Mbụlembu 49:9 - BAYỊBURU Izii

⁹ Gụbe Jiuda bụ nwa oduma ẹgbara. Gụbe nwa mu; i shiwaa l'ẹka i gbushiru iphe, i riru lwa. Nta-a bẹ o gbushiwaru ikpere zẹ azẹe g'oduma; mbụ g'akahụ oduma; ?bụ onye sụru iya ekute?

Mbụlembu 49:9 ပူးပေါင်းရင်းမြစ်များ

1 Ndu eze 10:20

A kpụa oduma iri l'ẹbo pfụbechaa ibekẹboebo l'eli ntọkpa ishi ono, e shije enyikota aba-eze ono. Ọ tọ dụdu aba-eze ọzo, e mejewaru; ọ dụ ẹgube ono.

2 Iphe, ndu eze meru 9:18

Aba-eze ono bẹ bụ ntọkpa ishii; bya enweru okposhi, e meru lẹ mkpọla-ododo ye iya g'a tukobeje ọkpa. E meru iya ẹka aatukobeje ẹka ibekẹbo; kpụa oduma labọ pfụ-kubecha iphe ono, aatukobeje ẹka ono ẹphenebo.

Ezekẹlu 19:5

Ne iya ahụma l'iphe, ọ tụberu te ejedu g'ọ tụberu iya; o duta nwa iya lanụ ọzo; hekwaa hefuta; ọ bụru oduma, ọkpehu dụ.

Hosiya 5:14

Noo kẹle mu a-dụ g'oduma l'ẹhu ndu Ifuremu. Mu adụ g'oke oduma l'ẹhu ndu Jiuda. Mu a-lakashị phẹ iphiriba iphiriba jeshia iphe, mu eje. Mu agụ-lia phẹ tụgbua; ọ tọ dụdu onye anafụ phẹ l'ẹka mu.

Hosiya 5:4

“Iphe, ẹphe emegbabẹ te ekwedu haa phẹ g'ẹphe lwapfuta Chileke phẹ; kẹle agba ụkpara nọ phẹ l'ọkpoma; ọphu ẹphe amadụ Chipfu.

Mayịka 5:8

Oshilọkpa Jiékọpu ndu ọphu warụ nụ l'a-nọdu l'echilabọ ndu-ọhozo bụru oduma, nọ l'echilabọ anụ-ẹgbudu; mbụ l'ẹphe a-dụ gẹ nwa oduma, ẹphe l'atụru gharu ẹghirigha, abụjeru ọ -nọdu eje l'ọolajashi iphe, o guderu; ọphu ọ dụdu onye adụje ike dzọo iphe, dabarụ iya l'ẹka.

Ọ́gú 23:24

Sụ-a; ndu Ízurẹlu angụ-lihuje gẹ ne oduma. Ẹphe anọduje ebu nggada g'oduma; mbụ oduma, ta azẹjedu azẹe jasụ l'ọ labushia anụ eriri iya; mbụ jasụ l'ọ ngụa mee-iphe, o guderu.”

Ọ́gú 24:9

Ízurẹlu bẹ nmakpuru anmakpuru; bya azẹe l'alị g'oduma. Ẹphe dụ gẹ ne oduma; ?bụ onye a-dụ ike kpatsu phẹ? G'iphe, bụ ndu gọru ụnwu Ízurẹlu ọnu-ọma bụkwaru ndu a gọru ọnu-ọma nụ. G'iphe, bụ ndu tụru unu ọnu bụkwaru ndu a tụru ọnu.”

1 Kọrentu 15:24

E -mechaa; l'a byarwuta lẹ teke ikpazụ, bụ teke Kéreshi e-woru ike, o gude bụru eze ye Chileke, bụ Nna l'ẹka; teke ono bẹ oo-mewaa g'ike bvụkota iphe, bụkotakpoo ọchi-ọha mẹ ọ-nọ-l'oke-ọkwa mẹ o-gude-ike g'ẹphe ha.

Ditoronomi 33:20

Ọkpa-ipfu Gadu bẹ o pfuru nkiya; sụ: “G'ajaja bụru k'onye meru g'alị Gadu jaa àjàjà. Ipfu Gadu tọkpoepho nwẹhu zẹ; kụpyabe ishi g'oduma. Iphemiphe, ọ hụmaru bẹ oozijashịje ẹka; zijashịa ya ishi.

Ọphulenya 5:5

Tọbudu iya bụ; onye lanụ l'ime ndu bụ ọgerenya ono sụ mu: “Ta arashị ẹkwa! Lekwa l'onye ono, bụ Oduma kẹ Jiuda; mbụ oshilọkpa Dévidi ono lwụakwaru ọgu ono lwụta. Ọ bụru iya bụ onye a-dụ ike phụhaa ẹkwo ono, a phụru aphụphu ono nyashịa ya iphe-ọhubama ẹsaa ono, e gude nyachia ya ono.”