdu-buhuje l'aba-eze ndu Ízurẹlu anọ-dubuhu.’

2 Ndu eze 20:3

Gụbe Chipfu; nyatanụ gẹ mu bụ-be onye gude ire-lanụ; mẹ obu mu g'ọ ha tsoo ụzo nkengu; mẹ gẹ mu gude meberu iphe, dụ ree l'ẹnya ngu. Hezekáya raa ẹkwa kpọo pfụla pfụla.

Ebvu-ọma 116:9

k'ọphu mu a-nọdu ejephe g'ọ dụ mu l'iphu Chipfu l'alị ndu dzụ ndzụ.

Ebvu-ọma 128:1

Ẹhu-ụtso bẹ a gọru nụ iphe, bụkpoo ndu atsụ Chipfu ebvu; mbụ ndu bụ ụzo iya bẹ ẹphe etso.

Ebvu-ọma 16:8

Mu anọdujeepho arị kẹ Chipfu tekenteke. Tekenteke bẹ ọ nọ mu l'ẹkutara; k'ọphu a ta abyadụ enwubata mu enwubata.

Ebvu-ọma 26:11

Obenu lẹ ndzụ nkemu bẹ ụta ta adụdu m'ilile. Ọo ya bụ; phụnaaru mu obu-imemini; gbafụta mu rọ!

Ebvu-ọma 56:13

noo kẹle ị nafụtaru ndzụ mu l'ẹka ọnwu; bya emekwaphọ gẹ mu te vukota iphe daa iko. Ọo ya bụ gẹ mu azọo ije l'iphu Chileke l'ẹka ìphóró dụru ndu nọ ndzụ.

Ebvu-ọma 86:11

Jiko Chipfu; zinaa mu ụzo ngu; k'ọphu mu a-nọdu etso ụzo ire-lanụ ngu ono. Menaa g'ọriri mu ta agbashị mu ụzo ọtu l'ẹka ị nọ; k'ọphu mu a-nọdu atsụ ẹpha ngu ebvu.

Awụfu 16:4

Chipfu sụ Mósisu: “Mu e-shi l'imigwe dzeeru unu nri gẹ mini. Gẹ ndu Ízurẹlu lụfutaje mbọkumboku bya ekpota ọphu a-sụru phẹ eriri kẹ mbọku ono. Gẹ mu eshi ẹgube ono hụa phẹ ama; maru; ?ẹphe e-kweta-a meje iphe, mu tụru phẹ ekemu iya.

Ebvu Sólomọnu 1:4

Duta mu; g'anyi tụgbu-kebe! Eze bẹ dubatawaru mu l'ụlo iya; mbụ l'ẹka anyi a-nọdu; ẹhu atsọo anyi ụtso; anyi etee ẹswa ngu; bya abụru ẹka anyi a-tụko nọdu jaa n-yemobu ngu ajaja jaghata g'aajajẹ mẹe. Ọ gbarụpho g'ụnwumgboko yeje ngu obu!

Hosiya 14:9

“?Bụ onye bụ onye maru iphe? G'ọ nwụtakwa iphe l'iphe-a! ?Bụ onye bụ onye iphe, edoje ẹnya ree? G'ọ tụkokwa doo ya ẹnya! L'ụzo kẹ Chipfu dụkotakwa nhamụnha. Ọ bụru ndu pfụberekoto eshi iya. Obenu lẹ ndu eme ẹjo-ememe bẹ ụpfu adụje m'ẹphe -je iya eshishi.”

Ndu Uke 26:12

Mu a-nọdu ejephe l'echilabọ unu; mu abụru Chileke unu; unu abụru ndibe mu.

Émọsu 3:3

Ụmadzu ẹbo ?ẹphe aswịje ọswi mẹ ọ bụdu l'ẹphe zụru mgbede l'ẹphe a-wata aswị ọswi?

Mayịka 4:5

Ọhamoha ọzo g'ẹphe ha a-nọdukwaro ejegbaa l'ọbvu; agwa nshi phẹ; obenu l'anyịbedua bụ onye anyi e-gude ẹpha iya eje bụ Chipfu, bụ Chileke anyi jasụ l'ojejoje.

Mayịka 6:8

O goshiakwaru gụbe nemadzụ iphe, dụ ree k'ememe. ?Bụkwanu gụnu bụ iphe, Chipfu ele ẹnya iya l'ẹka ngu, abụdu g'i meje umere, pfụru ọto; l'i yee ẹnya l'aphụ obu-imemini; l'i woze onwongu alị; etso Chileke ngu.

Malakayi 2:6

Iphe, ẹphe shi ezije bụru iphe, bụ ọkpobe opfu; ọphu ọ dụdu ntuphu-ire, a nụmajeru phẹ l'ọnu. Mu l'ẹphe swịkpoo ọswi; ẹhu dụ phẹ guu; tẹme ọ bụerupho iphe, pfụru ọto bẹ ẹphe shi emeje. Ẹphe mee ikpoto nemadzụ; ẹphe haa iphe-ẹji phẹ.

Luku 1:6

Ẹphenebo tụkoru bụru ndu pfụberekoto l'iphu Chileke; emeẹbekota ekemu Chileke g'ọ ha bya etsokọtakwapho nsọ Chileke g'ọ ha. Ẹphe te emejeduru iphe, a tarụ phẹ ụta.

Ndu-ishi-ozi 9:31

Ọ bụeru iya phọ bụ lẹ nchị adụ Chịochi doo kẹ nwa teke ono, bụ iya bụ ndu ọphu nọkota lẹ Jiudiya mẹ Gálili mẹ Samériya. Chịochi nọdu apalihu aka eshihu ike eje. Ẹphe nọdu eme uche Chileke. Unme-dụ-Nsọ nọdu eyekwaru phẹ nemadzụ k'ọphu obu ka phẹ eshihu ike.

Romu 8:1

Ọo ya bụ lẹ ntamanụ-a bẹ ọ tọ dụedu ikpe, nmakwadụru ndu nọ l'ẹka Kéreshi Jizọsu; ndu te emeẹdu iphe, agụ phẹ ẹgu ememe; gbahaa iphe, Unme Chileke sụru g'ẹphe mee.

1 Kọrentu 7:17

Ọo 'ẹpho g'onyenọnu mejeẹpho iphe, Chileke keru nụ iya g'o meje; mejekwa iya phọ gẹ Chileke sụru g'o meje iya teke o kuru iya. Ono bụ ekemu, mu atụ edoberu iphe, bụkpoo Chịochi, nọ l'ẹkameka.

2 Kọrentu 6:16

Sụ-a; ?dẹnu g'eeshi wota eze-ụlo Chileke yẹe ụlo-nshi dogbabẹ? Ọ kwa anyi bụ eze-ụlo Chileke; mbụ Chileke ọphu nọ ndzụ. Lẹ Chileke pfukwaru iya l'onwiya sụ: “Mu e-buru eburu l'ime phẹ tsojeru phẹ eje ẹkameka, ẹphe eje. Mu abụru Chileke, doberu phẹ nụ; ẹphe abụru ndibe mu.”

Efesọsu 5:15

Ọo ya bụ; unu kwakwaa ẹnya l'ẹgube umere, unu emeje nta. Unu meje gẹ ndu maru iphe; te emehẹ gẹ ndu amadụ iphe.

Ditoronomi 13:4

Ọ kwa Chipfu, bụ Chileke unu bụ onye unu e-tsojeru; ọ bụru iya kpoloko kpẹekpu bụ onye unu a-tsụje ebvu. Unu dobeje ekemu iya; ngabẹjeru iya nchị; jeeru iya ozi; chịjeru ụpfu kwẹe ya.

Ditoronomi 28:9

“Chipfu e-me g'unu ngụru angụru; mee unu g'unu bụru ndu dụru iya nsọ, bụ iphe, o rifuhawaru unu angụ iya; ọle ọ kwa mẹ ọ -bụru l'unu e-dobe ekemu Chipfu, bụ Chileke unu; bya etsokwaphọ ụzo, ọ tọru.

Ditoronomi 5:33

Unu tụkojekwa ụzo ono shije; mbụ ụzo ono, Chipfu, bụ Chileke unu sụru g'unu shije ono; k'ọphu unu a-nọdu ndzụ; waa k'ọphu iphe adụru unu lẹ ree; wafụa k'ọphu unu a-karọ nka l'alị ono, unu e-nworu ono.”

Kọlosi 1:10

Ọo ya bụ g'unu emejekwanụ umere, l'e-me gẹ ndzụ unu l'ophu bụru iphe, unu l'e-gude akwabẹ Chileke ùbvù; tẹme unu emekwaphọ iphe, dụ Chileke ree l'iphemiphe, unu eme ememe. Unu eshi ẹgube ono meje iphe, bụkpoo iphe-ọma tekenteke; kakwaphọ amarweta onye Chileke bụ.

Kọlosi 4:5

Unu meje umere ndu maru iphe l'iphu ndu abụdu ndu kẹ Kéreshi. Unu ta ahajẹkwa ụzo dụru unu g'ọ laa kẹ mmanụ.

1 Tesalonayika 2:12

sụ g'unu meje iphe, dụ Chileke ree; mbụ onye ono, kuru unu g'unu bata l'ẹka ya bụ eze; waa l'ọdu-biribiri iya ono.

1 Tesalonayika 4:1

Ụnwunna anyi; iphe ọzo, anyi nọ l'ẹka Nnajịuphu anyi bụ Jizọsu epfuru unu epfushiru iya unu ike bụ l'iphe, unu nwụtaru l'ẹka anyi bụkwa g'unu l'e-shi gude ndzụ unu eme iphe, dụ Chileke ree emeshi iya ike. Ọ bụerupho iphe ono bẹ unu emeẹpho. Nta-a bụkwa g'unu kabaa ya emeshi ike.

1 Jiọnu 1:7

Obenu teke anyi bu l'ìphóró gẹ yẹbedua nọ l'ìphóró-a; ọo ya bụ l'anyi lẹ nwibe anyi tụgbaru; mee Jizọsu, bụ iya bụ Nwa Chileke nọdu asafụkotaje anyi iphe-ẹji, anyi meru g'ọ ha.