Mbụlembu 49:6 - BAYỊBURU Izii

⁶ Mu ta abyakwa ayịru l'ìdzù, ẹphe achị; ọphu mu abyakwa anọdu l'echilabọ phẹ; noo kẹle ẹphe gude ẹhu-eghu gbushia nemadzụ; bya egbubushia oke-eswi akwara azụ ọkpa k'iwashị.

Mbụlembu 49:6 ပူးပေါင်းရင်းမြစ်များ

Mbụlembu 34:30

Tọbudu iya bụ; Jiékọpu sụ Simiyọnu; yẹe Lívayi: “Ẹgube iphe-ẹhuka ọphu unu wobatakwanụru mu nta-a! Nta-a bẹ unu meru gẹ mu bụru onye eshi ndu Kénanu; yẹe ndu Pẹ́rezu ishi; mbụ ndu bu l'alị-a. ?Ọ kwa l'unu maru-a l'anyi parụ nwanshịi? Ọ -bụru l'ẹphe chigbabẹru onwophẹ byapfuta mu ọgu bẹ mu lẹ ndibe mu a-bụkwaru mkpurupyata!”

2 Sámẹlu 8:4

Dévidi nata iya ụgbo-ịnya, dụ ụnu labọ l'ụkporo iri; bya anatakwa iya phọ ndu ojọgu o-je-l'ọkpa, dụ ụkporo ụnu ugbo labọ l'ụnu iri.

1 Iphe, ndu eze meru 18:4

Dévidi natarụ iya ụgbo-ịnya, dụ ụnu labọ l'ụkporo iri; bya anata iya ndu agba l'ịnya, dụ ụnu iri l'ẹsaa l'ụkporo iri; bya anatakwa iya phọ ndu ojọgu o-je-l'ọkpa, dụ ụkporo ụnu ugbo labọ l'ụnu iri. Dévidi tụko ịnya, anọduje alọkpu ụgbo-ịnya gbubushikọta akwara azụ ọkpa; bya eworu ụkporo ise dobe.

Ebvu-ọma 1:1

Ẹhu-ụtso bẹ a gọru nụ onye ono, yẹe ndu ẹjo-iphe ta achịdu idzu lanụ; ọphu ooshiswetajẹdu ụzo ndu iphe-ẹji; ọphu ọ nọdujedu l'ẹka ndu epfubyishi kẹ Chileke nọ;

Ebvu-ọma 103:1

Gụbe obu mu; tua Chipfu ẹpha. Iphe, bụkpoo iphe, dụ mu l'ime ẹhu; tua onye ono, ẹpha iya dụ nsọ ono ẹpha.

Ebvu-ọma 139:19

Gụbe Chileke; ọ dụ mu g'a sụ l'ị tụkoru ndu ẹjo-iphe gbushia. Unu parụ mu haa; unubẹ ndu ono, egbu ọchi anọduje agụ g'onye mini agụ ono.

Ebvu-ọma 16:9

Noo g'o gude ẹhu nọdu atsọ mu ụtso. Mu nọdu ete ẹswa l'ime obu mu; kẹle ọ tọ dụdu iphe, byaru emebata mu nụ.

Ebvu-ọma 26:9

Ba sakọbekwa mu lẹ ndu iphe-ẹji ọ-sa-mpfụ; ọphu i dobekwa mu lẹ ndu egbu ọchi l'oshi lanụ;

Ebvu-ọma 28:3

Ba tụkokwa mu lẹ ndu ẹjo-iphe kpụta kpụfu; mbụ ndu anọduje eme iphe, adụdu ree; ndu anọduje epfuru nemadzụ ibe phẹ opfu ẹmereme l'eli ọnu; obenu l'iphe, dụ phẹ l'obu bụ mgbashị.

Ebvu-ọma 30:12

Iphe ono bụkpoerupho g'ee-shi g'obu mu agụaha ebvu gude etu ngu ẹpha; g'ọ tọ nọhe nggujingguji. Gụbe Chipfu, bụ Chileke mu; ọo ngu bẹ mu a-nọduje ekele jasụ l'ojejoje.

Ebvu-ọma 42:11

Gụbe obu mu; ?dẹnu g'o gude ị nọdu kpọyoo? ?Dẹnu g'o gude ị nọdu etsu mu ophe? G'ẹnya ngu dụ l'ẹka Chileke nọ; kẹle mu e-mechaa kele iya ekele; mbụ onye bụ iya bụ onye adzọje mu nụ; bya abụru Chileke mu.

Ebvu-ọma 42:5

Gụbe obu mu; ?dẹnu g'o gude ị nọdu kpọyoo? ?Dẹnu g'o gude ị nọdu etsu mu ophe? G'ẹnya ngu dụ l'ẹka Chileke nọ; kẹle mu e-mechaa kele iya ekele; mbụ onye bụ iya bụ onye adzọje mu nụ;

Ebvu-ọma 43:5

Gụbe obu mu; ?dẹnu g'o gude ị nọdu kpọyoo? ?Dẹnu g'o gude ị nọdu etsu mu ophe? G'ẹnya ngu dụ l'ẹka Chileke nọ; kẹle mu e-mechaa kele iya ekele; mbụ onye bụ iya bụ onye adzọje mu nụ; bya abụru Chileke mu.

Ebvu-ọma 5:10

Jiko Chileke; menaa g'iphe-ẹji, ẹphe eme tukoru phẹ l'ishi! G'idzu, ẹphe chịru nmakwaa phẹ g'ọ́nyà. Chịshichaa phẹ Chileke; noo kẹle ẹphe kwefunụkawaru ngu ike; tẹme ẹphe nọdu anọduje atụpya ngu tekenteke.

Ebvu-ọma 57:8

Obu mu; tehu nwụru ẹnya. Unu tehu nwụru ẹnya; unubẹ ogelenda yẹe une; kẹle mbẹdua e-gudekwa ebvu kutee gẹregere nchi-abọhu lẹ mgbẹnya.

Ebvu-ọma 64:2

Domia mu g'ẹjo-idzu, ndu ẹjo-iphe achịru mu te erwu mu l'ẹhu; mbụ hanyịhanyi, ẹphe aba ekpu mu; mbụ ndu eme ẹjo-ememe.

Ẹkwo Ẹtu 1:11

Ọ -bụru l'ẹphe sụru ngu g'ị bya etsoru phẹ; g'unu je egeparu gbua nemadzụ; mbụ g'unu je edomia onwunu kwabẹru onye adụdu iphe, o meru;

Ẹkwo Ẹtu 12:5

Iphe, ndu pfụberekoto tụberu k'ememe abụjeru iphe, pfụru nhamụnha. Obenu l'ìdzù ndu ẹjo-iphe achị bụkota ụghoshi.

Jieremaya 15:17

Mu teke anọdu-swekwaa l'ẹka ndu mgbọnu dọru; ọphu mu l'ẹphe eke anọdu-swekwa eme ẹmereme. Mu anọduje anọepho nkịnyi mu; kẹle mu maru l'ẹka ngu tụ-koru mu l'ẹhu; tẹme i mewaa; ẹhu nọdu eghushi mu eghu ike.

Jieremaya 4:19

Ẹpho mu-o! Ẹpho mu-o! Ọolokwa mu ẹka lẹ meji. Meji edekwa mu kukuku l'ime mu. Mu ta adụkwa ike edobe ọnu doo; kẹle mu nụmawaru opu-ọgu. Mu nụmawaru mkpu, eechi l'iphu ọgu.

Luku 12:19

Noo ya bụ; mu asụ ndzụ mu; ẹku abyakwaru ngu! Ọwa-a bụkpokwaa iphe, a-sụru ngu eri apha, dụ igwerigwe. Tụta unme nta; ria ngụa g'ẹhu tsọo ngu ụtso!”

2 Kọrentu 6:14

Unu lẹ ndu ekwedu kẹ Chileke ta atụgbakwa bụru nanụ. Kẹle-a; ?bụ gụnu bẹ apfụbekoto yẹle eme ẹjo-ememe gude bụru nanụ? ?Dẹnu g'ìphóró yẹle ọchii e-shi dogba ẹhu?

Ditoronomi 27:24

“ ‘Mburọnu dụru onye gburu nemadzụ ibiya lẹ mpya!’ “Ndu Ízurẹlu atụko g'ẹphe ha sụ: ‘G'ọ dụ ẹgube ono-o!’

Jioshuwa 11:9

Jioshuwa mee phẹ gẹ Chipfu sụru g'ẹphe mee phẹ. Ẹphe tụko ịnya phẹ bushikọta akwara azụ ọkpa; bya achịkobe ụgbo-ịnya phẹ tụa ọku.

Ikpe 5:21

Ẹnyimu Kishọnu tụko phẹ kpota; mbụ ẹnyimu shi l'ichee ono, bụ iya bụ ẹnyimu Kishọnu. Gụbe obu mu; gude ike zọru je l'iphu!