Mbụlembu 49:10 - BAYỊBURU Izii

¹⁰ Jiuda ta abụ-buhuduru eze abụ-buhu; ọphu mgbọro-eze ono abyadụ alụfu iya alụfu lẹ mgbaka ọkpa; gbiriri jasụ teke onye ọ kụru ishi l'ẹka a-bya. Ọ -byaẹpho bẹ ọha l'ophu a-ngabẹru iya nchị.

Mbụlembu 49:10 ပူးပေါင်းရင်းမြစ်များ

Ọ́gú 24:17

Mu hụmaru onye ono; ọle ọ tọ bụdu nta-a. Mu ele onye ọbu ẹnya; ọle ọ tọ nọdu ntse. Kpokpode bẹ e-shi l'ọnulo Jiékọpu fụta. Mgbọro-eze bẹ a-fụta lẹ Ízurẹlu. Mówabu bẹ ọo-tụko egedegee ọnu-iphu gwee arakabya. L'ọo-tụko ụnwu Sheti l'ophu mebyishikọta.

Azáya 9:6

kẹle a nwụru anyi nwaswa; mbụ l'a nụru anyi nwa nwoke. Ọ bụru iya bụ onye a-bụru onye-ishi. Iphe, aa-nọdu eku iya bụ “Onye mkpozi-ụzo, dụ biribiri”; yẹe “Chileke, bụ Ọkalibe-Kakọta-Ike”; waa “Nna-ojejoje”; waa “Onye-ishi, eme gẹ nchị dụ doo”.

Azáya 42:1

Chipfu sụru-a: “Wakwa onye-ozi mu, bụ onye mu gudeshi; mbụ onye mu họtaru; bya abụru onye emeje g'obu jidata mu. Mu yeakwaru iya Unme mu l'ẹhu. Oo-goshi ọhamoha iphe, bụ ikpe, pfụru ọto.

Ebvu-ọma 60:7

Giladu bụ nkemu; Manásẹ bụkwarupho nkemu. Ifuremu bụ okpu, mu kpu l'ishi. Jiuda bụkwanuru mgbọro-eze, mu apajẹ l'ẹka.

Azáya 33:22

Noo kẹle ọo Chipfu bụ onye-ikpe k'anyi. Mbụ l'ọo Chipfu l'atụru anyi iphe, anyi a-nọdu eme. Tẹme ọ bụru Chipfu bụ onye eze k'anyi. Ọo ya bụ onye a-dzọta anyi.

Hiburu 7:14

A makahakwaru lẹ Nnajịuphu anyi shi l'ọkpa-ipfu Jiuda. Ọphu ọ dụdu teke Mósisu photajẹru Jiuda teke o pfuru opfu kẹ ndu-uke Chileke.

Zekaraya 10:11

Ẹphe a-ghata eze-ẹnyimu iphe-ẹhuka ono; ọle ọtu-kpereree mini ono bẹ aa-byanyị; tẹme ogbu-mini ẹnyimu Nayịlu l'ophu atahụkota gbengu. Eku-onwonye ndu Asiriya abụru iphe, e wozeru alị; tẹme ike ono, shi dụ ndu Ijiputu ono abụru phuchamu.

Ezekẹlu 21:27

Ọo mkpurupyata! Ọo mkpurupyata! Mu e-me mkpụkpu ono g'ọ bụru mkpurupyata; ọphu a ta abyadụ akpụkwabaa ya akpụkwa; jeye teke onye bụ iya bẹ ọ gbaru k'enweru mkpụkpu ono a-bya; mu eworu iya nụ iya.

Ọphulenya 11:15

Tọbudu iya bụ; ojozi-imigwe k'ẹsaa bya egbua opu-ọgu nkiya. Ikeropfu swọshihu l'imigwe asụje: “Nta bẹ ike k'alị-eze ụnwu eliphe l'ophu bụakwa kẹ Chileke anyi yẹe kẹ Kéreshi iya ono, bụ eze, o woru mgboko ye l'ẹka ono. O je l'abụru eze jasụ lẹ tuutuutuu lẹ mịimiimii.”

Romu 15:12

Tẹme Azáya byakwaphọ bya epfua sụ: “Oshilọkpa Jiesi l'a-bya! Ọo ya e-tsefuta bya abụru eze k'iphe, bụ ndu bụ ndu abụdu ndu Jiu. Ọ bụru iya bụ onye ẹphe a-nọdu ele ẹnya iya.”

Jiọnu 12:32

Mbẹdua bẹ teke ono, ee-shi l'alị wolia mu eli ono bẹ mu a-tụko onyemonye sekuta g'ẹphe tsoru mu.”

Zekaraya 2:11

Ọha, dụ igwerigwe bẹ a-tụgbabekwa onwophẹ ẹphe lẹ Chipfu mẹ o -rwua mbọku ono; ẹphe abụru ndibe mu. Mu e-buru l'echilabọ unu; k'ọphu unu a-maru l'ọo Chipfu, bụ Ọkalibe-Kakọta-Ike bẹ ziru mu gẹ mu bya.

Jieremaya 30:21

Onye eze phẹ a-bụru onye lanụ l'ime ndibe phẹ. Onye a-bụru onye-ishi phẹ abụru l'echilabọ phẹ bẹ oo-shi. Mu a-kpụritaru iya; l'ọobya anọdu mu ntse; kẹle-a: ?bụ onye sụru g'oo-dobe onwiya iche bya bya anọdu mu l'iphu? Ọ kwa Chipfu epfu iya.

Azáya 11:10

O -rwua teke ono bẹ ọgbarabvu Jiesi ono a-bụru ẹkwa-ọhubama k'ụnwu-eliphe. Ọ bụru iya bẹ ọhamoha a-nọduje agba agbapfu; ọkpoku iya a-dụ akpabiri l'ẹnya.

Jiọnu 19:15

Ẹphe tụshia ụzu sụ: “Pfụ-gbua ya! Pfụ-gbua ya! Pfụ-gbua ya!” Payịleti jịa phẹ sụ phẹ: “?Unu sụru gẹ mu pfụ-gbua onye eze unu?” Ndu-ishi uke Chileke sụ: “Anyi te enwekwa eze ọzo; abụdu eze nnajịoha.”

Matiyu 1:21

E -mechaa bẹ ọo-nwụ nwa-nwoke. Iphe, ịi-gụ iya bụ Jizọsu. Noo kẹle ọo-dzọta ndu nkiya l'ẹka iphe-ẹji, ẹphe meshiru.”

Azáya 62:11

Lenu; Chipfu raakwaru iya; o jedzuru mgboko jasụ l'ẹka igwe beru alị beru sụ: “Unu sụ ndu Zayọnu g'ẹphe hụmakwa l'onye ndzọta phẹ abyakwa! O gudekwa obunggo iya; bya egude iphe, oo-gude pfụa ụgwo.”

Hosiya 11:12

“Ndu Ifuremu gudeakwa adzụ ụka gbaphee mu mgburugburu. Ọnu-ụlo Ízurẹlu nọdu agbaru mu ẹregede. Obenu lẹ ndu Jiuda bẹ Chileke maru; mbụ lẹ ẹphebedua bẹ Onye Nsọ ono gudekwadụ ire phẹ ẹka.”

Azáya 60:1

Gbalihu agbalihu! Wata egbu nwịinwii; kẹle ìphóró nkengu byawaru! Tẹme Chipfu nọdu egbuwa nwịinwii l'ẹhu ngu!

Azáya 2:2

Sụ-a; o -rwua teke ikpazụ bẹ ee-me g'eli úbvú ono, a kpụru eze-ụlo Chipfu ono ngụru angụru; mee ya g'ọ bụru eze l'ẹka iphe, bụkpoo úbvú ọzo nọgbaa. Mbụ l'ee-me iya g'ọ kakọta úbvú ọzo l'eli. Noo teke ọhamoha a-nọdu awụ awụ-pfu iya.

Ebvu-ọma 108:8

Giladu bụ nkemu; Manásẹ bụkwarupho nkemu. Ifuremu bụ okpu, mu kpu l'ishi. Jiuda bụkwanuru mgbọro-eze, mu apajẹ l'ẹka.

Ọ́gú 21:18

Ọo ndu-ishi bvuru wẹlu ono; mbụ l'ọo ndu a maru ẹpha phẹ lẹ Ízurẹlu bẹ tụru iya nụ. Ọ bụru mgbọro ndu eze; mẹ mgbọro ndu a maru ẹpha phẹ bẹ ẹphe gude bvua ya.” Tọbudu iya bụ; ẹphe shi l'echiẹgu jeshia Matana;

Matiyu 25:32

Teke ono bẹ ndiphe mgburugburu e-dzukọta l'iphu iya. L'ọobya eworu phẹ họo g'onye eche atụru, l'ahọshije eghu l'ẹka atụru iya kụru; dobe phẹ iche iche-a.

Matiyu 21:9

Ikpoto ndu awụ etso iya l'azụ mẹ ndu ọphu nọ iya l'iphu nọdu akpọ okwe asụje: “Nwa Dévidi, deejee! Deejee! Owoo! Onye Chileke gọru ọnu-ọma nụ bẹ ọ bụ; mbụ onye ono, bụ Nnajịuphu ziru iya g'ọ bya ono. Deejee! Deejee! Ọkalibe-kangokọtaru-nụ, shi l'imigwe!”

Matiyu 17:5

Ọ kpụkwaduru-a iphe ono l'ọnu epfu; urwukpu, chagburu ụcha bya asọ-kputa phẹ. Olu-opfu shi l'urwukpu ono dafụta sụ: “Onye ọwa-a bụ nwa mu nwoke. Mu yeru iya obu. O jiru mu ẹpho. Unu nụmajekwa iphe, oopfu!”

Hagayi 2:7

Mu a-nma ọhamoha l'ophu yigayiga. Onye ono, ọhamoha ele ẹnya iya ono abya. Mu emee g'akpabiri iya ji ụlo-a l'ophu. Ọ kwa iphe, Chipfu, bụ Ọkalibe-Kakọta-Ike eepfu.

Danẹlu 9:25

“Ọwa-a bụ iphe, ịi-maru; yẹe iphe, e-do ngu ẹnya: E -shi teke ono, a tọru ọkpa sụ g'e mee Jierúsalẹmu g'ọ dụ g'o shi dụ; g'a kpụ-phu iya azụ; gbiriri jasụ teke k'onye ono, a wụru manụ l'ishi ono; mbụ onye ono, bụ onye-ishi ono, a-byanụ ono; bẹ a-bụru ugbo ẹsaa ẹsaa ugbo ẹsaa; yẹe ẹsaa ẹsaa ugbo ụkporo ẹto l'ẹbo. Teke ono bẹ aa-kpụ-phu iya azụ; tọo ya oji; tụa ya owere; ọle ọo-bụru teke aa-nọdu eje iphe-ẹhuka.

Ezekẹlu 19:14

Ọku bya eshi l'ẹkali iya lanụ gbanwuhu; kepyashịchaa akpụru iya. Ọphu o nweẹdu ẹkali, shihuru ike, nọkwadu iya nụ; mbụ ọphu dụkwadu ree k'abụru mgbọro onye eze. Ọwa-a bụ ebvu-aphụ g'e rwujekwa iya erwubvu.”

2 Kọrentu 5:10

Lẹ g'anyi hakọtakpoo; byafụtajekwa bya apfụru l'iphu Kéreshi mẹ ọ -byaẹpho ekpe ikpe. Ọo ya bụ; g'onyenọnu a-nata iphe, rwuberu iya nụ; m'ọ bụ k'ọma-o; m'ọ bụ ẹjo iya-o; onyenọnu anata ụgwo iphe, o meru teke ọ nọ ndzụ lẹ mgboko-a.

Jiọnu 19:12

Payịleti nụmachaepho iphe ono; ọ chọkashiahaa g'oo-me haa ya. Obenu lẹ ndu Jiu chishiru sụ: “Ị -haa nwoke-a; l'a maru l'ị nọru eze nnajịoha lẹ njọ; kẹle onye, gude ẹka iya mee onwiya eze bụakwaa ọhogu eze nnajịoha.”

Jiọnu 18:31

Payịleti sụ phẹ: “Unu kpụta iya unubẹdua je egude ekemu-alị unu kpee ya ikpe.” Ndu Jiu sụ iya: “A tụkwaru anyi ekemu sụ g'anyi ta apfụ-gbujekwa nemadzụ.”

Ezekẹlu 19:11

Ẹkali iya ono shihukọta ike; dụepho ree kẹ g'ọ bụru mgbọro onye eze. Ọ jakpọo dụ kpuchii kakọta ẹpfukala ọzo shii. Ụba iya kakọta ẹpfukala ọzo l'eli k'ọphu o sengoru iphemiphe ọzo barụ ụba l'ọswa.

Jiọnu 9:7

sụ iya: “Tụgbua je aswaa iphu l'okpuru Sayilowamu,” bụ iya bụ okpuru, aza “onye e ziru ozi.” Tọbudu iya bụ; ọ tụgbua je aswaa iphu l'okpuru ono. Ọ lwaphutashia azụ; ọ nọdu aphụwaa ụzo.

Ditoronomi 28:57

Ụnwu, ọo-nọdu anwụshi; mẹkpoo eze, l'etsoje nwa bẹ oo-meje lẹ mpya gẹ ya atụko iya taa nkịnyi iya. Ọ bụru iphe, a-kpa iya nụ bụ ọkpa-nri, a-dụ nụ; yẹe iphe-ẹhuka, ndu ọhogu unu e-me g'unu jee teke ono, ẹphe a-nọ-phe mkpụkpu unu mgburugburu ono.

Jieremaya 33:26

mẹ mu ajịka oshilọkpa Jiékọpu; yẹe kẹ Dévidi, bụ onye-ozi mu; ọphu mu tege ahọtadu onye lanụ, bụ nwa iya nwoke g'ọ bụru ishi ndu bụ oshilọkpa Ébirihamu; yẹle kẹ Áyizaku; yẹle kẹ Jiékọpu; kẹle-a; mu e-dophu phẹ azụ l'ọnodu phẹ bya aphụaru phẹ obu-imemini.”

Ọ́gú 24:19

Onye-ishi bẹ e-shi l'ọnulo Jiékọpu fụta; bya emebyishia ndu ọphu phọduru nụ lẹ mkpụkpu ono.”

2 Sámẹlu 7:13

Ọ bụru onye ono bẹ a-kpụru mụbe Chileke ụlo. Mu emee g'aba-eze iya ngụru angụru jasụ lẹ tuutuutuu lẹ mịimiimii.

2 Sámẹlu 7:16

Ọnu-ụlo ngu waa alị-eze ngu bẹ e-keru ekeru l'iphu mu jasụ lẹ tuutuutuu lẹ mịimiimii. Mbụ-a; aba-eze ngu bẹ ee-me g'ọ ngụru angụru jasụ lẹ tuutuutuu lẹ mịimiimii.’ ”

1 Iphe, ndu eze meru 12:24

Ndu k'ipfu Jiuda; mbụ ndu pa iphe, e gude egbobuta onwonye; mẹ arwa bẹ dụ ụnu iri l'ẹsaa; bụkotaru ndu kwarụ ngwọgu.

1 Iphe, ndu eze meru 12:39

Ndu ono bẹ ẹphe lẹ Dévidi nọru abalị ẹto l'ẹka ono. Ẹphe nọdu eri; bya angụ; noo kẹle ndibe phẹ tụkoru phẹ nri eriri.

Ebvu-ọma 60:9

?Bụ onye e-du mu chịriri werere duba lẹ mkpụkpu ono, a kpụru kpụshia ike ono? Mbụ-a; ?bụ onye e-duru mu duba lẹ Edọmu?

Ebvu-ọma 78:68

Obenu l'ọ gbẹchia họta ọkpa-ipfu Jiuda; bụ iya bụ úbvú Zayọnu ono, o yeru obu ono.

Azáya 55:3

“Unu ngabẹ nchị! Unu kpịritaru mu nụ ntse! Unu nụmakpodapho iphe, mu epfu; k'ọphu unu a-nọdu ndzụ. Mu l'unu a-gbakwa ndzụ ojejoje. Ono bụru iphe-ọma, mu kweru Dévidi ukwe lẹ mu e-meru iya; tẹme mu bụru onye apfụshije ike l'iphe, mu kweru ukwe iya.

Ezekẹlu 21:32

Unu a-bụru nkụ, eeye l'ọku. Ẹka aa-phụshi mee unu wụshi bụ l'echilabọ alị unu. A ta abyadụ anyatabaa unu ọzo; noo kẹle ọo mụbe Chipfu bẹ pfuru iya nụ.”

Mayịka 5:1

“Sụ-a; unu chịkobe onwunu nọo l'ophere l'ophere; unubẹ mkpụkpu ono, ikpoto nemadzụ nọ ono; kẹle ndu ọhogu unu nọ-pheakwaru unu anọ-phe. Onye-ishi Ízurẹlu bẹ ẹphe e-chikwa mgbọro l'asha kẹ kpoo.